കൊറോണ ഭീതിയെ തുടര്‍ന്ന് വിമാനങ്ങള്‍ക്ക് നിരോധനമേര്‍പ്പെടുത്തി കുവൈറ്റ്. രാജ്യത്തു നിന്നുള്ളതും രാജ്യത്തേക്ക് എത്തേണ്ടിയിരുന്നതുമായ എല്ലാ വാണിജ്യ വിമാന സര്‍വീസുകളും റദ്ദാക്കുന്നുവെന്ന് കുവൈറ്റ് ഭരണകൂടം അറിയിച്ചു. കാര്‍ഗോ സര്‍വീസ് ഒഴികെ യുള്ള വിമാനങ്ങളുടെ സര്‍വീസാണ് നിര്‍ത്തിവച്ചത്. കൊറോണ വൈറസ് വ്യാപനം തടയുന്നതിന്റെ ഭാഗമായി കുവൈറ്റില്‍ രണ്ടാഴ്ചത്തേക്ക് പൊതു അവധി പ്രഖ്യാപിച്ചിരുന്നു.

മാര്‍ച്ച് 12 മുതല്‍ 26 വരെയാണ് അവധി. മാര്‍ച്ച് 29നായിരിക്കും ഇനി പ്രവര്‍ത്തനം പുനഃരാരംഭിക്കുക. അവശ്യ സര്‍വീസുകള്‍ പ്രവര്‍ത്തിക്കുമെന്നും അധികൃതര്‍ അറിയിച്ചിരുന്നു.