ചൈനയിലെ വുഹാനിലെ ഒരു ലബോറട്ടറിയില്‍ നിന്നാണ് വൈറസിന്റെ ഉത്ഭവമെന്നും അബദ്ധത്തില്‍ അത് പൊതുജനങ്ങള്‍ക്കിടയില്‍ വ്യാപിക്കുകയായിരുന്നും എന്ന വാദത്തില്‍ ഇപ്പോഴും യുഎസ് രഹസ്യാന്വേഷണ ഉദ്യോഗസ്ഥര്‍ അന്വേഷണം നടത്തുകയാണ്.
ചൈനയുടെ ജൈവായുധ ഗവേഷണവുമായി വൈറസിന് ബന്ധമുണ്ടെന്ന് യുഎസ് വിശ്വസിക്കുന്നില്ലെന്നും വൈറസിന്റെ ഉത്ഭവത്തെക്കുറിച്ച് ഇന്റലിജന്‍സ് സംഘം നിരവധി വാദങ്ങള്‍ പരിശോധിക്കുന്നുണ്ട്

ഇത്രയധികം മരണംങ്ങള്‍ ഉണ്ടായിട്ടും എന്താണ് കോവിഡ്19 എന്ന് പോലും കൃത്യമായി മനസിലാക്കാന്‍ നമ്മുക്കായിട്ടില്ല അപ്പോഴാണ് വരുന്ന നവംബറോടെ ചൈനയുള്‍പ്പെടെയുള്ള ചില രാജ്യങ്ങളില്‍ കൊറോണ വൈറസിന്റെ രണ്ടാമത്തെ തരംഗം ഉണ്ടാകുമെന്ന് മുന്നറിയിപ്പ്. ഷാങ്ഹായിലെ കോവിഡ്-19 ക്ലിനിക്കല്‍ വിദഗ്ധനായ ഴാങ് വെനോങ് ആണ് മുന്നറിയിയിപ്പുമായി രംഗത്ത് വന്നത്. കോവിഡ് വ്യാപനം തടയാനായി ഏര്‍പ്പെടുത്തിയ നിയന്ത്രണങ്ങള്‍ പിന്‍വലിച്ച് ചൈനയിലെ ജീവിതം സാധാരണഗതിയിലേക്ക് മാറിക്കൊണ്ടിരിക്കെയാണ് പുതിയ മുന്നറിയിപ്പ് വന്നിരിക്കുന്നത്.

ചൈന കൊരോണ വൈറസിനെ പരാജയപ്പെടുത്തിയിട്ടില്ലെന്ന് ഡോക്ടര്‍മാര്‍. ഇപ്പോഴുള്ളത് രോഗ വ്യാപനത്തിന്റെ ഇടവേളയാണ് ഇതെന്ന് ഡോക്ടര്‍മാര്‍ വ്യക്തമാക്കുന്നു. മൂന്ന് പ്രശ്നങ്ങള്‍ ഇപ്പോള്‍ തന്നെ ചൈനയെ അലട്ടുന്നുണ്ട്. ഈ സാഹചര്യത്തില്‍ ലോകത്തെ കൊറോണവൈറസിന്റെ കണക്കുകള്‍ ബോധിപ്പിക്കുക ബുദ്ധിമുട്ടായിരിക്കും. അതിലുപരി മറ്റ് പ്രശ്നങ്ങളും ചൈനയ്ക്കുണ്ട്.

'ഒക്ടോബര്‍ മാസത്തിനുള്ളില്‍ വൈറസ് വ്യാപനം തടഞ്ഞില്ലെങ്കില്‍ ശൈത്യകാലത്തോടെ വൈറസിന്റെ രണ്ടാം വരവുണ്ടാകുമെന്നാണ് ഴാങ് വെനോങ് മുന്നറിയിപ്പ് നല്‍കുന്നത്. രോഗവ്യാപനം തടയുന്നതിനുള്ള ചൈനയുടെ അനുഭവ പരിചയം കൊണ്ട് രോഗവ്യാപനം വീണ്ടും ഉണ്ടായാല്‍ അതിനെ നേരിടാനാകുമെന്ന് വ്യക്തമാണ്.' എന്നാല്‍ വൈറസിന്റെ ആദ്യഘട്ട വ്യാപന സമയത്ത് സ്വീകരിച്ചതരത്തിലുള്ള നിയന്ത്രണങ്ങള്‍ ആവശ്യമായി വരില്ലെന്നും അദ്ദേഹം പറഞ്ഞു.

സമ്പദ് വ്യവസ്ഥയെ തിരികെ ചലനാത്മകമാക്കുന്നതിനായി ചൈനീസ് അധികൃതര്‍ നിയന്ത്രണങ്ങള്‍ ഘട്ടം ഘട്ടമായി നീക്കം ചെയ്യുന്ന പശ്ചാത്തലത്തിലാണ് ഴാങ് വെനോങ് വൈറസിന്റെ രണ്ടാം തരംഗം പ്രവചിച്ചിരിക്കുന്നത്. ചൈനീസ് അധികൃതര്‍ പുറത്തുവിട്ട കണക്കുകള്‍ പ്രകാരം 82,341 പേര്‍ക്കാണ് കോവിഡ്-19 ബാധിച്ചത്. അവരില്‍ 3,342 പേര്‍ മരിച്ചു.

