പൊലീസ് വേഷം ധരിച്ചെത്തിയ അക്രമി കിഴക്കന്‍ കാനഡയിലെ നൊവസ്‌കോഷ്യയില്‍ 16 പേരെ വെടിവച്ചുകൊന്നു. തോക്കുമായി വീടുകള്‍ കയറിയിറങ്ങി ആളുകളെ വകവരുത്തിയ ഗബ്രിയേല്‍ വോര്‍ട്മാന്‍ (51) പൊലീസുമായുള്ള ഏറ്റുമുട്ടലില്‍ കൊല്ലപ്പെട്ടു. ശനിയാഴ്ച രാത്രി ആയിരുന്നു സംഭവം.

കൊലപാതകിയെ 12 മണിക്കൂര്‍ തിരച്ചിലിനൊടുവിലാണ് പിടികൂടിയത്. കോവിഡ് ലോക്ഡൗണായതിനാല്‍ തെരുവില്‍ ആളുകള്‍ കുറവായിരുന്നു. പല വീടുകളിലുമെത്തി ആദ്യം കണ്ടവരെ വെടിവയ്ക്കുകയായിരുന്നു. പൊലീസാണെന്നു തെറ്റിദ്ധരിപ്പിക്കാന്‍ പ്രത്യേക സ്റ്റിക്കര്‍ പതിപ്പിച്ച കാറിലാണ് അക്രമി ഇറങ്ങിയത്. ചില വീടുകളില്‍ വെടിവയ്പിനു ശേഷം തീയിടുകയും ചെയ്തു.

ഡെന്റല്‍ ക്ലിനിക്കിലെ സഹായിയായി ജോലി ചെയ്യുന്നയാളാണ് അക്രമി. കൊല്ലപ്പെട്ടവരില്‍ മൗണ്ട് റോയല്‍ കനേഡിയന്‍ മൗണ്ടഡ് പൊലീസിലെ വനിതാ ഓഫിസറും ഉള്‍പ്പെടും. കാനഡയുടെ ചരിത്രത്തിലെ ഏറ്റവും വലിയ വെടിവയ്പ് കൂട്ടക്കൊലയാണിത്. ഭീകരാക്രമണമാണോയെന്നു പൊലീസ് അന്വേഷിക്കുന്നു. 1989-ല്‍ മോണ്‍ട്രിയോളില്‍ 15 പേര്‍ കൊല്ലപ്പെട്ടിരുന്നു.