ജില്ലയിലെ നംഖ ഗ്രാമത്തില് ചൈന രഹസ്യമായി ഒരു കെട്ടിടം നിര്മ്മിച്ചുവെന്നാണ് പുറത്തു വരുന്ന റിപ്പോര്ട്ടുകള്. രണ്ട് കെട്ടിടങ്ങളുടെ നിര്മാണം പൂര്ത്തിയാക്കിക്കഴിഞ്ഞു
അയല് രാജ്യങ്ങളുടെ മണ്ണ് ആഗ്രഹിക്കുക അതിനായി എന്തു നെറികേടും കാണിക്കുക ഇതെല്ലാം ചൈനയുടെ പൊതു സ്വഭാവമാണ്. എന്തിനും ഒപ്പം നില്ക്കുന്ന. സുഹൃത്ത് രാജ്യങ്ങളെ പോലും അവര് മണ്ണിനായി വേട്ടയാടും. നേപ്പാളിന്റെ അവസ്ഥ തന്നെ നോക്കുക നേപ്പാളിലെ ഹംല ജില്ലയില് അധികാരം സ്ഥാപിച്ചുകഴിഞ്ഞു ചൈന. ജില്ലയിലെ നംഖ ഗ്രാമത്തില് ചൈന രഹസ്യമായി ഒരു കെട്ടിടം നിര്മ്മിച്ചുവെന്നാണ് പുറത്തു വരുന്ന റിപ്പോര്ട്ടുകള്. രണ്ട് കെട്ടിടങ്ങളുടെ നിര്മാണം പൂര്ത്തിയാക്കിക്കഴിഞ്ഞു. 9 വലിയ കെട്ടിടങ്ങളുടെ നിര്മ്മാണം അവിടെ പുരോഗമിക്കുകയാണ്. കെട്ടിടം നിര്മ്മിക്കുക മാത്രമല്ല കെട്ടിടങ്ങള് നിര്മ്മിച്ച സ്ഥലത്തേക്ക് നേപ്പാളിലെ പൗരന്മാര്ക്ക് പ്രവേശനവും നിഷേധിച്ചിരുന്നു.
ഗ്രാമീണര് ചോദ്യങ്ങള് ഉന്നയിക്കുമ്പോഴും ചൈനീസ് സൈനികര് അവരുടെ സാധനങ്ങളുമായി കെട്ടിട നിര്മ്മാണ പ്രവര്ത്തനങ്ങളില് ഏര്പ്പെട്ടുവെന്നാണ് വില്ലേജ് കൗണ്സിലര് പറയുന്നത്.ഇരു രാജ്യങ്ങളുടെയും അതിര്ത്തിയില് നിന്ന് ഒരു കിലോമീറ്റര് അകലെയുള്ള നേപ്പാള് ഭാഗത്താണ് ഈ കെട്ടിടങ്ങള് നിര്മ്മിച്ചത്. കെട്ടിടങ്ങളുടെ ചിത്രങ്ങളും ലാമ തന്റെ മൊബൈലില് പകര്ത്തിയിട്ടുണ്ട്. അതിര്ത്തിയില് കാവല് നില്ക്കുന്ന ചൈനീസ് സൈനിക ഉദ്യോഗസ്ഥരുമായി സംസാരിക്കാനും താന് ശ്രമിച്ചുവെന്ന് അദ്ദേഹം പറഞ്ഞു, എന്നാല് അവരില് നിന്ന് ഒരു പ്രതികരണവും ലഭിച്ചില്ല, അവരോട് ആ പ്രദേശം വിടാന് ആവശ്യപ്പെട്ടു. കഴിഞ്ഞ വര്ഷം ലിമിക്കും ലാപ്ചയ്ക്കും ഇടയിലുള്ള റോഡിന്റെ നിര്മാണ പ്രവര്ത്തനങ്ങള് ചൈനീസ് ഭാഗത്തുനിന്ന് നടക്കുമ്പോള് അവിടെ മൂന്ന് കെട്ടിടങ്ങള് നിര്മ്മിക്കാന് ചൈന ശ്രമം ആരംഭിച്ചിരുന്നു. കെട്ടിടനിര്മ്മാണത്തിനായി അടിത്തറ ഉണ്ടാക്കിയതിനെതിരെ നേപ്പാള് ഭരണകൂടം പ്രതിഷേധിച്ചിരുന്നു .പ്രതിഷേധത്തെതുടര്ന്ന് ചൈന ഇതില് നിന്ന് പിന്മാറുകയായിരുന്നു. എന്നാല് ഇപ്പോള് ഒന്പത് കെട്ടിടങ്ങള് പെട്ടെന്ന് നിര്മ്മാണം പൂര്ത്തിയാക്കി. കെട്ടിടത്തിനുള്ളിലെ ചില അറ്റകുറ്റപ്പണികള് മാത്രമാണ് ഇപ്പോള് നടക്കുന്നത്.
