ലോകത്തിലെ വൻസാമ്പത്തിക ശക്തികളിൽ ഒന്നായ അമേരിക്കപോലും കോറോണയുടെ പിടിയിലായിരിക്കുകയാണ്. ശക്തമായ ജാഗ്രതക്കുറവ് മൂലമാണ് ഇത്തരത്തിൽ ഒരു വീഴ്ച സംഭവിച്ചത് എന്നാണ് പ്രമുഖർ വ്യക്തമാകുന്നത്. ഇതേതുടർന്ന് അമേരിക്കയുടെ അതിർത്തികൾ എല്ലാം തന്നെ കൊട്ടിയടയ്ക്കുകയും ചെയ്യുന്ന കാഴ്ചയാണ് കാണുന്നത്. ഇത്തരത്തിൽ കോറോണയുടെ ഭീതിയിൽ വീണുലയുന്ന അമേരിക്കയെ പിടിച്ചുയർത്താനുള്ള പുതിയ പദ്ധതികളാണ് ഈ പ്രമുഖർ മുന്നോട്ട് കൊണ്ടുവരുന്നത് തന്നെ.

കൊറോണാവൈറസ് അമേരിക്കയിലും തീവ്രമല്ലാത്ത രീതിയിൽ വ്യാപിച്ചു തുടങ്ങിയിരിക്കുന്ന ഈ സമയത്ത് ഫെയ്‌സ്ബുക് മേധാവി മാര്‍ക്ക് സക്കര്‍ബര്‍ഗും ഭാര്യ പ്രിസിലാ ചാനും സാന്‍ഫ്രാന്‍സിസ്‌കോയിലെ ബേ ഏരിയ (Bay Area) ഭാഗത്ത് കോവിഡ്-19 ടെസ്റ്റു ചെയ്യാനുള്ള സംവിധാനത്തിന്റെ ശേഷി നാലിരട്ടിയാക്കാനുള്ള ശ്രമത്തിനായി സംഭാവന ചെയ്യുന്നുവെന്ന വാര്‍ത്തയാണ് ഇപ്പോള്‍ റിപ്പോർട്ട് ചെയ്യപ്പെടുന്നത്. ഇത്തരത്തിൽ കാര്യങ്ങൾ നിയന്ത്രിക്കുന്നതിൽ ആദ്യഘട്ടത്തിൽ തന്നെ അമേരിക്ക പരാജയപ്പെട്ടു. എന്നാൽ കൊറോണ രോഗികളെ കൃത്യമായി നിരീക്ഷിക്കുന്നതിലും നിരീക്ഷണത്തിലിരിക്കുന്നവരെ ട്രാക്ക് ചെയ്യുന്നതിലും യുഎസ് ഭരണകൂടം വൻ പരാജയമായിരിക്കുന്നു എന്നുള്ള വിമർശനങ്ങളും ഉയരുകയാണ്.

ഇതിനിടെയാണ് ഫെയ്സ്ബുക് പോലുള്ള കമ്പനികൾ പോലും കൊറോണയെ നേരിടാൻ രംഗത്തെത്തിയിരിക്കുന്നത് എന്ന വാർത്തകളും പുറത്തേക്ക് വരുന്നത്. വികസിപ്പിച്ചെടുത്ത കോവിഡ്-19 ഡയഗ്‌ണോസ്റ്റിക് മെഷീനുകള്‍ ബേ ഏരിയയില്‍ പുതിയതായി രോഗമുളളവരുണ്ടോ എന്നറിയാന്‍ സഹായിക്കുന്നതാണ്. അതോടൊപ്പം തന്നെ പുതിയതായി സ്ഥാപിക്കുന്ന മെഷീനുകള്‍ അത്യാധുനികവും എഫ്ഡിഎ അംഗീകാരം ഉള്ളവയുമാണ്. ഇവ എല്ലാം തന്നെ വാങ്ങാനുള്ള പണം തങ്ങള്‍ നല്‍കുമെന്നാണ് സക്കര്‍ബർഗ് പറഞ്ഞത്. നിലവില്‍ ടെസ്റ്റിനുള്ള ക്ലിനിക്കല്‍ലാബുകള്‍ സ്റ്റാന്‍ഫെഡിലും യുസിഎസ്എഫിന്റെ കീഴിലുമാണ് \ഇവയുള്ളത്. ഇതിലൂടെ തന്നെ ഇവയുടെ ആയാസം കുറയ്ക്കാനും തങ്ങള്‍ക്കാകുമെന്നാണ് സക്കര്‍ബര്‍ഗ് പറയുന്നത്.

അതോടൊപ്പം തന്നെ ചാന്‍ സക്കര്‍ബര്‍ഗ് സംരംഭത്തിനുള്ള യന്ത്രങ്ങള്‍ ഉടന്‍ എത്തുകയും മാര്‍ച്ച് 16 മുതല്‍ പ്രവര്‍ത്തനക്ഷമമാകുകയും ചെയ്യും. എന്നാല്‍, രോഗലക്ഷണങ്ങള്‍ കാണിക്കുന്നവര്‍ക്കു മാത്രമായിരിക്കും ഇവിടെ ടെസ്റ്റ് നടത്താനാകുക. ഇത്തരം രോഗികള്‍ ഡോക്ടര്‍മാരുടെ ശുപാര്‍ശക്കത്തുമായി എത്തിയാലായിരിക്കും സക്കര്‍ബര്‍ഗ് ദമ്പതികളുടെ കീഴിലുള്ള ഡയഗ്‌ണോസ്റ്റിക് സെന്ററുകളില്‍ ടെസ്റ്റ് ചെയ്യാന്‍ സാധിക്കുകയും ചെയ്യുന്നതായിരിക്കും. പൊതുജനരാഗ്യ വകുപ്പിന്റെ മാനദണ്ഡങ്ങളും പാലിച്ചിരിക്കുകയും ചെയ്യണം.