ചൈനയ്ക്കെതിരെ തുറന്നയുദ്ധം... ചൈനയില് നിന്നും തങ്ങള് വാങ്ങിയ 20 ലക്ഷം മാസ്കുകള് ആശുപത്രികളിലെ ഉപയോഗത്തിന് യോഗ്യമല്ലെന്ന് ഫിന്ലന്ഡ്
ചൈനയ്ക്കെതിരെ തുറന്ന യുദ്ധം നിലപാടുകളിലൂടെ പ്രഖ്യാപിക്കുകയാണ് ചില ലോകരാജ്യങ്ങള്. ആദ്യം അമേരിക്ക, ഇപ്പോള് ഫിന്ലന്ഡ്.
ചിലത് ചൈന വരുത്തിവയ്ക്കുന്നതാണ്. മറ്റു ചിലത് അമേരിക്കന് നിലപാടുകളും. ചൈന ഈ പോക്ക് പോയാല് ശരിയാവില്ല. ഇപ്പോഴത്തെ പ്രതിസന്ധിയെന്താണെന്ന് എല്ലാവര്ക്കും അറിയാം. ചൈനയ്ക്ക് നന്നായി അറിയാം. എന്നിട്ടും വീണ്ടും തെറ്റുകള് ആവര്ത്തിക്കുന്നു. ചൈനയില് നിന്നും ഇറക്കുമതി ചെയ്യുന്നവ രണ്ടു തവണ പരിശോധിക്കണം, ചൈനീസ് മാസ്കുകള് സുരക്ഷിതമല്ലെന്ന് ഫിന്ലന്ഡ് പറയുമ്പോള് ഗൗരവത്തോടെ നാം ഈ വിഷയത്തെ സമീപിക്കേണ്ട സമയമാണ്.
ചൈനയില് നിന്നും തങ്ങള് വാങ്ങിയ 20 ലക്ഷം മാസ്കുകള് ആശുപത്രികളിലെ ഉപയോഗത്തിന് യോഗ്യമല്ലെന്ന് ഫിന്ലന്ഡ് വ്യക്തമാക്കികഴിഞ്ഞു. ചൊവ്വാഴ്ച ചൈനയിലെ ഗുവാംഗ്ഷൗവില് നിന്നും 20 ലക്ഷം സര്ജിക്കല് മാസ്കുകളും 230,000 റെസ്പിറേറ്റര് മാസ്കുകളും വിമാനമാര്ഗം ഹെല്സിങ്കിയിലെത്തിച്ചിരുന്നു. എന്നാല് ഈ മാസ്കുകള് ആശുപത്രി അന്തരീക്ഷത്തില് കൊറോണ വൈറസുകളെ ചെറുക്കാന് ഉപകരിക്കില്ലെന്ന് ഫിന്ലന്ഡ് സര്ക്കാര് കഴിഞ്ഞ ദിവസം വ്യക്തമാക്കുകയായിരുന്നു. അതേ സമയം, ഈ മാസ്കുകള് വീടുകളിലും മറ്റും ഉപയോഗിക്കാമെന്നും സര്ക്കാര് വ്യക്തമാക്കി.
ചൈനയില് നിന്നും ഇത്തരത്തില് കൊറോണ പ്രതിരോധ വസ്തുക്കള് ഇറക്കുമതി ചെയ്ത മറ്റ് യൂറോപ്യന് രാജ്യങ്ങളും പോരായ്മകള് ചൂണ്ടിക്കാട്ടിയിരുന്നു. ചൈനീസ് ഫേസ്മാസ്കുകള് അങ്ങേയറ്റം കുഴപ്പം നിറഞ്ഞതാണെന്ന് ഇവര് ചൂണ്ടിക്കാട്ടുന്നു. ചൈനീസ് ഉത്പന്നങ്ങള് വിലകുത്തനെ ഉയരുന്നുമുണ്ട്. വാങ്ങുന്നതിന് മുന്കൂട്ടി അഡ്വാന്സും നല്കണം.സ്പെയിന്, നെതര്ലന്ഡ്സ്, തുര്ക്കി, ഓസ്ട്രേലിയ രാജ്യങ്ങള് ചൈനയില് നിന്നും വാങ്ങിയ ഫേസ്മാസ്കുകള് തിരികെ അയച്ചിരുന്നു. ചൈനയില് നിന്നും ഇറക്കുമതി ചെയ്യുമ്പോള് രണ്ടു തവണ പരിശോധിക്കണമെന്നും ഈ രാജ്യങ്ങള് നിര്ദ്ദേശിക്കുന്നുണ്ട്.
ഫിന്ലന്ഡ് ഇറക്കുമതി ചെയ്ത മാസ്കുകളുടെ വില വെളിപ്പെടുത്തിയിട്ടില്ല. കൊറോണ പ്രതിരോധ പ്രവര്ത്തനങ്ങള്ക്ക് 400 കോടി യൂറോയാണ് രാജ്യത്ത് നീക്കി വച്ചിരിക്കുന്നത്. ഇതില് 600 ദശലക്ഷം യൂറോ സുരക്ഷാ ഉപകരണങ്ങള് വാങ്ങാനായി മാറ്റിവച്ചതാണ്.ദിവസം 2,00,000 മാസ്കുകള് വീതം നിര്മിക്കാന് രാജ്യത്തെ മൂന്ന് കമ്പനികളുമായി കരാര് ഏര്പ്പെട്ടതായി ഫിന്ലന്ഡ് അറിയിച്ചു. ദിനംപ്രതി ഒരു ലക്ഷം സര്ജിക്കല് മാസ്കുകളും 50,000 റെസ്പിറേറ്റര് മാസ്കുകളുമാണ് ഫിന്ലന്ഡിന് വേണ്ടത്. രാജ്യത്തിന്റെ പല ഭാഗത്തും ഇവയ്ക്ക് ക്ഷാമമുണ്ടാകുമെന്ന് മുന്നറിയിപ്പുമുണ്ട്.
"
https://www.facebook.com/Malayalivartha