ഏഷ്യയിലെ തന്നെ ഏറ്റവും വലിയ തുരങ്കമെന്ന വിശേഷണം സ്വന്തമാക്കിയ സോജില ടണലിന്റെ നിര്മ്മാണം കശ്മീരില് ആരംഭിച്ചു. കേന്ദ്ര ഗതാഗത മന്ത്രി നിതിന് ഗഡ്കരി ടണല് നിര്മ്മാണത്തിന് തുടക്കം കുറിച്ചു
ശത്രു രാജ്യങ്ങള് ഇന്ത്യയെ അസൂയയോടും ഭയത്തോടും കൂടി കണ്ടു തുടങ്ങിയിരിക്കുന്നു. കാരണം ഇന്ത്യയുടെ അതി നിര്ണായ നീക്കങ്ങളാണ്. ചൈനപോലും നമ്മുടെ നിര്മാണ പ്രവര്ത്തനങ്ങളിലും. നമ്മുടെ നീക്കങ്ങളിലും ആശങ്കപ്പെടുന്നുണ്ടെങ്കില് ഓര്ക്കുക ഇന്ത്യ എന്ത്ര മാത്രം വളര്ന്നു എന്നുള്ളത്. ഏറ്റവും ഒടുവില് 44 പാലങ്ങളാണ് അതിര്ത്തിയില് ഇന്ത്യ തുറന്നത് അതില് 8 എണ്ണം ലഡാക്കിലാണ്. ഇത് ചൈനയെ പൂര്ണമായും സമ്മര്ദ്ധത്തിലാക്കുന്നതാണ്. ഇപ്പോഴിതാ ജമ്മു കശ്മീരിലും ഇന്ത്യ നിര്ണായക നിര്മ്മാണ പ്രവര്ത്തനങ്ങള് തുടങ്ങിയിരിക്കുന്നു.
ഏഷ്യയിലെ തന്നെ ഏറ്റവും വലിയ തുരങ്കമെന്ന വിശേഷണം സ്വന്തമാക്കിയ സോജില ടണലിന്റെ നിര്മ്മാണം കശ്മീരില് ആരംഭിച്ചു. കേന്ദ്ര ഗതാഗത മന്ത്രി നിതിന് ഗഡ്കരി ടണല് നിര്മ്മാണത്തിന് തുടക്കം കുറിച്ചു. എല്ലാ കാലവസ്ഥയിലും ഉപയോഗ യോഗ്യമായ രീതിയിലാണ് ടണല് നിര്മ്മിക്കുക.
ശ്രീനഗര്, ദ്രാസ്, കാര്ഗില്, ലേ എന്നീ തന്ത്രപ്രധാന മേഖലകളെ തമ്മില് ബന്ധിപ്പിക്കുന്നതാണ് സോജില ടണല്. ടണലിന്റെ നിര്മ്മാണത്തിന് തുടക്കം കുറിച്ചുകൊണ്ടുള്ള ആദ്യ സ്ഫോടനമാണ് നിതിന് ഗഡ്കരി നിര്വഹിച്ചത്. ലേയുടെയും ലഡാക്കിന്റെയും കശ്മീരിന്റെയും സാമ്പത്തിക രംഗത്തെ മാറ്റിമറിക്കാന് സോജില ടണലിന് കഴിയുമെന്ന് പദ്ധതി ഉദ്ഘാടനം ചെയ്തുകൊണ്ട് നിതിന് ഗഡ്കരി പറഞ്ഞു. ഗന്ദെര്ബലിലെ ദേശീയ പാത 1ലാണ് നിര്മ്മാണം നടക്കുന്നത്. ശ്രീനഗര്കാര്ഗില്ലേ എന്നിവിടങ്ങളിലേയ്ക്കുള്ള യാത്രാ സമയം 3 മണിക്കൂറില് നിന്നും 15 മിനിട്ടായി കുറയുമെന്നതും സോജില ടണലിന്റെ സവിശേഷതയാണ്.
