ഷാര്‍ജയില്‍ ഇന്ത്യക്കാരിയായ യുവതി അപ്പാര്‍ട്ട്‌മെന്റില്‍ നിന്ന് ചാടി മരിച്ച നിലയില്‍. ഷാര്‍ജയിലെ അല്‍ ഖാന്‍ ഏരിയയിലുള്ള കെട്ടിടത്തിന്‍റെ നാലാം നിലയിലെ അപ്പാര്‍ട്ട്‌മെന്റിന്റെ ബാല്‍ക്കണിയില്‍ നിന്ന് താഴേക്ക് ചാടിയാണ് യുവതി ജീവനൊടുക്കിയത് .

വ്യാഴാഴ്ച രാത്രി 9.15 ഓടെയാണ് 40 വയസ്സുള്ള സ്ത്രീ ബാല്‍ക്കണിയില്‍ നിന്ന് ചാടിയതെന്നാണ് വിവരം. വ്യക്തിപരമായ പ്രശ്‌നങ്ങള്‍ മൂലം ജീവനൊടുക്കാന്‍ സ്ത്രീ തീരുമാനിച്ചിരുന്നതായാണ് പ്രാഥമിക നിഗമനം. കെട്ടിടത്തിന്റെ സെക്യൂരിറ്റിയാണ് മൃതദേഹം ആദ്യം കണ്ടത്. തുടര്‍ന്ന് അദ്ദേഹം ഈ വിവരം പൊലീസില്‍ അറിയിക്കുകയായിരുന്നു. ഉടന്‍ തന്നെ പൊലീസ് സ്ഥലത്തെത്തി 11 മണിയോടെ സ്ത്രീയെ അല്‍ കുവൈത്തി ആശുപത്രിയില്‍ എത്തിച്ചു. പിന്നീട് മൃതദേഹം ഫോറന്‍സിക് ലബോറട്ടറിയിലേക്ക് മാറ്റി.