ചൈന കൊറോണ മുക്തം; ഇനി വേണ്ടത് നിർണായക 14 ദിവസങ്ങൾ, പൊതുനിരത്തിൽ ജനങ്ങൾ പരിഭ്രാന്തിയില്ലാതെ നടക്കാൻ ചൈനയുടെ നിർണായക നീക്കം
കൊറോണ വൈറസ് പൊട്ടിപ്പുറപ്പെട്ട ശേഷം ചൈനയിലെ വുഹാനില് ആദ്യമായി പുതിയ കേസുകള് ഒന്നും റജിസ്റ്റര് ചെയ്യാത്ത വാർത്ത ലോകം പ്രതീക്ഷയോടെയാണ് കേട്ടത് തന്നെ. ഈ സാഹചര്യത്തില് യാത്രാ നിയന്ത്രണങ്ങൾ നീക്കുന്നതിന് ഇനിയും കുറച്ചു കാലം കൂടി കാത്തിരിക്കേണ്ടി വരുമെന്ന് ചൈനീസ് ഉന്നത ആരോഗ്യ വിദഗ്ധനും ഉപദേശകനുമായ ലീ ലാന്ജുവാന് മാധ്യമങ്ങളോട് പറയുകയുണ്ടായി. പുതിയ കേസുകള് ഒന്നും വരാതെ 14 ദിവസങ്ങള് ഇതേപോലെ കടന്നു പോയാലേ യാത്രാ നിയന്ത്രണങ്ങള് പൂര്ണമായും എടുത്തു മാറ്റാനാകൂ എന്നാണ് റിപോർട്ടുകൾ വ്യക്തമാക്കുയന്നത്.
അതേസമയം കഴിഞ്ഞ കുറച്ച് ആഴ്ചകളായി ചൈനയില് കൊറോണ വ്യാപനത്തില് ക്രമാനുഗതമായ കുറവ് വന്നിട്ടുണ്ട്. പുതിയ ആഭ്യന്തര കേസുകളൊന്നുമില്ലെന്ന് ചൈന റിപ്പോർട്ട് ചെയ്യുകയുണ്ടായി. കഴിഞ്ഞ കുറച്ചു ദിവസങ്ങളായി ഒറ്റ അക്കത്തിലാണ് വുഹാനിലെ കൊറോണ ബാധിതരുടെ സംഖ്യ വന്നു കൊണ്ടിരുന്നത് തന്നെ. ഇതോടൊപ്പം തന്നെ രാജ്യത്തിന്റെ ബാക്കി ഭാഗങ്ങളില് ദേശീയപാതകൾ വീണ്ടും തുറക്കുകയും ക്വാറന്റൈന് കേന്ദ്രങ്ങൾ അടയ്ക്കുകയും ചെയ്തിട്ടുണ്ട്. ഇങ്ങനെ നിയന്ത്രണങ്ങള് പതുക്കെ ഓരോന്നായി എടുത്തു മാറ്റികൊണ്ടിരിക്കുകയാണ്.
https://www.facebook.com/Malayalivartha