ഗാല്‍വാനില്‍ ചൈന തുടങ്ങിയ സംഘര്‍ഷം ചൈനയിലെ കമ്മ്യൂണിസ്റ്റ് ഭരണകൂടത്തിന്റെ ഗൂഢാലോചന. വെളിപ്പെടുത്തലുമായി അമേരിക്കന്‍ വിദഗ്ദ്ധ സമിതി. അധിനിവേശം എന്ന ചൈനീസ് സര്‍ക്കാരിന്റെ നയത്തിന്റെ ഭാഗമായിട്ടായിരുന്നു ഇന്ത്യയുമായും ജപ്പാനുമായും ചൈനീസ് സൈന്യം നിരന്തരം സംഘര്‍ഷത്തില്‍ ഏര്‍പ്പെടുന്നതെന്നും റിപ്പോര്‍ട്ടില്‍ വ്യക്തമാക്കുന്നു. അതിര്‍ത്തികള്‍ സുരക്ഷിതമാക്കാന്‍ വേണ്ടിവന്നാല്‍ സൈനിക ശക്തി പ്രയോഗിക്കാമെന്ന ചൈനീസ് പ്രതിരോധ മന്ത്രിയുടെ പ്രസ്താവിച്ചിരുന്നു. ഇതിന് പിന്നാലെയാണ് ഗാല്വനില്‍ സംഘര്‍ഷം ഉടലെടുത്തതെന്ന് യുഎസ്- ചൈനാ ഇക്കണോമിക് ആന്‍ഡ് സെക്യൂരിറ്റി റിവ്യൂ കമ്മീഷന്‍ റിപ്പോര്‍ട്ടില്‍ പറയുന്നു . അധിനിവേശമായിരുന്നു ഇതിലൂടെ ചൈന ലക്ഷ്യമിട്ടിരുന്നതെന്നും എന്നാല്‍ ഇന്ത്യ ഇതിനെ ഫലപ്രദമായി നേരിട്ട് പരാജയപ്പെടുത്തിയെന്നും റിപ്പോര്‍ട്ടില്‍ പറയുന്നു.

ഇന്ത്യയും ചൈനയുമായി കഴിഞ്ഞ ജൂണ്‍ 15-16 തീയതികളിലായിരുന്നു ഗാല്വനില്‍ സംഘര്‍ഷം തുടങ്ങിയത്. കിഴക്കന്‍ ലഡാക്കിലെ നിലവിലെ അവസ്ഥയ്ക്ക് മാറ്റം വരുത്തുന്നതിനായി ചൈന നടത്തിയ ശ്രമത്തില്‍ ഇരുപത് ഇന്ത്യന്‍ സൈനികര്‍ വീരമൃത്യു വരിച്ചു . ഇന്ത്യ നടത്തിയ ശക്തമായ ചെറുത്തു നില്‍പ്പില്‍ നാല്‍പ്പതോളം ചൈനീസ് സൈനികര്‍ കൊല്ലപ്പെടുകയും ചെയ്തു.