ക്വീൻസ്‌ലൻഡിലെ സൺഷൈൻ കോസ്റ്റിൽ ഇരവിഴുങ്ങിയ ശേഷം വിശ്രമിക്കുന്ന നിലയിൽ വീടിനു സമീപത്തെ പൂന്തോട്ടത്തിൽ വിശ്രമത്തിലായിരുന്നു പെരുമ്പാമ്പിനെ കണ്ടെത്തുകയുണ്ടായി. പൂന്തോട്ടത്തിൽ പെരുമ്പാമ്പിനെ കണ്ട വീട്ടമ്മ പാമ്പുപിടുത്ത വിദഗ്ധരെ വിവരമറിയിച്ചതിനെ തുടർന്നാണ് വിവരം പുറംലോകം അരിഞ്ഞത് തന്നെ. ഇതേതുടർന്ന് പാമ്പു പിടിത്ത വിദഗ്ധനായ സ്റ്റ്യുവർട്ട് മക്കൻസിയാണ് രണ്ട് മീറ്ററോളം നീളമുള്ള പെരുമ്പാമ്പിനെ പിടികൂടാനെത്തിയത്.

പിടികൂടിയ പാമ്പ് വിഴുങ്ങിയത് എന്തിനെയാണെന്നറിയാൻ സമീപത്തുള്ള വെറ്ററിനറി ഹോസ്പിറ്റലിൽ മക്കൻസി തന്നെയാണ് എത്തിച്ചത്. തുടർന്ന് ഇവിടെ നടത്തിയ സ്കാനിങ്ങിലാണ് പൂച്ചയെയാണ് പെരുമ്പാമ്പ് വിഴുങ്ങിയതെന്ന് വ്യക്തമായത്. പാമ്പിന്റെ വയറിനുള്ളിൽ പൂച്ചയുടെ കോളറിൽ ഘടിപ്പിച്ചിരുന്ന ചിപ് വ്യക്തമായി കാണുവാൻ സാധിച്ചിരുന്നു. പൂച്ചയുടെ ഉടമ വെറ്ററിനറി ഹോസ്പിറ്റൽ അധികൃതരുമായി ഫോണിലൂടെ സംസാരിക്കുകയും ചെയ്തിരുന്നു. അങ്ങനെയാണ് പൂച്ചയെ പെരുമ്പാമ്പ് വിഴുങ്ങിയതാണെന്ന് മനസ്സിലാക്കിയത് തന്നെ.

അതേസമയം പൂച്ചയെ കാണാതായതിന്റെ ദുഃഖത്തിലായിരുന്നു ഉടമയും കുട്ടികളും ആഴ്ന്നിരുന്നത്. എന്തെന്നാൽ സാധാരണയായി പകൽ സമയത്ത് മാത്രമേ പൂച്ച പുറത്തിറങ്ങിയിരുന്നുള്ളൂ. ഇങ്ങനെ പുറത്തിറങ്ങിയപ്പോഴാകാം പാമ്പ് പിടികൂടിയെതന്നാണ് ലഭ്യമാകുന്ന നിഗമനം. ഇതേതുടർന്ന് വളർത്തു മൃഗങ്ങളെ സൂക്ഷിക്കണമെന്നും പുറത്തിറങ്ങി അനുവദിക്കരുതെന്നും മുന്നറിയിപ്പ് നൽകിയിട്ടുണ്ട്.