പാകിസ്താനില്‍ വന്‍ അപകടം... രണ്ട് ട്രെയിനുകള്‍ കൂട്ടിയിടിച്ചു; 30 പേര്‍ മരിക്കുകയും നിരവധി പേര്‍ക്ക് പരിക്കേല്‍ക്കുകയും ചെയ്തു
പാകിസ്താനില്‍ വന്‍ അപകടം... രണ്ട് ട്രെയിനുകള്‍ കൂട്ടിയിടിച്ചു; 30 പേര്‍ മരിക്കുകയും നിരവധി പേര്‍ക്ക് പരിക്കേല്‍ക്കുകയും ചെയ്തു.
പരിക്കേറ്റ പലരുടെയും നില ഗുരുതരമായതിനാല്‍ മരണ സംഖ്യ കൂടിയേക്കുമെന്നാണ് റിപ്പോര്‍ട്ടുകള്‍. സിന്ധ് പ്രവിശ്യയിലെ റേട്ടി, ദഹര്‍കി റെയില്‍വേ സ്റ്റേഷനുകള്‍ക്കിടയിലാണ് ട്രെയിനുകള്‍ കൂട്ടിയിടിച്ചത്. സര്‍ സയ്യിദ് എക്‌സ്പ്രസും മില്ലന്റ് എക്‌സ്പ്രസുമാണ് അപകടത്തില്‍പ്പെട്ടത്. തിങ്കളാഴ്ച രാവിലെയാണ് അപകടമുണ്ടായത്.
ലാഹോറില്‍ നിന്ന് കറാച്ചിയിലേക്ക് പോകുകയായിരുന്നു സര്‍ സയ്യിദ് എക്‌സ്പ്രസ്. കറാച്ചിയില്‍നിന്നും സര്‍ഗോഥയിലേക്ക് പോകുകയായിരുന്ന മില്ലത് എക്‌സ്പ്രസ് പാളംതെറ്റുകയും സര്‍ സയിദ് എക്‌സ്പ്രസുമായി കൂട്ടിയിടിക്കുകയുമായിരുന്നു...
മില്ലന്റ് എക്‌സ്പ്രസിന്റെ ബോഗികള്‍ തലകീഴായി മറിഞ്ഞു. സിന്ധ് പ്രവിശ്യയിലെ ഘോത്കി ജില്ലയിലാണ് അപകടം നടന്നത്. അപകടത്തില്‍ 30 പേര്‍ മരിക്കുകയും അമ്ബതിലേറെ പേര്‍ക്ക് പരിക്കേല്‍ക്കുകയും ചെയ്തു.
14 ബോഗികള്‍ പാളംതെറ്റിയെന്നും എട്ട് ബോഗികള്‍ പൂര്‍ണമായും തകര്‍ന്നു എന്നും ഗോത്കി ഡെപ്യൂട്ടി കമ്മീഷണര്‍ ഉസമാന്‍ പറഞ്ഞു.
ഗ്രാമീണരും പൊലീസും മറ്റു രക്ഷാപ്രവര്‍ത്തകരും ചേര്‍ന്ന് പരിക്കേറ്റവരെയും മരിച്ചവരെയും സമീപ ആശുപത്രികളിലേക്ക് മാറ്റി. മില്ലത് എക്‌സ്പ്രസിന്റെ 14 ഓളം ബോഗികള്‍ അപകടത്തില്‍ മറിഞ്ഞുവെന്നാണ് റിപ്പോര്‍ട്ട്.
https://www.facebook.com/Malayalivartha
