47,000 പന്നികളുടെ രക്തം ഇംജിന് നദിയെ ചോരപ്പുഴയാക്കി!
കഴിഞ്ഞ ദിവസം ദക്ഷിണ കൊറിയ ഉത്തര കൊറിയയുമായി അതിര്ത്തി പങ്കിടുന്ന പ്രദേശത്ത് ഇംജിന് നദിക്ക് സമീപം പതിനായിരക്കണക്കിന് പന്നികളെയാണ് വെട്ടിയത്. ഏഷ്യന് സൈ്വന് ഫ്ളൂ(പന്നിപ്പനി) പടര്ന്നു പിടിച്ചതിനെ തുടര്ന്നാണ് 47000 പന്നികളെ കൂട്ടമായി വെട്ടിയത്. ഇവയുടെ കൂട്ടിയിട്ട അവശിഷ്ടങ്ങളില് നിന്നും ഒഴുകിയിറങ്ങിയ ചോര, കനത്ത മഴയെത്തുടര്ന്ന് ഒഴുകി പുഴയില് പതിക്കുകയും ചെയ്തു. ദക്ഷിണ കൊറിയയിലെ ഇംജിന് നദി ആ രക്തം കലര്ന്നതിനെ തുടര്ന്ന് ചുവപ്പ് നിറമായി മാറി.
നദി ചുവന്നൊഴുകുന്നതിന്റെ ഫോട്ടോഗ്രാഫുകള് സാമൂഹ്യ മാധ്യമങ്ങളിലൂടെ പ്രാദേശിക പരിസ്ഥിതി പ്രവര്ത്തകര് പുറത്തു വിട്ടതോടെ വലിയ വിവാദമായിട്ടുണ്ട്. ഏഷ്യന് സൈ്വന് ഫ്ളൂ വ്യാപകമായി റിപ്പോര്ട്ട് ചെയ്യപ്പെട്ട യോണ് ചെന് കൗണ്ടിയില് ആയിരുന്നു പന്നികളെ കൂട്ടത്തോടെ കൊന്നത്. ഒറ്റദിവസം 47,000 പന്നികളെയാണ് അറുത്തത്. തോലും മറ്റ് അവശിഷ്ടങ്ങളും മറവുചെയ്യാന് പ്ളാസ്റ്റിക് കണ്ടെയ്നറുകള് താമസിച്ചതിനെ തുടര്ന്ന് വ്യാപകമായി കരയില് ഉപേക്ഷിച്ചു.
അതിര്ത്തി സൈനിക വിഭാഗത്തിന്റെ കാര്പാര്ക്കിലും മറ്റുമാണ് മാസം കൊണ്ടു തട്ടിയത്. ഇവിടെ ശക്തമായി മഴ പെയ്യുകയും ചെയ്തതോടെ മാംസ പിണ്ഡങ്ങളില് രക്തം പുഴയിലെത്തി. ഈ വെള്ളം സമീപത്തെ കര്ഷകരും മറ്റും താമസിക്കുന്ന ഇടങ്ങളിലേക്ക് എത്തുന്നത് അസുഖവും അണുബാധയും ഉണ്ടാകാന് കാരണമാകുമെന്ന ആശങ്ക പക്ഷേ കൃഷിമന്ത്രി തള്ളി.
യോഞ്ചിയോന് കഴിഞ്ഞ സെപ്തംബറില് സൈ്വന്ഫ്ളൂ റിപ്പോര്ട്ട് ചെയ്യപ്പെട്ട നഗരങ്ങളില് ഒന്നായിരുന്നു. ഇത്തരം പന്നിവെട്ട് മൂലം ഉണ്ടായേക്കാവുന്ന സാംക്രമിക രോഗങ്ങള് പ്രതിരോധിക്കാനായി അണുവിമുക്ത പ്രവര്ത്തനങ്ങള് നടത്തിയിട്ടുണ്ട് എന്നാണ് കാര്ഷിക മന്ത്രാലയം പറയുന്നത്. അതേസമയം മാംസാവശിഷ്ടങ്ങള് ശരിയായ വിധമാണോ സംസ്ക്കരിച്ചത് എന്ന പരിശോധന നടത്തുമെന്ന് മന്ത്രി പറയുന്നു. അതേസമയം ചോര വീണ പുഴ ഒഴുകുന്നത് ജനവാസ കേന്ദ്രങ്ങളിലൂടെയാണ് എന്നത് ഇവിടെ താമസിക്കുന്നവര്ക്ക് ഉത്ക്കണ്ഠയ്ക്ക് കാരണമായിട്ടുണ്ട്.
നേരത്തേ സൈ്വന് ഫ്ളൂ ആദ്യം റിപ്പോര്ട്ട് ചെയ്യപ്പെട്ടപ്പോള് 380,000 പന്നികളെയാണ് വെട്ടിയത്. പന്നികളില് രോഗം മോശമായ രീതിയില് പടര്ന്നിരുന്നു. അതേസമയം രോഗം മനുഷ്യരിലേക്ക് പടര്ന്നിരുന്നില്ല എന്നാണ് അധികൃതര് പറഞ്ഞത്. ഈ വര്ഷം വിയറ്റ്നാമില് രോഗം കണ്ടെത്തിയതിനെ തുടര്ന്ന് ജനുവരി മുതല് ഇതുവരെ 5.7 ദശലക്ഷം പന്നികളെയാണ് വെട്ടിയത്. ചൈനയില് 2018-ല് അസുഖം റിപ്പോര്ട്ട് ചെയ്തപ്പോള് 1.2 ദശലക്ഷം പന്നികളെ കൊലപ്പെടുത്തിയിരുന്നു.
https://www.facebook.com/Malayalivartha