ഇന്ത്യയിലെ 'കോവിഷീല്ഡ്' വാക്സിന് സൗദിയിലെ 'ആസ്ട്ര സെനെക' വാക്സിന് തന്നെയെന്ന് അംഗീകരിച്ച് സൗദി അധികൃതര്; ആദ്യ ഡോസ് എടുത്തു യാത്ര ചെയ്യുന്നവര്ക്ക് രണ്ടാം ഡോസ് ഇരു രാജ്യങ്ങളില് ഏതെങ്കിലും ഒന്നില് നിന്നും ഇനി മുതൽ എടുക്കാം
ഇന്ത്യയിലെ 'കോവിഷീല്ഡ്' വാക്സിന് സൗദിയിലെ 'ആസ്ട്ര സെനെക' വാക്സിന് തന്നെയെന്ന് അംഗീകരിച്ച് സൗദി അധികൃതര്. റിയാദ് ഇന്ത്യന് എംബസിയാണ് ഇക്കാര്യം വ്യക്തമാക്കിയത്. സൗദിയില് അംഗീകരിക്കപ്പെട്ട നാല് കോവിഡ് വാക്സിനുകളില് ഇന്ത്യയുടെ 'കോവിഷീല്ഡ്' വാക്സിന് 'ആസ്ട്ര സെനെക' എന്ന പേരിലാണ് ലിസ്റ്റ് ചെയ്തിരിക്കുന്നത്. ഇരു രാജ്യങ്ങളിലും ഒരേ വാക്സിന് രണ്ട് പേരുകളില് അറിയപ്പെടുന്നത് പ്രവാസികള്ക്ക് വിവിധ ബുദ്ധിമുട്ടുകള്ക്ക് ഇടയാക്കിയിരുന്നു.
ഇന്ത്യയില് നിന്നും വാക്സിന് എടുത്തു സൗദിയിലേക്ക് യാത്ര ചെയ്യേണ്ട പ്രവാസികള്ക്ക് ലഭിച്ചിരുന്ന സര്ട്ടിഫിക്കറ്റില് 'കോവിഷീല്ഡ്' എന്ന് മാത്രമായിരുന്നു ആദ്യം രേഖപ്പെടുത്തിയിരുന്നത്. അതിനാല് ഈ വാക്സിനെടുത്തവര് സൗദിയിലെത്തിയാല് ഒരാഴ്ചത്തെ ഇന്സിറ്റിറ്റ്യൂഷനല് ക്വാറന്റീന് നിര്ബന്ധിതമായിരുന്നു.
സൗദി അധികൃതരുടെ ഭാഗത്ത് നിന്ന് തന്നെ ഇക്കാര്യത്തില് ഔദ്യോഗിക അംഗീകാരം വന്നതിനാല് ഇതുമൂലം പ്രവാസികള്ക്ക് ഉണ്ടാകാവുന്ന ബുദ്ധിമുട്ടുകള്ക്ക് ശാശ്വത പരിഹാരമായിട്ടുണ്ട്. ഇന്ത്യയില് നിന്നോ സൗദിയില് നിന്നോ ഈ വാക്സിന്റെ ആദ്യ ഡോസ് എടുത്തു യാത്ര ചെയ്യുന്നവര്ക്ക് രണ്ടാം ഡോസ് ഇരു രാജ്യങ്ങളില് ഏതെങ്കിലും ഒന്നില് നിന്നും എടുക്കാനുള്ള സൗകര്യം കൂടി ഇതോടെ ലഭ്യമാകും.
https://www.facebook.com/Malayalivartha
