വൈറസിനെ തടയുന്ന ടെക്‌സ്‌റ്റൈല്‍ കോട്ടിങ് വികസിപ്പിച്ചു
യുഎസില്‍ പിറ്റ്‌സ്ബര്‍ഗ് യൂണിവേഴ്‌സിറ്റിയിലെ ഗവേഷകര്‍ വൈറസുകളെ പ്രതിരോധിക്കാന്‍ കഴിയുന്ന വസ്ത്ര ആവരണം (ടെക്‌സ്‌റ്റൈല്‍ കോട്ടിങ്) വികസിപ്പിച്ചു.
മാസ്‌ക്, ഗൗണ്‍ തുടങ്ങിയ വ്യക്തി സുരക്ഷാ ഉപകരണങ്ങളുടെ പ്രതലത്തില്‍ വൈറസ് പറ്റിനില്‍ക്കുന്നതു തടയുക മാത്രമല്ല, അവ കഴുകി വീണ്ടും ഉപയോഗിക്കാനും കഴിയുമെന്ന് ഇവര്‍ അവകാശപ്പെടുന്നു.
നിലവില്‍ ഇത്തരം ലേപനങ്ങള്‍ ഉണ്ടെങ്കിലും ഉരച്ചു കഴുകുന്നതോടെ അവ കേടാകുന്നു. എന്നാല്‍ പുതിയ കോട്ടിങ്ങിന് അത്തരം പ്രശ്‌നമില്ല.
ലോകമെമ്പാടുമുള്ള വ്യക്തി സുരക്ഷാ ഉപകരണങ്ങളുടെ ക്ഷാമം കണക്കിലെടുക്കുമ്പോള്‍ കോവിഡ് പ്രതിരോധ പ്രവര്‍ത്തനങ്ങളില്‍ ഏര്‍പ്പെടുന്നവര്‍ക്കു പുതിയ കണ്ടെത്തല്‍ ഏറെ സഹായകമാകും.
ന്യൂ ഇംഗ്ലണ്ട് ജേണല്‍ ഓഫ് മെഡിസിനില്‍ പ്രസിദ്ധീകരിച്ച പഠനത്തില്‍ മനുഷ്യരില്‍നിന്നു കൊറോണ വൈറസ് പൂച്ചകളിലേക്കു പകരുമെന്നു ചൂണ്ടിക്കാട്ടുന്നു.
ഒരു പൂച്ചയില്‍ നിന്നു വേറൊരു പൂച്ചയിലേക്കും പകരാം. എന്നാല്‍ പൂച്ചയില്‍ നിന്നു മനുഷ്യനിലേക്കു പകരുമോ എന്നു വ്യക്തമായിട്ടില്ല. കോവിഡ് രോഗികള്‍ വളര്‍ത്തു മൃഗങ്ങളുമായി ഇടപെടാതിരിക്കുന്നതാണു നല്ലതെന്നു ഗവേഷകര്‍ നിര്‍ദേശിക്കുന്നു.
https://www.facebook.com/Malayalivartha
