നിയുക്ത പ്രസിഡന്റ് ജോ ബൈഡന്റെ സത്യപ്രതിജ്ഞ ബുധനാഴ്ച നടക്കാനിരിക്കെ യുഎസിലെ 50 സംസ്ഥാനങ്ങളിലും വാഷിംഗ്ടണ്‍ ഡിസിയും സായുധ കലാപം ഉണ്ടാകാന്‍ സാധ്യതയുണ്ടെന്ന് മുന്നറിയിപ്പ്, രാജ്യം കനത്ത സുരക്ഷയില്‍
നിയുക്ത പ്രസിഡന്റ് ജോ ബൈഡന്റെ സത്യപ്രതിജ്ഞ ബുധനാഴ്ച നടക്കാനിരിക്കെ യുഎസിലെ 50 സംസ്ഥാനങ്ങളിലും വാഷിംഗ്ടണ്‍ ഡിസിയും സായുധ കലാപം ഉണ്ടാകാന്‍ സാധ്യതയുണ്ടെന്ന് മുന്നറിയിപ്പ്.
ഇതേ തുടര്‍ന്ന് രാജ്യത്താകെ സുരക്ഷ ശക്തിപ്പെടുത്തി. വാഷിംഗ്ടണ്‍ ഡിസി നാഷണല്‍ ഗാര്‍ഡിന്റെ സുരക്ഷാവലയത്തിലാക്കി. ഈ മാസം ആറിനുണ്ടായ കലാപം ആവര്‍ത്തിക്കാതിരിക്കാന്‍ കനത്ത ജാഗ്രതയിലാണ്. എല്ലാ സംസ്ഥാന തലസ്ഥാനങ്ങളിലും ട്രംപ് അനുകൂലികള്‍ സായുധ മാര്‍ച്ചുകള്‍ നടത്തുമെന്ന് എഫ്ബിഐ മുന്നറിയിപ്പ് നല്‍കിയിട്ടുണ്ട്.
സുരക്ഷയുടെ ഭാഗമായി ഡിസിയിലെ നാഷണല്‍ മാള്‍ അടച്ചു.സുരക്ഷയുടെ ഭാഗമായി തെരുവുകളില്‍ പോലീസ് ബാരിക്കേഡുകള്‍ നിരത്തിയിട്ടുണ്ട്. കാപ്പിറ്റോള്‍ പോലീസ് ചെക്ക് പോസ്റ്റിലൂടെ കടന്നുപോകാന്‍ ശ്രമിക്കുന്നതിനിടെ രണ്ട് കൈത്തോക്കുകളും 509 വെടിയുണ്ടകളുമായി കഴിഞ്ഞ ദിവസം വിര്‍ജീനിയക്കാരനെ അറസ്റ്റ് ചെയ്തതായി പോലീസ് സ്ഥിരീകരിച്ചിട്ടുണ്ട്. സുരക്ഷയുടെ ഭാഗമായി പല സംസ്ഥാനങ്ങളും പ്രകടനങ്ങളും റാലികളും നിരോധിച്ചിട്ടുണ്ട്.
മേരിലന്‍ഡ്, ന്യൂ മെക്‌സിക്കോ, യൂറ്റാ ഗവര്‍ണര്‍മാര്‍ അടിയന്തരാവസ്ഥ പ്രഖ്യാപിച്ചു. കലിഫോര്‍ണിയ, പെന്‍സില്‍വാനിയ, മിഷഗണ്‍, വെര്‍ജീനിയ, വാഷിംഗ്ടണ്‍, വിസ്‌കോണ്‍സിന്‍ എന്നീ സംസ്ഥാനങ്ങള്‍ നാഷണല്‍ ഗാര്‍ഡുകളെ വിന്യസിച്ചു. ടെക്സസ് ശനിയാഴ്ച മുതല്‍ ബുധനാഴ്ച വരെ തലസ്ഥാനം അടച്ചു.
കോവിഡ് വ്യാപനത്തിന്റെ പശ്ചാത്തലത്തില്‍ സത്യപ്രതിജ്ഞാ ചടങ്ങിന് ഡിസിയിലേക്ക് എത്തരുതെന്ന് നിയുക്ത പ്രസിഡന്റ് ബൈഡന്‍ ഇതിനകം ജനങ്ങളോട് ആവശ്യപ്പെട്ടിട്ടുണ്ട്.
"
https://www.facebook.com/Malayalivartha
