പാകിസ്ഥാനിലെ സിന്ധ് പ്രവിശ്യയില് പാസഞ്ചര് ട്രെയിനുകള് കൂട്ടിയിടിച്ചുണ്ടായ അപകടത്തില് മരണം 50 ആയി.... 70ലധികം പേര്ക്ക് പരിക്ക്
പാകിസ്ഥാനിലെ സിന്ധ് പ്രവിശ്യയില് പാസഞ്ചര് ട്രെയിനുകള് കൂട്ടിയിടിച്ചുണ്ടായ അപകടത്തില് 50 പേര് മരിച്ചു. 70ലധികം പേര്ക്ക് പരിക്കേറ്റിട്ടുണ്ട്. മരണസംഖ്യ ഇനിയും ഉയര്ന്നേക്കുമെന്നാണ് സൂചന.
സിന്ധിലെ ഘോട്കി ജില്ലയില് ധാര്ക്കി നഗരത്തിന് സമീപം ഇന്നലെ പുലര്ച്ചെയായിരുന്നു അപകടം. പ്രദേശത്ത് രക്ഷാപ്രവര്ത്തനം ദുഷ്കരമായതിനാല് സൈന്യത്തിന്റെയും അര്ദ്ധസൈനിക വിഭാഗങ്ങളുടെയും സഹായം തേടിയിട്ടുണ്ട്.
രണ്ടു ട്രെയിനുകളിലുമായി 1,100ലേറെ യാത്രക്കാര് ഉണ്ടായിരുന്നു. കറാച്ചിയില് നിന്ന് സര്ഗോദയിലേക്ക് പോയ മില്ലത് എക്സ്പ്രസ് പാളംതെറ്റി അടുത്ത ട്രാക്കിലേക്ക് മറിയുകയും റാവല്പിണ്ടിയില് നിന്ന് കറാച്ചിയിലേക്ക് പോകുകയായിരുന്ന സര് സയ്യിദ് എക്സ് പ്രസ് ഇടിച്ചുകയറുകയുമായിരുന്നു. മില്ലത് എക്സ്പ്രസിന്റെ 14ഓളം ബോഗികള് പാളം തെറ്റി.
"
https://www.facebook.com/Malayalivartha