ചിലിയന്‍ നഗരമായ വാല്‍പരൈസോയില്‍ കാട്ടുതീ പടര്‍ന്നു പിടിക്കുന്നു. 150ലേറെ വീടുകള്‍ കത്തിനശിച്ചു. ഇതേത്തുടര്‍ന്നു ആയിരത്തിലേറെ പേരെ പ്രദേശത്ത് നിന്ന് ഒഴിപ്പിച്ചു.കാട്ടുതീ 445 ഏക്കര്‍ വിഴുങ്ങി. തീ പൂര്‍ണ നിയന്ത്രണ വിധേയമാക്കാന്‍ വനപാലകര്‍ ശ്രമം തുടരുകയാണ്. ഉയര്‍ന്ന താപനിലയും ശക്തമായ കാറ്റും പ്രതികൂലമായി ബാധിക്കുന്നുണ്ട്.

കാട്ടുതീ നേരിടുന്ന മേഖലയില്‍ മേയര്‍ ജോര്‍ജ് ഷാര്‍പ്പ് അടിയന്തരാവസ്ഥ ഏര്‍പ്പെടുത്തി. കാട്ടു തീയെത്തുടര്‍ന്നു 90,000 ഉപഭോക്താക്കള്‍ക്ക് വൈദ്യുതി തടസം നേരിട്ടു.