സമുദ്രനിരപ്പില് നിന്നും 11,578 അടി ഉയരത്തില് സ്ഥിതി ചെയ്യുന്ന സോജി്ല പാസുമായി ബന്ധപ്പെടുത്തുന്ന ടണല് തന്ത്രപ്രധാനമാണ്. ശൈത്യകാലത്ത് മഞ്ഞുവീഴ്ചയെ തുടര്ന്ന് സോജില പാസില് തടസമുണ്ടാകുമ്പോള് ലഡാക്കിലേയ്ക്ക് എത്തിപ്പെടാന് ബുദ്ധിമുട്ട് അനുഭവപ്പെടാറുണ്ട്. ഇതിന് സോജില ടണലിന്റെ വരവോടെ പരിഹാരമാകുമെന്നാണ് വിലയിരുത്തല്. അപ്രോച്ച് റോഡ് (18.63 കി.മീ) ഉള്പ്പെടെ മൊത്തം 32.78 കിലോ മീറ്ററിലാണ് സോജില ടണല് പദ്ധതി നടപ്പിലാക്കുന്നത്. ടണലിന്റെ നിര്മ്മാണം പൂര്ത്തിയാകുന്നതോടെ ലഡാക്കില് ഉള്പ്പെടെയുള്ള ഇന്ത്യയുടെ സൈനിക നടപടികളും സുഗമമാകും.
അതുപോലെതന്നെ തന്ത്രപരമായി പ്രധാനപ്പെട്ട മേഖലകളില് സായുധസേനയുടെ മുന്നേറ്റം സുഗമമാക്കുന്നതിനുള്ള 44 പാലങ്ങള് രാജ് നാഥ് സിങ് ഓണ്ലൈനായി ഉദ്ഘാടനം ചെയ്തിരുന്നു.
ലഡാക്ക്, ജമ്മു കശ്മീര്, അരുണാചല് പ്രദേശ്, സിക്കിം, ഹിമാചല് പ്രദേശ്, ഉത്തരാഖണ്ഡ്, പഞ്ചാബ് എന്നിവിടങ്ങളിലെ അതിര്ത്തി പ്രദേശങ്ങളിലാണു പാലങ്ങള്. 'വടക്ക്, കിഴക്ക് അതിര്ത്തികളിലെ സാഹചര്യത്തെക്കുറിച്ച് നിങ്ങള്ക്കറിയാം. ആദ്യം പാക്കിസ്ഥാനും ഇപ്പോള് ചൈനയും അതിര്ത്തി സംഘര്ഷം സൃഷ്ടിക്കുന്നതു ദൗത്യമായി ഏറ്റെടുത്തിരിക്കുന്നു. നമുക്ക് ഈ രാജ്യങ്ങളുമായി 7000 കിലോമീറ്റര് അതിര്ത്തിയുണ്ട്. തന്ത്രപരമായ ആവശ്യങ്ങള്ക്കു മാത്രമല്ല സാധാരണക്കാരുടെ ഗതാഗതത്തിനും പുതിയ പാലങ്ങള് ഗുണപ്പെടും.'
പ്രധാനമന്ത്രി നരേന്ദ്ര മോദിയുടെ നേതൃത്വത്തില് ഇന്ത്യ പ്രതിസന്ധികളെ ശക്തമായി അഭിമുഖീകരിക്കുക മാത്രമല്ല, ചരിത്രപരവും വലുതുമായ മാറ്റങ്ങള് വരുത്തുകയാണെന്നും അദ്ദേഹം കൂട്ടിച്ചേര്ത്തു. ലഡാക്കിലെ ഏഴെണ്ണം ഉള്പ്പെടെ 44 പാലങ്ങളില് ഭൂരിഭാഗവും സൈനികരുടെയും ആയുധങ്ങളുടെയും വേഗത്തിലുള്ള സഞ്ചാരം ഉറപ്പാക്കാന് സഹായിക്കുമെന്ന് അധികൃതര് പറഞ്ഞു. ചൈനയുമായുള്ള സംഘര്ഷത്തില് അയവില്ലാതിരിക്കെയാണ്, ബോര്ഡര് റോഡ്സ് ഓര്ഗനൈസേഷന് (ബിആര്ഒ) നിര്മിച്ച പാലങ്ങള് ഇന്ത്യ തുറക്കുന്നതെന്നതു ശ്രദ്ധേയമാണ്.
https://www.facebook.com/Malayalivartha