മതനിന്ദയുടെ പേരില് പാരിസില് അരുംകൊല; ചരിത്രാധ്യാപകനെ തലയറുത്ത് കൊന്നു; `കൊലയാളിയെ പോലീസ് വെടി വച്ചുകൊന്നു; കൊലപാതകം ഒരു മാസം മുമ്പ് നടന്ന സംഭവത്തിനെ തുടര്ന്ന്; ഫ്രഞ്ച് തീവ്രവാദ വിരുദ്ധ സേന അന്വേഷണം നടത്തുന്നു
പാരിസില് മതനിന്ദയുടെ പേരില് അരുംകൊല. ചരിത്രാധ്യാപകനെ തലയറുത്ത് കൊന്നു. പ്രവാചകന്റെ കാര്ട്ടൂണ് വിദ്യാര്ത്ഥികളെ കാണിച്ചതിനെ തുടര്ന്ന് പ്രതിഷേധം ഉടലെടുത്തിരുന്നു. ഒരുമാസം മുമ്പായിരുന്നു ഇത്. ഈ അധ്യാപകനാണ് ഇന്നലെ കൊലചെയ്യപ്പെട്ടത്. അക്രമിയെ പോലീസ് പിന്നീട് വെടിവെച്ചു കൊന്നു.
സെക്കന്ററി സ്കൂള് അധ്യാപകനായ സാമുവല് പാറ്റി വിദ്യാര്ഥികളെ പ്രവാചകന്റെ ചിത്രം കാണിച്ചിരുന്നു. ഒരുമാസം മുന്പ് നടന്ന ഈ സംഭവം വലിയ പ്രതിഷേധത്തിന് കാരണമായി. മുസ്ലീം വിഭാഗത്തില്പ്പെട്ട വിദ്യാര്ഥികളോട് ക്ലാസില് നിന്ന് ഇറങ്ങി പോവാന് അഭ്യര്ഥിച്ചതിന് ശേഷമാണ് പാറ്റി മറ്റ് വിദ്യാര്ഥികളെ കാര്ട്ടൂണ് കാണിച്ചത്.
ഇതിനെതിരെ പ്രതിഷേധിച്ചവരുമായി സ്കൂളില് യോഗം വിളിച്ചിരുന്നു. ഇതിന്റെ ദൃശ്യങ്ങളും സമൂഹമാധ്യമങ്ങളില് പ്രചരിച്ചു. പ്രവാചകന്റെ ചിത്രവുമായി ബന്ധപ്പെട്ട് ചര്ച്ചക്ക് ക്ഷണിച്ചതിന് പിന്നാലെ അധ്യാപകന് നേര്ക്ക് വധഭീഷണികള് ഉയര്ന്നിരുന്നു. അധ്യാപകന് എതിരെ വിദ്യാര്ഥികളില് ഒരാളുടെ മാതാപിതാക്കള് പരാതി നല്കുകയും ചെയ്തു.
ആക്രമണത്തെക്കുറിച്ച് അന്വേഷിക്കുകയാണെന്ന് ഫ്രഞ്ച് തീവ്രവാദ വിരുദ്ധ സേന വ്യക്തമാക്കി. സംഭവത്തില് ഉള്പ്പെട്ടവര്ക്ക് തീവ്രവാദ സംഘടനയുമായി ബന്ധമുണ്ടെന്നും അന്വേഷണ ഉദ്യോഗസ്ഥര് വ്യക്തമാക്കി. സംഭവത്തെ അപലപിച്ച ഫ്രഞ്ച് പ്രസിഡന്റ് ഇമ്മാനുവേല് മാക്രോണ് ഭീകരര് വിജയിക്കില്ലെന്ന് പ്രഖ്യാപിച്ചു.
https://www.facebook.com/Malayalivartha