ചൈനയില്‍ എസി വഴിയും രോഗം പടര്‍ന്നിട്ടുണ്ടെന്നാണ് പുതിയ റിപ്പോര്‍ട്ട്. മൂന്ന് കുടുംബങ്ങളില്‍ നിന്നുള്ള പത്ത് പേര്‍ ചൈനയിലെ ഗ്യാങ്ഷുവിലെ ഒരു റെസ്റ്റോറന്റില്‍ വന്നിരുന്നു. ഇതിലൊരു കുടുംബം വുഹാനില്‍ നിന്നാണ് എത്തിച്ചത്. ഇവര്‍ അടുത്തടുത്തുള്ള മേശയില്‍ നിന്നാണ് ഭക്ഷണം കഴിച്ചത്. ജനുവരി 24നാണ് ഇത് നടന്നത്. മണിക്കൂറുകള്‍ക്കുള്ളില്‍ ആ കുടുംബത്തിലെ ഒരാള്‍ക്ക് കടുത്ത പനിയും ചുമയും അനുഭവപ്പെട്ടതിനെ തുടര്‍ന്ന് ആശുപത്രിയില്‍ പ്രവേശിപ്പിച്ചു. ഫെബ്രുവരി അഞ്ചിന് ബാക്കിയുള്ളവരെയും ആശുപത്രിയില്‍ പ്രവേശിപ്പിച്ചു. അതേസമയം ഈ ചുമച്ചതിലൂടെ വൈറസ് വായുവിലെത്തുകയും അതിലൂടെ മറ്റുള്ളവരിലേക്ക് പകര്‍ന്നെന്നുമാണ് കണ്ടെത്തല്‍. ഇതിന് എസിയുടെ സാന്നിധ്യം സഹായിച്ചെന്നാണ് വിലയിരുത്തല്‍.

വൈറസിന്റെ പ്രഭവകേന്ദ്രമായിരുന്ന വുഹാനില്‍ അടക്കം രോഗത്തെ പിടിച്ചുകെട്ടിയെങ്കിലും വിദേശത്തുനിന്ന് തിരിച്ചെത്തുന്ന ചൈനീസ് പൗരന്മാരില്‍ കൂടി രോഗം രാജ്യത്ത് വ്യാപിക്കുന്ന കേസുകളും റിപ്പോര്‍ട്ട് ചെയ്യുന്നുണ്ട്. നിലവില്‍ വിവിധ രാജ്യങ്ങള്‍ സമ്പദ്വ്യവസ്ഥയെ ഉണര്‍ത്താനായി നിയന്ത്രണങ്ങളില്‍ ചില സമയങ്ങളില്‍ ഇളവ് വരുത്താറുണ്ട്. ഇത്തരം നടപടികള്‍ കൊണ്ട് രോഗവ്യാപനത്തിനെ തടയാന്‍ സാധിക്കില്ലെന്നാണ് ഴാങ് പറയുന്നത്.

രോഗം അതിന്റെ മൂര്‍ധന്യത്തില്‍ എത്തിയാലും ഏല്ലാ രാജ്യങ്ങളും ഒരുമിച്ച് രോഗത്തിനെതിരെ പോരാടേണ്ടതുണ്ട്. എല്ലാ രാജ്യങ്ങളും അതിനെ നിയന്ത്രിച്ചാല്‍ മാത്രമേ എല്ലാവര്‍ക്കും ആരോഗ്യത്തോടെ ജീവിക്കാന്‍ സാധിക്കൂ. പരിശോധനകളുടെ എണ്ണം വര്‍ധിപ്പിക്കണം, രോഗികളുടെ സമ്പര്‍ക്കരീതികള്‍ കണ്ടെത്തണം, ഇതിനൊപ്പം രോഗബാധ തിരിച്ചറിഞ്ഞവരെ എത്രയും പെട്ടന്ന് ആശുപത്രിയില്‍ എത്തിക്കണം - ഇവയാണ് രോഗവ്യാപനത്തെ വരുതിയില്‍ നിര്‍ത്താനുള്ള രഹസ്യങ്ങളെന്നാണ് ഴാങ് വിശദീകരിക്കുന്നത്.

അമേരിക്കയില്‍ നിലവില്‍ വല്ലാതെ പടരുന്ന രോഗത്തെ മെയ് മാസത്തോടെ നിയന്ത്രണവിധേയമാക്കാന്‍ സാധിക്കുമെന്നാണ് ഇദ്ദേഹം പറയുന്നത്. അതിനു ചൈനയും അമേരിക്കയും തമ്മില്‍ നിരന്തരം സഹകരണം ഉണ്ടായിരിക്കണമെന്നും അദ്ദേഹം പറഞ്ഞു