ഹാപ്പി ബെര്ത്ത് ഡിയര് ആള്ട്ടോ; ഇന്ന് 40 രാജ്യങ്ങളിലായി 40 ലക്ഷം ആള്ട്ടോ ഉടമകള് കാറിനെ നോക്കി പറയും, മുപ്പതിലേറെ രാജ്യങ്ങളിലേക്ക് കപ്പല് കയറി ചെന്ന് അവിടത്തെ നിരത്തുകളില് ഇപ്പോഴും ഓട്ടം തുടരുന്നു
പിറന്നാള് ദിവസം ഹാപ്പി ബെര്ത്ത് ഡെ പറയുന്നതും കേള്ക്കുന്നതും സന്തോഷമാണല്ലോ. ഇന്ന് 40 രാജ്യങ്ങളിലായി 40 ലക്ഷം ആള്ട്ടോ ഉടമകള് സ്വന്തം കാറിനെ നോക്കി പറയും, ഹാപ്പി ബെര്ത്ത് ഡിയര് ആള്ട്ടോ എന്ന്. ഇന്ത്യയില് ഏറ്റവും കൂടുതല് വില്പനയുള്ള മാരുതി ആള്ട്ടോ കാറിന് ഇന്ന് ഇരുപതാം പിറന്നാളാണ്. എന്നു വെച്ചാല് സാധാരണക്കാരുടെ കാര് ആള്ട്ടോ കാറിന്റെ ആദ്യമോഡല് റോഡിലിറങ്ങി ഓട്ടം തുടങ്ങിയിട്ട് 20 വര്ഷംപൂര്ത്തിയാക്കുന്നു. ഇന്ത്യന് നിരത്തുകളില് മാത്രമല്ല ആഫ്രിക്കയിലും
സൗത്ത് അമേരിക്കയിലും കിഴക്കനേഷ്യയിലമുക്കെയായി മുപ്പതിലേറെ രാജ്യങ്ങളിലേക്ക് കപ്പല് കയറി ചെന്ന് അവിടത്തെ നിരത്തുകളില് ഇപ്പോഴും ഓട്ടം തുടരുന്നു. വിലയിലും മോഡലുകളിലും വ്യത്യാസം വന്നെങ്കിലും ഇരുപതു
വര്ഷമായി വില്പനയില് മുന്നില് തന്നെ ഈ ചെറിയ വണ്ടി. നിരത്തിലിറങ്ങി എട്ടാം വര്ഷം പത്തു ലക്ഷവും പന്ത്രണ്ടാം വര്ഷം 20 ലക്ഷവും വിറ്റഴിഞ്ഞു. പിന്നീട് ആറും വര്ഷം കൊണ്ടാണ് 20 ലക്ഷം കൂടി പിന്നിട്ട് 40 ലക്ഷത്തിലേക്ക് ഓള്ട്ടോ പാഞ്ഞുകയറിയത്. രാജ്യത്തെ 76 ശതമാനം ജനങ്ങളും അവരുടെ ആദ്യകാറായി മാരുതിയുടെ ഈ ചെറിയ കാറിനെ തെരഞ്ഞെടുക്കുന്നു. കോവിഡ്കാലത്ത് ഏറെപ്പേരും പൊതുവാഹനങ്ങള് വിട്ട് സ്വന്തം വാഹനങ്ങളിലേക്ക്
യാത്ര മാറ്റിയതോടെയാണ് വിലയിലും ചെലവും കൈപ്പിടിയിലൊതുങ്ങുന്ന കാറുകളിലേക്ക് തിരിഞ്ഞത്. ഇതോടെ ദുരിതകാലത്തും ആള്ട്ടോയ്ക്കു വില്പനയില് നല്ല കാലം വന്നു. എന്ജിനിലും ആകൃതിയിലുമായി എട്ടു പത്തു മോഡലുകളും ആള്ട്ടോയില് വന്നു ചേര്ന്നിരിക്കുന്നു. മാരുതി 800
കുഞ്ഞന്കാറുകള് ഹിറ്റായതുപോലെ ഇന്ത്യന് നിരത്തിലെ ഹിറ്റായി ആള്ട്ടോ ഹാപ്പി ബര്ത്ത് ഡെയിലും യാത്ര തുടരുന്നു.
https://www.facebook.com/Malayalivartha
