ചൈനക്കെതിരെ സകലആയുധങ്ങളും പുറത്തിറക്കാന്‍ അമേരിക്ക കഠിന പരിശ്രമം നടത്തുകയാണ്. കൊറോണ ഉണ്ടാക്കിയതിന്റെ പിന്നില്‍ ചൈന തന്നെയാണെന്ന് ഉറച്ചു വിശ്വസിക്കുന്ന അമേരിക്ക 18 ഇന പദ്ധതികളാണ് നടപ്പിലാക്കാന്‍ തീരുമാനിച്ചി രിക്കുന്നത്. എന്നാല്‍ ചൈനയുടെ കുതന്ത്രങ്ങളും ആഗോള തലത്തിലെ പിടിയും അയക്കാന്‍ ഇന്ത്യയുടെ സഹായം അമേരിക്ക തേടിയിരിക്കുകയാണ്.

ആഗോള വിപണി പിടിച്ചും വന്‍കിട കമ്പനികളുടെ ഉത്പാദനങ്ങള്‍ക്ക് ഇടം നല്‍കിയും ചൈന നേടിയെടുത്ത വ്യാവസായിക സാമ്രാജ്യപദവി തകര്‍ക്കുകയാണ് അമേരിക്കയുടെ ലക്ഷ്യം. ഭൂരിഭാഗം വ്യവസായങ്ങളും ചൈനയില്‍ നിന്നും ഇന്ത്യയിലേക്ക് എത്തിക്കാന്‍ അമേരിക്ക അതിവേഗമാണ് നടപടികളെടുക്കുന്നത്. സൈനിക മേഖലയിലെ മുഴുവന്‍ നിര്‍മ്മാണവും ഇന്ത്യ, വിയറ്റ്നാം, തായ്വാന്‍ എന്നീ രാജ്യങ്ങള്‍ക്കാണ് ഇനി അമേരിക്ക നല്‍കുക. മികച്ച ആയുധങ്ങളുടെ നിര്‍മ്മാണത്തില്‍ ജപ്പാനേയും ദക്ഷിണ കൊറിയയേയും അമേരിക്ക പങ്കാളിയാക്കികഴിഞ്ഞു.

ചൈന എല്ലാരംഗത്തും നടത്തുന്ന നുണപ്രചരണങ്ങളും ചതിപ്രയോഗങ്ങളും മൂടിവയക്കലുകളും ഒരു കാരണവശാലും പൊറുക്കാനാവില്ലെന്ന കടുത്ത നിലപാടാണ് അമേരിക്കന്‍ ഭരണകൂടങ്ങളും പ്രതിപക്ഷകക്ഷികളും എടുത്തിരിക്കുന്നത്. ചൈനയുടെ സൈബര്‍ രംഗത്തെ കടന്നുകയറ്റം തടയാനും അമേരിക്ക ഇന്ത്യയുടെ സഹായമാണ് ആഗ്രഹിക്കുന്നത്.