യുക്രെയ്ൻ വിമാനം മിസൈലേറ്റ് വീഴുന്ന ദൃശ്യംവീഡിയോ എടുത്ത് പോസ്റ്റ് ചെയ്തയാൾ അറസ്റ്റിൽ ...
യുക്രെയ്ൻ വിമാനം മിസൈലേറ്റ് വീഴുന്ന ദൃശ്യംവീഡിയോ എടുത്ത് ഓൺലൈനിൽ പോസ്റ്റ് ചെയ്തയാൾ അറസ്റ്റിലായി . ഇറാൻ റവല്യൂഷനറി ഗാർഡ്സ് ആണ് വീഡിയോ പോസ്റ്റ് ചെയ്തയാളെ അറസ്റ്റ് ചെയ്തതെന്നു അർധ ഔദ്യോഗിക മാധ്യമമായ ഫാർസ് ന്യൂസ് റിപ്പോർട്ട് ചെയ്തു.
വിമാനാപകടത്തെപ്പറ്റിയുള്ള അന്വേഷണത്തിലെ കണ്ടെത്തലുകൾ പൊതുജനത്തിനു ലഭ്യമാക്കുമെന്നും വാർത്തയിൽ സൂചനയുണ്ട്
ടെഹ്റാനിൽ വിമാനം വീണത് ഇറാന്റെ സൈനിക കേന്ദ്രങ്ങളിൽനിന്നുള്ള രണ്ടു മിസൈലുകളേറ്റാണെന്ന് വ്യക്തമാകുന്ന ദൃശ്യങ്ങൾ ആണ് കഴിഞ്ഞ ദിവസം പുറത്തു വന്നത്. വിമാനപഥത്തിൽനിന്ന് എട്ടു മൈൽ അകലെ നിന്നാണ് മിസൈൽ വിക്ഷേപിച്ചത് എന്നും മിസൈലേറ്റ ഉടനെ നിലംപതിച്ചില്ലെന്നും തീപിടിച്ച വിമാനം ടെഹ്റാനിലെ വിമാനത്താവളത്തിലേക്ക് പറക്കുന്നതും ദൃശ്യങ്ങളിൽ വ്യക്തമാണ്
176 യാത്രക്കാരുമായി യുക്രൈൻ പറന്ന വിമാനം ഇറാൻ വീഴ്ത്തിയതിനെതിരെ രാജ്യത്തിനകത്തുതന്നെ പ്രതിഷേധം ശക്തമായിരുന്നു. ഇതോടെ ഉത്തരവാദികളായവരെ കഴിഞ്ഞദിവസം ഇറാൻ അറസ്റ്റ് ചെയ്തിരുന്നു. എന്നാൽ എത്ര പേരെ അറസ്റ്റ് ചെയ്തെന്നോ ആരെല്ലാമാണു പിടിയിലായതെന്നോ വ്യക്തമായിട്ടില്ല. ആദ്യം നിഷേധിച്ചെങ്കിലും ‘അബദ്ധത്തിൽ’ ആണ് യാത്രാവിമാനം വീഴ്ത്തിയതെന്ന് ഇറാൻ സമ്മതിക്കുകയായിരുന്നു
https://www.facebook.com/Malayalivartha