ചൈനയെ തീര്ക്കാന് രാഷ്ട്രീയ ചാണക്യന് ... 2014ല് ദേശീയ സുരക്ഷാ ഉപദേഷ്ടാവ് അജിത് ഡോവല് കേന്ദ്ര സര്ക്കാരിന് നല്കിയ റിപ്പോര്ട്ടില് ചൈനയെ അമിതമായി ആശ്രയിക്കുന്നത് ഒഴിവാക്കണമെന്ന്... കോവിഡ് രോഗബാധയുടെ പശ്ചാത്തലത്തില് അന്നത്തെ ആ റിപ്പോര്ട്ടിന് പ്രസക്തി കൂടുന്നു
ചിലത് അങ്ങനെയാണ് വളരെ മുന്പേ പറയും ചിലര്. അങ്ങനെ 2014ല് ദേശീയ സുരക്ഷാ ഉപദേഷ്ടാവ് അജിത് ഡോവല് കേന്ദ്ര സര്ക്കാരിന് ഒരു റിപ്പോര്ട്ട് നല്കിയിരുന്നു ചൈനയെ അമിതമായി ആശ്രയിക്കുന്നത് ഒഴിവാക്കണം. പ്രത്യേകിച്ചും മരുന്നുല്പാദനത്തിന് ഉപയോഗിക്കുന്ന സജീവ മരുന്നു ഘടകങ്ങള്ക്കായി. ദേശീയ സുരക്ഷാ ഉപദേഷ്ടാവിന് മരുന്നുല്പാദനത്തില് എന്തു താല്പര്യം എന്നു ചോദിക്കുമ്പോള് ഇന്നത്തെ കോവിഡ് രോഗബാധയുടെ പശ്ചാത്തലത്തില് അന്നത്തെ ആ റിപ്പോര്ട്ടിന് പ്രസക്തി കൂടുകയാണ്.
ചൈനയെ ആശ്രയിക്കുന്നത് ദേശസുരക്ഷയ്ക്കു തന്നെ അപകടമാണെന്നും റിപ്പോര്ട്ടില് വ്യക്തമാക്കിയിരുന്നു. ഇന്ന് ആവശ്യത്തിന് എപിഐ ഇപ്പോള് ചൈനയില്നിന്നു ലഭിക്കുന്നില്ല എന്നത് ഭരണകൂടത്തെ തന്നെ ആശങ്കയിലാക്കിയിട്ടുണ്ട്. കോവിഡ് പ്രതിരോധത്തിനായി ദീര്ഘകാല ലോക്ഡൗണ് ഉള്പ്പെടെയുള്ള നടപടികള് അനിവാര്യമായി വന്നാല് എപിഐ രംഗത്ത് സ്വയംപര്യാപ്തത ഇല്ലാത്തത് ഇന്ത്യക്കു തിരിച്ചടിയാകും. മരുന്നുകള്ക്കു വേണ്ടി ചൈന ഉള്പ്പെടെയുള്ള രാജ്യങ്ങള്ക്കു മുന്നില് കൈനീട്ടി നില്ക്കേണ്ട അവസ്ഥയുണ്ടാകും. പ്രതിസന്ധി മുന്നില് കണ്ട് ആവശ്യത്തിന് എപിഐ ലഭ്യമാക്കാനുള്ള നടപടികള് 21 ദിവസത്തെ ലോക്ഡൗണ് പ്രഖ്യാപിക്കുന്നതിനു മുമ്പു തന്നെ സര്ക്കാര് സ്വീകരിച്ചിരുന്നു. പ്രത്യേക സമിതി രൂപീകരിച്ചു.
രാജ്യത്തെ എപിഐ വ്യവസായം പുനരുജ്ജീവിപ്പിക്കാനുള്ള പാക്കേജും കേന്ദ്രസര്ക്കാര് പ്രഖ്യാപിച്ചു. ഇന്ത്യന് ഫാര്മസ്യൂട്ടിക്കല് വ്യവസായ മേഖല ലോകത്തു തന്നെ മൂന്നാം സ്ഥാനത്താണ്. മലിനീകരണപ്രശ്നങ്ങളും വിപണി മത്സരവുമാണ് ഈ രംഗത്ത് ഇന്ത്യയെ ചൈനയ്ക്കു പിന്നിലാക്കിയത് എന്ന് വിദഗ്ധര് പറയുകയാണ്. തൊണ്ണൂറുകളില് എപിഐ കയറ്റുമതി ചെയ്തിരുന്ന ഇന്ത്യ ഈ രംഗത്ത് ചൈനയേക്കാള് ബഹുദൂരം മുന്നിലായിരുന്നു. ഇന്ത്യ ലോകരാജ്യങ്ങള്ക്കു മുന്നില് വിപണി തുറന്നിട്ട കാലയളവില് ചൈന എപിഐ മേഖലയെ ശക്തമായി പ്രോത്സാഹിപ്പിച്ചു. വിപണി തുറന്നതോടെ സാമ്പത്തിക ലാഭം നോക്കി മരുന്ന് ഇറക്കുമതി ചെയ്യാന് ഇന്ത്യയിലെ സ്വകാര്യ മരുന്നനിര്മാണ കമ്പനികള്ക്ക് അവസരം ലഭിച്ചു. ഇതേസമയം എപിഐ നിര്മാണ മേഖലയ്ക്ക് വന്തോതില് ഇളവുകള് അനുവദിച്ച് ചൈന കളംപിടിച്ചു.
സൗജന്യമായി സ്ഥലം, കുറഞ്ഞ വിലയ്ക്ക് വൈദ്യുതി, വെള്ളം, തൊഴിലാളികള് എന്നിവ സര്ക്കാര് തന്നെ കമ്പനികള്ക്കു ലഭ്യമാക്കി. തുടര്ന്ന് പെന്സിലിന് ജി ചൈനയില്നിന്ന് ഇന്ത്യയിലേക്ക് ഒഴുകുന്ന കാഴ്ചയാണു കണ്ടത്. ഇന്ത്യയില് മുതല്മുടക്കുന്നതിനേക്കാള് ലാഭം ചൈനയില്നിന്നു കുറഞ്ഞ ചെലവില് എപിഐ ഇറക്കുമതി ചെയ്യുന്നതാണെന്ന് കമ്പനികള് തീരുമാനിച്ചു. ഇതോടെ മേഖലയില് ചൈനയുടെ അപ്രമാദിത്വം ശക്തമായി. മലിനീകരണ തോത് കുറച്ച് എപിഐ നിര്മിക്കാന് കഴിയുന്ന സാങ്കേതിക വിദ്യ വികസിപ്പിച്ചെടുക്കുകയാണു ഇനി വേണ്ടത്. ചൈനയേക്കാള് കുറഞ്ഞ നിരക്കില് അസംസ്കൃത വസ്തുക്കളും ലഭ്യമാക്കണം. ഏതായാലും അജിത് ഡോവല് അന്നേ പറഞ്ഞത് ഇനിയെങ്കിലും നമ്മള് നടപ്പാക്കുമെന്ന് തന്നെ പ്രതീക്ഷിക്കാം.
"
https://www.facebook.com/Malayalivartha