ചൈനീസ് പട്ടാളക്കാര് നേപ്പാളി പ്രദേശത്ത് കയറിയാണ് വിശ്രമിക്കുന്നുമുണ്ട്. ഇത് നേപ്പാളിന്റെ അവസ്ഥ
ഇതേ അവസ്ഥ തന്നെയാണ് ഇപ്പോള് പാകിസ്ഥാനും സംജാതമായിരിക്കുന്നത് സിന്ധ് പ്രവിശ്യയില് പ്രാദേശിക സര്ക്കാരിന് കീഴിലുള്ള രണ്ട് ദ്വീപുകളുടെ നിയന്ത്രണം ഏറ്റെടുക്കുന്നതില് പാക് സര്ക്കാരിനെതിരെ രൂക്ഷ വിമര്ശനവുമായി പ്രതിപക്ഷം. ചൈനപാകിസ്താന് ഇക്കണോമിക് കോറിഡോറിന് സമീപമുള്ള ഈ ദ്വീപുകള് നയതന്ത്രപരമായി ഏറെ പ്രാധാന്യമുള്ളതാണ്. ദ്വീപുകള് ഏറ്റെടുത്തതിന് ശേഷം ഇമ്രാന് ഖാന് സര്ക്കാര് ഇത് ചൈനക്ക് കൈമാറാനാണ് ലക്ഷ്യമിടുന്നതെന്ന് പ്രതിപക്ഷ പാര്ട്ടികള് ആരോപിച്ചു.
കറാച്ചിയുടെ തെക്ക് ഭാഗത്തായി സ്ഥിതി ചെയ്യുന്ന ബുണ്ടല്, ബുദ്ദോ ദ്വീപുകളില് വികസന പ്രവര്ത്തനങ്ങള് നടത്തുന്നതിനായി, പാക് പ്രസിഡന്റ് ആരിഫ് ആല്വി ഓര്ഡിനന്സില് ഒപ്പു വച്ചിരുന്നു. എന്നാല് വികസന പ്രവര്ത്തനങ്ങളുടെ മറവില് ഈ ദ്വീപുകള് ചൈനപാകിസ്താന് ഇക്കണോമിക് കോറിഡോറിന്റെ ഭാഗമായി ചൈനയ്ക്ക് കൈമാറുമെന്നാണ് പ്രതിപക്ഷം ആരോപിക്കുന്നത്.
സിന്ധ് തീരത്തുള്ള ഏറ്റവും വലിയ ദ്വീപുകളാണ് ബുണ്ടല്, ബുദ്ദോ ദ്വീപുകള്. ഓര്ഡിനന്സില് പ്രസിഡന്റ് ഒപ്പു വച്ചതിന് പിന്നാലെ സിന്ധ്, ബലൂചിസ്ഥാന് മേഖലകളില് ഇത് വ്യാപക പ്രതിഷേധത്തിന് ഇടയാക്കിയിരുന്നു. തങ്ങളുടെ ഭൂമി കമ്മ്യൂണിസ്റ്റ് ചൈനയ്ക്ക് വില്ക്കാന് അനുവദിക്കില്ലെന്ന് സിന്ധ് പ്രവിശ്യയുടെ സ്വാതന്ത്യത്തിനായി പ്രവര്ത്തിക്കുന്ന സിന്ധ് തിങ്കേഴ്സ് ഫോറം വൈസ് പ്രസിഡന്റ് സഫര് സഹിതോ ട്വീറ്റ് ചെയ്തു.
ചൈനപാകിസ്താന് ഇക്കണോമിക് കോറിഡോറില് നിലയുറപ്പിച്ചിരിക്കുന്ന ചൈനീസ് സൈനികര്ക്ക് പാക് പട്ടാളവും, സര്ക്കാരും പിന്തുണ നല്കുന്നുണ്ടെങ്കിലും, പാക് അധിനിവേശ കശ്മീരിലെയും ബലൂചിസ്ഥാനിലെയും പൊതുജനങ്ങളുടെ എതിര്പ്പ് ശക്തമായി നേരിടേണ്ടി വരുന്നുണ്ട്. ചൈന തങ്ങളുടെ ഭൂമിയില് അധിനിവേശം സ്ഥാപിക്കുകയാണെന്നും, പാക് സര്ക്കാര് ഇവിടുത്തെ ജനങ്ങളെ പരിഗണിക്കുന്നില്ലെന്നും ഇവര് ആരോപിക്കുന്നു. ഈ ഓര്ഡിനന്സിനെതിരെ പലയിടങ്ങളിലും പ്രതിഷേധ സമരങ്ങളും നടക്കുന്നുണ്ട്. വൈകാതെ തന്നെ ഓര്ഡിനന്സിനെതിരെ രാജ്യവ്യാപകമായി പ്രകടനങ്ങള് നടത്തുമെന്ന് പ്രതിപക്ഷ കക്ഷികള് വ്യക്തമാക്കി.
https://www.facebook.com/Malayalivartha