ഡബ്ലിന്‍ അന്താരാഷ്ട്ര സാഹിത്യ പുരസ്‌കാരത്തിനുള്ള നാമനിര്‍ദേശ പട്ടികയില്‍മലയാളി എഴുത്തുകാരന്‍ ബെന്യാമിനും ഇടംപിടിച്ചു. തര്‍ജ്ജമ ചെയ്ത നോവലുകളുടെ വിഭാഗത്തിലാണ് ബെന്യാമിന്റെ നോവലും ഇടംപിടിച്ചത്. മലയാളത്തിന് പുറമെ അറബിക്, കാറ്റലന്‍,ക്രൊയേഷ്യന്‍, ഡാനിഷ്, ഡച്ച്, ഇസ്‌റ്റൊണിയന്‍, ഫിന്നിഷ്, ഫ്രഞ്ച്, ജര്‍മന്‍, അയലന്റിക്, ഇറ്റാലിയന്‍, ജാപ്പനിസ്, കൊറിയന്‍, നോര്‍വീജിയന്‍, പോളിഷ്, പോര്‍ച്ചുഗീസ്, റോമേനിയന്‍, റഷ്യന്‍, സ്ലൊവേനിയന്‍, സ്പാനിഷ് ഭാഷകളിലെ 50 നോവലുകളാണ് നാമനിര്‍ദേശം ചെയ്യപ്പെട്ടത്.

ബെന്യാമിനെ കൂടാതെ പീറ്റര്‍ ഹാന്‍ഡ്‌കെ, ഒള്‍ക തൊക്കര്‍സുക്, ചികോ ബാര്‍ക്ൗ പാവോലോ കൊഗ്‌നെറ്റി, അദെലെയ്ഡ് ഡി ക്ലെര്‍മോണ്ട് ടൊണ്ണെറെ, ജൗലിയന ഫക്‌സ്, ക്രിസ്റ്റീന റിവെറ ഗര്‍സ എന്നിവരുടെ നോവലുകളുടെ തര്‍ജ്ജമയാണുള്ളത്. 40ലോക രാജ്യങ്ങളിലെ 119 നഗരങ്ങളിലെ ലൈബ്രറികളില്‍ നിന്ന് നാമനിര്‍ദേശം ചെയ്തതും ഡബ്ലിനിലെ പബ്ലിക് ലൈബ്രറികളില്‍ ലഭ്യമായതുമായ156 പുസ്തകങ്ങളാണ് പുരസ്‌കാരത്തിന് പരിഗണിക്കുന്നത്.
പട്ടികയില്‍ ഇടം പിടിച്ച എട്ട് പുസ്തകങ്ങള്‍ അയര്‍ലന്‍ഡില്‍ നിന്നുള്ളതാണ്. ടോമി ഓറഞ്ചിന്റെ 'ദേര്‍ ദേര്‍' എന്ന പുസ്തകത്തിനാണ് ഏറ്റവും കുടുതല്‍ നാമനിര്‍ദേശം ലഭിച്ചിരിക്കുന്നത്.10,000 യൂറോ ആണ് പുരസ്‌കാര തുക.