മേയ് 21-മുതല് 9 നഗരങ്ങളിലേക്ക് സര്വീസുകള് ആരംഭിക്കുമെന്ന് എമിറേറ്റ്സ്
ലണ്ടന് ഹീത്രോ, ഫ്രാങ്ക്ഫര്ട്ട്, പാരിസ്, മിലാന്, മഡ്രിഡ്, ഷിക്കാഗോ, ടൊറന്റോ, സിഡ്നി, മെല്ബണ് എന്നീ 9 നഗരങ്ങളിലേക്ക് ദുബായില് നിന്ന് വിമാനസര്വീസുകള് ആരംഭിക്കുമെന്ന് എമിറേറ്റ്സ്. ഈ മാസം 21- മുതല് ആരംഭിക്കാനാണ് തീരുമാനം. emirates.com വെബ്സൈറ്റില് ടിക്കറ്റ് ബുക്കിങ് ആരംഭിച്ചു. അതതു രാജ്യങ്ങള് നിഷ്കര്ഷിക്കുന്ന സുരക്ഷാ മാനദണ്ഡങ്ങള്ക്കനുസരിച്ചു മാത്രമാണ് യാത്രക്കാരെ അനുവദിക്കുക. അകലം പാലിച്ചായിരിക്കും സീറ്റ് ക്രമീകരണം.
അതിനിടെ ഖത്തര് എയര്വേയ്സ് വിമാന ടിക്കറ്റുകള്ക്ക് 2 വര്ഷം വരെ കാലാവധി നീട്ടി. ഈ വര്ഷം സെപ്റ്റംബര് 30 വരെ ബുക്ക് ചെയ്യുന്ന ടിക്കറ്റുകള്ക്കാണ് ആനുകൂല്യം. മേയ് 26 മുതല് കേരളത്തിലേക്കുള്ള ടിക്കറ്റ് ബുക്കിങ് ആരംഭിച്ചിട്ടുണ്ട്.
യുഎഇ.-യില് വീസ കാലാവധി കഴിഞ്ഞവര്ക്ക് ഈ മാസം 18 മുതല് 3 മാസത്തേക്ക് രാജ്യം വിടാനുള്ള സാവകാശം നല്കി. മാര്ച്ച് ഒന്നിനു മുന്പ് കാലാവധി തീര്ന്ന താമസ, സന്ദര്ശക വീസകള്ക്കും ഇളവ് ബാധകമാണ്. വീസ കാലാവധി കഴിഞ്ഞ് രാജ്യത്ത് തങ്ങുന്നവരെ പ്രവേശന നിരോധനം ഏര്പ്പെടുത്തി നാടുകടത്തുകയാണു പതിവെങ്കിലും കോവിഡ് പശ്ചാത്തലത്തില് ഇതൊഴിവാക്കി. രാജ്യം വിടുന്നവര്ക്കു പ്രവേശന വിലക്ക് ഏര്പ്പെടുത്തില്ല. കാലാവധി തീര്ന്ന എമിറേറ്റ്സ് ഐഡി, വര്ക്ക് പെര്മിറ്റ് എന്നിവയ്ക്കുള്ള പിഴയും ഒഴിവാക്കിയിട്ടുണ്ട്.
കോവിഡ് പ്രതിരോധ രംഗത്തു പ്രവര്ത്തിക്കുന്നതിനുള്ള ആദരവായി 212 വിദേശ ഡോക്ടര്മാര്ക്ക് 10 വര്ഷം കാലാവധിയുള്ള ഗോള്ഡന് വീസ അനുവദിക്കും.
https://www.facebook.com/Malayalivartha