സ്വവര്ഗാനുരാഗികള്ക്ക് കുടുംബമായി കഴിയാന് അവകാശമു ണ്ടെന്ന് മാര്പാപ്പ
റോം ചലച്ചിത്രമേളയില് ഇന്നലെ പ്രദര്ശിപ്പിച്ച 'ഫ്രാന്സെസ്കോ' എന്ന ഡോക്യുമെന്ററിയില് സമൂഹത്തില് ഒന്നിച്ചുകഴിയാനുള്ള സ്വവര്ഗാനുരാഗികളുടെ അവകാശത്തെ ഫ്രാന്സിസ് മാര്പാപ്പ പിന്തുണച്ചു. ''സ്വവര്ഗാനുരാഗികള്ക്ക് കുടുംബമായി കഴിയാന് അവകാശമുണ്ട്. അവരും ദൈവത്തിന്റെ മക്കളാണ്. നിയമപരമായി അവര്ക്ക് ഒരുമിച്ചുകഴിയാന് നാം അവസരമൊരുക്കുകയാണ് വേണ്ടത്.''- മാര്പാപ്പ പറഞ്ഞു.
ബ്യൂനസ് ഐറിസില് ആര്ച്ച്ബിഷപ്പായിരുന്നപ്പോള് അദ്ദേഹം സ്വവര്ഗാനുരാഗികളുടെ അവകാശങ്ങളെ അനുകൂലിച്ചിരുന്നു. ഫ്രാന്സിസ് പാപ്പ പ്രത്യേകമായി താല്പര്യമെടുക്കുന്ന പരിസ്ഥിതി, ദാരിദ്ര്യം, വംശീയവും സാമ്പത്തികവുമായ അസമത്വം തുടങ്ങിയ വിഷയങ്ങള് പരാമര്ശിക്കുന്നതിനിടെയാണ് സ്വവര്ഗാനുരാഗവും കടന്നുവന്നത്.
സ്വവര്ഗാനുരാഗത്തോടും സ്വവര്ഗവിവാഹത്തോടുമുള്ള ഫ്രാന്സിസ് പാപ്പയുടെ നിലപാടുകള്, സ്വവര്ഗാനുരാഗത്തിന്റെ പേരില് പുറത്താക്കപ്പെട്ട ചിലെയിലെ പുരോഹിതന് യുവാന് കാര്ലോസ് ക്രൂസിന്റെ കൊച്ചു കൊച്ചു കഥകളിലൂടെയാണ് ഡോക്യുമെന്ററി വ്യക്തമാക്കുന്നത്. വിദേശ സന്ദര്ശനത്തിനിടെ മാര്പാപ്പ അഭയാര്ഥികള്ക്കും, തടവുകാര്ക്കും, സ്വവര്ഗാനുരാഗത്തിന്റെ പേരില് സമൂഹം വേദനിപ്പിക്കുന്നവര്ക്കും സാന്ത്വനമേകിയതിന്റെ ഒട്ടേറെ സംഭവങ്ങളും വിവരിക്കുന്നുണ്ട്. വത്തിക്കാനുമായി അടുത്ത ബന്ധമുള്ള റഷ്യന് വംശജനായ ഇവ്ജനി അഫിനീവ്സ്കിയാണ് സംവിധായകന്.
https://www.facebook.com/Malayalivartha