ആണവശാസ്ത്രജ്ഞന്റെ വധം: പിന്നില് ആരാണെന്നു കണ്ടെത്തി ശിക്ഷ ഉറപ്പാക്കുമെന്ന് ഇറാന്റെ പരമോന്നത നേതാവ് ആയത്തുല്ല അലി ഖമനയി
ഇറാനിലെ ആണവ ശാസ്ത്രജ്ഞന് മുഹ്സെന് ഫക്രിസാദെഹിന്റെ കൊലപാതകത്തിനു പിന്നില് ആരാണെന്നു കണ്ടെത്തി ശിക്ഷ ഉറപ്പാക്കുമെന്ന് ഇറാന്റെ പരമോന്നത നേതാവ് ആയത്തുല്ല അലി ഖമനയി. ഫക്രിസാദെഹിന്റെ വാഹനത്തെ പിന്തുടര്ന്ന അജ്ഞാതസംഘം അദ്ദേഹത്തെ വധിച്ചത് വെള്ളിയാഴ്ചയാണ്.
ഫക്രിസാദെഹ് ആണ് ഇറാന്റെ രഹസ്യ ആണവപദ്ധതി നയിക്കുന്നതെന്നാണ് ഇസ്രയേലും പാശ്ചാത്യ ഇന്റലിജന്സ് ഏജന്സികളും വിശ്വസിക്കുന്നത്. എന്നാല്, ഇറാന് ആണവായുധം ഇല്ലെന്ന് ആവര്ത്തിച്ച ഖമനയി, ഫക്രിസാദെഹ് ചുമതല വഹിച്ചിരുന്ന പദ്ധതികള് തുടരുമെന്നും പ്രഖ്യാപിച്ചു.
ഇസ്രയേല് ആണ്് കൊലപാതകത്തിനു പിന്നിലെന്ന് ഇറാന് ആരോപിച്ചതിനു പിന്നാലെ ഇസ്രയേല് എംബസികളുടെ സുരക്ഷ വര്ധിപ്പിച്ചു. സംഘര്ഷം വര്ധിക്കുന്ന പ്രവൃത്തികള്ക്കു മുതിരാതെ ഏവരും സംയമനം പാലിക്കണമെന്ന് യുഎന് ആവശ്യപ്പെട്ടു. മുന്പും ഇറാന്റെ ആണവശാസ്ത്രജ്ഞര് വധിക്കപ്പെട്ടിട്ടുണ്ട്.
https://www.facebook.com/Malayalivartha
