അത്തരമൊരു ദുര്മാതൃക ആളുകള്ക്ക് നല്കേണ്ടി വന്നതില് ഖേദമുണ്ട്; യുവതിയുടെ കൈ തണ്ടയിൽ അടിച്ച സംഭവം; ഖേദം പ്രകടിപ്പിച്ച് ഫ്രാന്സിസ് മാര്പ്പാപ്പ
ഖേദം പ്രകടിപ്പിച്ച് ഫ്രാന്സിസ് മാര്പ്പാപ്പ രംഗത്ത്. തൻറെ കൈ പിടിച്ച് വലിച്ച സ്ത്രീയോട് ദേഷ്യപ്പെട്ടതിനായിരുന്നു മാർപ്പാപ്പ മാപ്പ് ചോദിച്ചത്. വര്ഷാവസാന പ്രാര്ത്ഥനയ്ക്ക് എത്തിയവരെ അഭിവാദ്യം ചെയ്ത് മടങ്ങുന്നതിനിടെയായിരുന്നു ഫ്രാന്സിസ് മാര്പ്പാപ്പയുടെ കൈ ഒരു സ്ത്രീ വലിച്ച് പിടിച്ചത്. സെന്റ് പീറ്റേഴ്സ് സ്ക്വയറില് ഇന്നലെയായിരുന്നു ഈ സംഭവം നടന്നത്.
സ്ത്രീകളും പുരുഷന്മാരും കുട്ടികളും അടങ്ങിയ ആളുകളെ കാണുന്നതിനിടെയായിരുന്നു മാര്പ്പാപ്പയുടെ കൈ വലിച്ച് ബാരിക്കേഡിന് അടുത്തേക്ക് വലിച്ച് അടുപ്പിക്കാന് യുവതി ശ്രമിച്ചത്.പെട്ടെന്നുണ്ടായ യുവതിയുടെ പ്രവർത്തിയിൽ ഞെട്ടുകയും ദേഷ്യം വരികയും ചെയ്ത മാര്പ്പാപ്പ യുവതിയുടെ കൈത്തണ്ടയില് അടിക്കുകയായിരുന്നു . ഇതിനിടെ മാര്പ്പാപ്പയുടെ സുരക്ഷാ സംഘം യുവതിയുടെ അപ്രതീക്ഷിത നടപടിയില് നിന്ന് മാര്പ്പാപ്പയുടെ കൈ വിടുവിക്കുകയുണ്ടായി. ഈ സംഭവത്തിലാണ് മാർപാപ്പ മാപ്പുമായി രംഗത്ത് വന്നിരിക്കുന്നത്.
https://www.facebook.com/Malayalivartha