ചെവി വേദനയും അസ്വസ്ഥതയും ചൊറിച്ചിലും കടുത്തതോടെ ഹോസ്പിറ്റലിലേക്ക്... ഡോക്ടർക്ക് പോലും കാരണം കണ്ടുപിടിക്കാനായില്ല... ഒടുക്കം 'ഓട്ടോസ്കോപി' ചെയ്തു നോക്കിയപ്പോള് കണ്ടത് ഞെട്ടിക്കുന്ന കാഴ്ച്ച... സംഭവം ഇങ്ങനെ...
കഴിഞ്ഞ ദിവസമായിരുന്നു സംഭവം. യുവതിയുടെ ചെവിക്കുള്ളില് കയറി എട്ടുകാലി കൂടുകൂട്ടി താമസിച്ചു. ഞെട്ടെണ്ട സംഭവം സത്യമാണ്. ചൈനയിലെ സിചുവാന് പ്രവിശ്യയിലാണ് ഇത്തരത്തില് ഞെട്ടിക്കുന്ന ഒരു സംഭവം ഉണ്ടായത്.
അസാധാരണമായ തരത്തില് ചെവി വേദനയും അസ്വസ്ഥതയും ചൊറിച്ചിലും അനുഭവപ്പെട്ടതോടെയാണ് ഒരു സ്ത്രീ സിചുവാനിലെ മിയാന്യാങ് ആശുപത്രിയില് ചികിത്സ തേടിയത്.
അദ്യം ഡോക്ടര്മാര്ക്ക് കാര്യം പിടികിട്ടിയില്ല. എന്നാല് പിന്നീട് 'ഓട്ടോസ്കോപി' ചെയ്തു നോക്കിയപ്പോള് ചെവിക്കകത്ത് ഒരു ജീവനുള്ള എട്ടുകാലിയെ അവര് കണ്ടെത്തുകയായിരുന്നു.
ഏഴ് ദിവസത്തോളമായി ചെവിക്കുള്ളില് എട്ടുകാലിയുണ്ട്. ജീവന് ഭീഷണിയൊന്നും ഉയരാഞ്ഞതിനാല് തന്നെ, അത് ചെവിക്കകത്തെ കനാലിനുള്ളില് വല കെട്ടി താമസം തുടങ്ങുകയായിരുന്നു.
ഓട്ടോസ്കോപ്പിയിലൂടെ ഡോക്ടര്മാര് കണ്ട ഈ ദൃശ്യങ്ങളാണ് ഇപ്പോള് പുറത്തു വന്നിരിക്കുന്നത്. ഏറെ അസ്വസ്ഥതപ്പെടുത്തുന്നതാണ് ദൃശ്യങ്ങള്.
ചെറിയ എട്ടുകാലിയായിരുന്നതിനാല് തന്നെ അത് ചെവിക്കകത്ത് കാര്യമായ തകരാറുകളൊന്നും ഉണ്ടാക്കിയിട്ടില്ലെന്നും, ഭാഗ്യം കൊണ്ടു മാത്രമാണ് കേള്വിത്തകരാറ് സംഭവിക്കാഞ്ഞതെന്നും ഡോക്ടര്മാര് പറയുന്നു. പിന്നീട് മരുന്നൊഴിച്ച് മയക്കിയ ശേഷം ഇവര് എട്ടുകാലിയെ പുറത്തെടുത്തു.
https://www.facebook.com/Malayalivartha
