ഹൈഡ്രോജനേറ്റ് ചെയ്ത ഓയില്‍ അടങ്ങിയ ഭക്ഷ്യ വസ്തുക്കള്‍ ഈ വര്‍ഷാരംഭം മുതല്‍ സൌദിയില്‍ നിരോധിക്കും. സൌദി ആരോഗ്യ മന്ത്രാലയമാണ് ഇക്കാര്യം അറിയിച്ചത്. ഹൈഡ്രോജനേറ്റ് ചെയ്യാത്ത ഭക്ഷ്യ വസ്തുക്കള്‍ ലഭ്യമാക്കാനാണ് സ്ഥാപനങ്ങള്‍ക്കുള്ള നിര്‍ദേശം. ചീത്ത കൊളസ്ട്രോള്‍ ഇത്തരം ഓയില്‍ വര്‍ധിപ്പിക്കുന്ന സാഹചര്യത്തിലാണ് തീരുമാനം. ഭക്ഷ്യവസ്തുക്കൾ ദീർഘകാലം കേടുകൂടാതിരിക്കാൻ ഹൈഡ്രോജനേറ്റ് ചെയ്ത എണ്ണ ഉപയോഗിക്കുന്നത് സൗദി അറേബ്യയിൽ നിരോധിച്ചു. ഇങ്ങനെയുള്ള എണ്ണയിൽ പാചകം ചെയ്യുന്നതോ ഇത്തരം എണ്ണ ചേർത്തതോ ആയ ഭക്ഷ്യവസ്തുക്കൾ പുതുവത്സരദിനം മുതൽ രാജ്യത്ത് വിൽക്കാൻ പാടില്ലെന്നാണ് ആരോഗ്യ മന്ത്രാലയത്തിന്റെ ഉത്തരവ്.

ഹൈഡ്രോജനേറ്റ് ചെയ്ത എണ്ണ ചീത്ത കൊളസ്ട്രോൾ ഉത്പാദിപ്പിക്കുകയും നല്ല കൊളസ്ട്രാളിന്റെ അളവ് കുറയ്ക്കുകയും ചെയ്യുമെന്ന വൈദ്യശാസ്ത്ര കണ്ടെത്തലിന്റെ അടിസ്ഥാനത്തിലാണ് നിരോധനം. ക്ഷ്യവസ്തുക്കൾ വിൽക്കുന്ന എല്ലാത്തരം സ്ഥാപനങ്ങൾക്കും പുതിയ ഉത്തരവ് ബാധകമാണ്. ഇത് സംബന്ധിച്ച നിര്‍ദേശം മുഴുവൻ വ്യാപാര സ്ഥാപനങ്ങൾക്കും ഭക്ഷണശാലകൾക്കും നല്‍കിത്തുടങ്ങിയിട്ടുണ്ട്. വിദേശത്ത് നിന്ന് ഭക്ഷ്യ ഉൽപന്നങ്ങൾ ഇറക്കുമതി ചെയ്യുന്നവര്‍ക്കും വിപണിയിൽ വിതരണം ചെയ്യുന്നവർക്കും നിര്‍ദേശം നല്‍കിയിട്ടുണ്ട്. ഹൈഡ്രോജനേറ്റ് ചെയ്തിട്ടില്ല എന്ന് ഉറപ്പ് വരുത്തിയ എണ്ണ മാത്രമേ പാചകത്തിന് ഉപയോഗിക്കാൻ പാടുള്ളൂ.

ജീവികളുടെ കോശഭിത്തികളിലും ശരീരകലകളിലും കാണപ്പെടുന്ന ഒരുതരം കൊഴുപ്പാണ്‌ കൊളസ്ട്രോൾ. ഗ്രീക്ക് പദങ്ങളായ (പിത്തം) (ഖരം) എന്നിവയോട് ആൽക്കഹോളിനെ സൂചിപ്പിക്കുന്ന -ol എന്ന പ്രത്യയം ചേർത്താണ്‌ കൊളസ്റ്റ്രോൾ എന്ന പദം ഉണ്ടാക്കിയിരിക്കുന്നത്‌. ഭക്ഷണപദാർഥങ്ങളിൽ നിന്നും ആഗിരണം ചെയ്യപ്പെടുകയോ കരൾ തുടങ്ങിയ ആന്തരികാവയവങ്ങളിൽ സംശ്ലേഷിക്കപ്പെടുകയോ ചെയ്യുന്ന കൊളസ്ട്രോൾ, രക്തത്തിലൂടെയാണ്‌ ശരീരത്തിൽ വിതരണം ചെയ്യപ്പെടുന്നത്.

രക്തത്തിലെ കൊളസ്ട്രോളിന്റെ അളവ്‌ മനുഷ്യശരീരത്തിൽ നിശ്ചിതപരിധിയിൽ കൂടിയാൽ മാരകമായ പല രോഗങ്ങൾക്കും കാരണമാകും. ചീത്ത കൊളസ്ട്രോളായ എൽ.ഡി.എൽ. രക്തത്തിൽ അധികമായാൽ അവ ധമനികളുടെ ആന്തരിക പാളികളിൽ അടിഞ്ഞു കൂടുകയും ഉൾവ്യാപ്തി കുറക്കുകയും ചെയ്യുന്നു. അതോടെ ധമനികളിലൂടെയുള്ള രക്തസഞ്ചാരം ദുഷ്കരമാകുന്നു. ഇതു ഹൃദയാഘാതം, മസ്തിഷ്കാഘാതം എന്നിവക്ക് കാരണമായേക്കാം.