സ്മൃതി ഇറാനി വയനാട്ടിലേയ്ക്ക്... കോണ്ഗ്രസ് നേതാവ് രാഹുല് ഗാന്ധിയുടെ മണ്ഡലമായ വയനാടിന്റെ പരിധിയില് ഉള്പ്പെട്ട കരുവാരക്കുണ്ടില് അമേഠി സ്വദേശികളടക്കമുള്ള തൊഴിലാളികള്ക്ക് ഭക്ഷ്യധാന്യങ്ങളെത്തിച്ച് കേന്ദ്രമന്ത്രി സ്മൃതി ഇറാനി
കൊറോണയ്ക്കിടയില് പുട്ടുകച്ചവടം എന്നൊന്നും പറഞ്ഞ് ആരും വന്നേക്കരുത്. കൊടുത്താല് അമേഠിയില് അല്ല വയനാടും കിട്ടും.അത് അറിയേണ്ടവര്ക്ക് അറിയാം. ഇനി കാര്യത്തിലേയ്ക്ക് വരാം. അമേഠിയിലെ ജനങ്ങള് കൈവിട്ടെങ്കിലും രാഹുല് ഗാന്ധിക്ക് അത് പറ്റില്ലല്ലോ.
സ്മൃതിയുടെ തട്ടകത്തില് കയറിയാണ് രാഹുല് ഇപ്പോള് സഹായമിറക്കിയിരിക്കുന്നത്. യുപിയിലെ അമേഠിയിലേക്ക് ഭക്ഷ്യവസ്തുക്കളും മരുന്നും അയച്ച് കോണ്ഗ്രസ് നേതാവ് രാഹുല് ഗാന്ധി ഇറങ്ങിയില്ല. ദേ വന്നു സ്മൃതി ഇറാനിയും ഗോദയില്. അങ്ങ് അമേഠിയില് അല്ല ഇങ്ങ് കേരളത്തിന്റെ വടക്ക് വയനാടാണെന്ന് മാത്രം.
സ്മൃതി പ്രതിനിധാനം ചെയ്യുന്ന അമേഠിയിലേക്ക് രാഹുല് ഭക്ഷ്യധാന്യങ്ങളും സാനിറ്റൈസറുകളും എത്തിച്ചതിനു പിന്നാലെയാണ് ഇറാനിയുടെ നടപടി. കോണ്ഗ്രസ് നേതാവ് രാഹുല് ഗാന്ധിയുടെ മണ്ഡലമായ വയനാടിന്റെ പരിധിയില് ഉള്പ്പെട്ട കരുവാരക്കുണ്ടില് അമേഠി സ്വദേശികളടക്കമുള്ള തൊഴിലാളികള്ക്ക് ഭക്ഷ്യധാന്യങ്ങളെത്തിച്ച് കേന്ദ്രമന്ത്രി സ്മൃതി ഇറാനി. 35 അതിഥി തൊഴിലാളികള്ക്ക് സേവാഭാരതി പ്രവര്ത്തകര് ഭക്ഷ്യവസ്തുക്കള് എത്തിച്ചു. ഇരിങ്ങാട്ടിരി ക്വാര്ട്ടേഴ്സില് താമസിക്കുന്ന തൊഴിലാളികള്ക്കാണ് ഭക്ഷ്യകിറ്റ് നല്കിയത്. കോവിഡ് മൂലം പണിയില്ലാതായ തൊഴിലാളികള്ക്കു ഭക്ഷണം കിട്ടുന്നില്ലെന്ന് ക്വാര്ട്ടേഴ്സില് താമസിക്കുന്ന തൊഴിലാളി അമേഠിയിലെ സുഹൃത്തിനെ വിവരം അറിയിക്കുകയായിരുന്നു
രാഹുല് സ്വന്തം മണ്ഡലമായ വയനാടിനായും കൈ അയച്ച് സഹായിച്ചു. മലപ്പുറം ജില്ലയിലെ കരുവാരക്കുണ്ടില് അമേഠി സ്വദേശികളുള്പ്പെടെയുള്ള അതിഥിത്തൊഴിലാളികള് കുടുങ്ങിയിട്ടുണ്ട്. ഇവര് നാട്ടിലുള്ള ചിലരെ, തങ്ങള് ഭക്ഷണംകിട്ടാതെ വിഷമിക്കുകയാണെന്ന് അറിയിച്ചു. ഇക്കാര്യം മന്ത്രി സ്മൃതി ഇറാനിയെ ബി.ജെ.പി.യുടെ പ്രാദേശിക നേതൃത്വം ധരിപ്പിച്ചു. അവര് വിദേശകാര്യ സഹമന്ത്രി വി. മുരളീധരന്റെ സഹായം തേടി. മുരളീധരന്റെ നിര്ദേശപ്രകാരം സേവാഭാരതി പ്രവര്ത്തകര് കരുവാരക്കുണ്ടിലെത്തി തൊഴിലാളികളെ കണ്ടു. ഇവര്ക്ക് ആവശ്യമായ ഭക്ഷണ സാമഗ്രികള് ഉടന്തന്നെ എത്തിച്ചു. തുടര്ന്നുള്ള ദിവസങ്ങളിലും ഇവര്ക്ക് ഭക്ഷണം ഉറപ്പാക്കുമെന്ന് സേവാഭാരതി പ്രവര്ത്തകര് അറിയിച്ചു.
വയനാട് മണ്ഡലത്തിലെ സമൂഹ അടുക്കളയിലേക്ക് വേണ്ട സാധനങ്ങള് നാളെ വിതരണം ചെയ്യുമെന്ന് അദ്ദേഹത്തിന്റെ വയനാട് ഓഫിസ് പ്രതിനിധി വ്യക്തമാക്കി. വയനാട് മണ്ഡലത്തിലെ 51 പഞ്ചായത്തിലും അഞ്ച് മുന്സിപ്പാലിറ്റികളിലും തയാറാക്കിയിരിക്കുന്ന സമൂഹ അടുക്കളയിലേക്ക് 28,000 കിലോ അരിയാണ് രാഹുല് ഗാന്ധി വാങ്ങി നല്കിയിരിക്കുന്നത്. ഇതില് നിന്നും ഒരോ പഞ്ചായത്തിനും 500 കിലോ അരിയും, 50 കിലോ കടലയും 50 കിലോ പയറും വിതരണം ചെയ്യും.അദ്ദേഹത്തിന്റെ സ്വന്തം ചെലവിലാണ് ഭക്ഷണസാധനങ്ങള് വാങ്ങിയത്. നാളെ തന്നെ ഇത് വിതരണം ചെയ്യും. ലോക്ഡൗണ് നിയന്ത്രണങ്ങള് അവസാനിച്ചാല് ഉടന് തന്നെ കേരളത്തിലെത്തുമെന്നും രാഹുല് ഗാന്ധി അറിയിച്ചിട്ടുണ്ട്.
"
https://www.facebook.com/Malayalivartha
