നാസയെ ഞെട്ടിച്ചത് ഒരു ഇന്റേണി...!
നാസയുടെ ഗൊദാര്ദ് സ്പേസ് ഫ്ളൈറ്റ് സെന്ററില് ഇന്റേണ്ഷിപ്പിന് വന്ന വിദ്യാര്ഥിയുടെ കണ്ടുപിടുത്തത്തില് നാസയ്ക്ക് അത്ഭുതം.
17-കാരന് വൂള്ഫ് കുക്കിയര് എന്ന വിദ്യാര്ഥി പുതിയ ഗ്രഹത്തെ കണ്ടെത്തിയാണ് നാസയെ വിസ്മയിപ്പിച്ചത്.
ട്രാന്സിറ്റിംഗ് എക്സോപ്ലാനറ്റ് സര്വേ സാറ്റലെറ്റ് നല്കുന്ന ചിത്രങ്ങളെ നിരീക്ഷിക്കുക എന്നതായിരുന്നു, ന്യൂയോര്ക്കിലെ സ്കാര്ഡേലില് ഹൈസ്കൂള് വിദ്യാര്ഥിയായ വൂള്ഫിന് ഫ്ളൈറ്റ് സെന്ററില് നിന്നും ലഭിച്ച ജോലി.
ട്രാന്സിറ്റിംഗ് എക്സോപ്ലാനറ്റ് സര്വേ സാറ്റലെറ്റ് നല്കുന്ന ചിത്രങ്ങളെ നിരീക്ഷിച്ച വൂള്ഫ് രണ്ട് നക്ഷത്രങ്ങളുടെ പ്രകാശത്തെ എന്തോ ഒന്ന് മറയ്ക്കുന്നുണ്ടെന്ന് ഇന്റേണ്ഷിപ്പിന്റെ മൂന്നാം ദിനത്തില് വൂള്ഫ് കണ്ടെത്തി. തന്റെ സംശയം വൂള്ഫ് മുതിര്ന്ന ഗവേഷകരുമായി പങ്കുവയ്ക്കുകയും ചെയ്തു.
തുടര്ന്ന് നടത്തിയ വിശദമായ പരിശോധനയിലാണ് ഏറെ നിര്ണായകമായ വസ്തുത കണ്ടുപിടിക്കപ്പെട്ടത്. ടിഒഐ 1338 എന്ന ഗ്രഹം ഇവിടെയുണ്ടെന്ന് സ്ഥിരീകരിച്ചു. ഏകദേശം ഭൂമിയേക്കാള് 6.9 മടങ്ങ് വലുതാണ് ഈ ഗ്രഹം.
https://www.facebook.com/Malayalivartha