കോവിഡ്​ രോഗികളുടെ എണ്ണത്തില്‍ കൊറോണ വൈറസിന്‍െറ ഉത്​ഭവ കേന്ദ്രമായ ചൈനയെയും മറികടന്ന്​ ഇന്ത്യ കുതിക്കുന്നു. ഇതോടെ കോവിഡ്​ രോഗബാധിതരുടെ എണ്ണത്തില്‍ ഇന്ത്യ 11ാം സ്​ഥാനത്തെത്തി.

ഇന്ത്യയില്‍ ഇതുവരെ 85,546 പേര്‍ക്കാണ്​ കോവിഡ്​ സ്​ഥിരീകരിച്ചത്​. 2746 പേര്‍ മരിക്കുകയും ചെയ്​തു. അതേസമയം, ചൈനയുടെ അത്രയും മരണനിരക്ക്​ ഉയരാത്തത്​ ആശ്വാസമുയര്‍ത്തുന്നുണ്ട്​. 3.2 ശതമാനമാണ്​ ഇന്ത്യയുടെ മരണനിരക്ക്​. ചൈനയില്‍ ഇത്​ 5.5 ശതമാനമാണ്​. രാജ്യത്ത്​ ഇതുവരെ 27,000 ​ത്തില്‍ അധികം പേര്‍ രോഗമുക്തി നേടിയതായും ആരോഗ്യ മന്ത്രാലയം അറിയിച്ചു. ചൈനയില്‍ ഇതുവരെ 82,933 പേര്‍ക്കാണ്​ കോവിഡ്​ സ്​ഥിരീകരിച്ചത്​. ഇതില്‍ 4633 പേര്‍ മരിച്ചു.
യു.എസിലാണ്​ ഏറ്റവും കൂടുതല്‍ കോവിഡ്​ രോഗികളുള്ളത്​. 14,63,301 പേര്‍ക്കാണ്​ യു.എസില്‍ കോവിഡ്​ ബാധിച്ചത്​. 87,248 പേരാണ്​ യു.എസില്‍ മരിച്ചത്​. സ്​പെയിനില്‍ 2,74,367 പേര്‍ക്കും റഷ്യയില്‍ 2,62,843 പേര്‍ക്കും കോവിഡ്​ സ്​ഥിരീകരിച്ചിട്ടുണ്ട്​.

45 ലക്ഷത്തിലധികം പേര്‍ക്കാണ്​ ലോകത്ത്​ ഇതുവരെ കോവിഡ്​ ബാധിച്ചത്​. മൂന്നുലക്ഷത്തിലധികം പേര്‍ മരിക്കുകയും ചെയ്​തു. 17,27,999 പേരാണ്​ രോഗമുക്തി നേടിയത്​