ബ്രിട്ടനിലെ ഡെയ്റ്റിങ് ആപ്പുകളില്‍ ഇനി മുതല്‍ 'വാക്സിന് സ്വീകരിച്ചു' എന്ന ബാഡ്ജ് ചേര്‍ക്കാം; 'അമൂല്യമായ മൂലധനം' എന്ന് വിശേഷിപ്പിച്ച് നദീം സഹാവി
ഇനി മുതല്‍ യുകെയില്‍ ഡേറ്റിംഗ് ആപ്പുകള്‍ ഉപയോഗിക്കുന്ന ആളുകള്‍ക്ക് കോവിഡ് വാക്സിന് സ്വീകരിച്ചു എന്ന ബാഡ്ജ് തങ്ങളുടെ പ്രൊഫൈല്‍ ബയോവില്‍ ചേര്‍ക്കാം. ടിന്‍ഡര്‍, മാച്ച്‌, ഹിന്‍ജ്, ബംബിള്‍, ബഡൂ, പ്ലെന്റി ഓഫ് ഫിഷ്, അവര്‍ ടൈം, മസ്മാച്ച്‌, തുടങ്ങി ഡേറ്റിംഗ് ആപ്പുകള്‍ വാക്‌സിനേഷനെ പ്രേരിപ്പിക്കുന്നതിന്റെ ഭാഗമായി സര്‍ക്കാരുമായി പുതിയ പദ്ധതിക്കായി കൈകോര്‍ത്തിട്ടുണ്ട്. ബിബിസി റിപ്പോര്‍ട്ട് അനുസരിച്ച്‌ യു കെ മന്ത്രിയായ നദീം സഹാവി ഈ പദ്ധതിയെ 'അമൂല്യമായ മൂലധനം' എന്നാണ് വിശേഷിപ്പിച്ചത്.
പ്രൊഫൈലില്‍ വാക്സിന് ബാഡ്ജ് ചേര്‍ക്കുന്ന ഉപഭോക്താക്കള്ക്ക് ഫ്രീ ക്രെഡിറ്, സൂപ്പര്‍ ലൈക്സ്, പ്രീമിയം അക്കൗണ്ടുകള്‍ക്കുള്ള സൗകര്യങ്ങളായ പ്രൊഫൈല്‍ ബൂസ്റ്റ്, വിര്‍ച്യുല്‍ റോസ് എന്നിവ ലഭിക്കും. അമേരിക്കന്‍കമ്പനിയായ ബംബിള്‍ ഉപഭോക്താക്കള്ക്ക് മഹാമാരിക്കാലത്തെ ഡേറ്റിംഗ് എന്ന പേരില്‍ പുതിയ പരിപാടി ആവിഷ്കരിച്ചിട്ടുണ്ട് കമ്പനി.
സാമൂഹിക അകലം പിന്തുടരല്‍, മാസ്ക് ധരിക്കല്‍, തിരക്ക് കൂടിയ സ്ഥലങ്ങളില്‍ ഒരുമിച്ച്‌ കൂടല്‍ തുടങ്ങിയ കാര്യങ്ങളെ കുറിച്ച്‌ ബംബിള്‍ യൂസേഴ്സിന് തങ്ങളുടെ അഭിപ്രായങ്ങള്‍ പ്രകടിപ്പിക്കാനുള്ള അവസരം ഒരുക്കുന്ന പദ്ധതിയാണിത്.
എന്നാല്‍, പ്രൊഫൈലില്‍ വാക്സിന് സ്വീകരിച്ചു എന്ന ബാഡ്ജ് ചേര്‍ക്കുന്നവര്‍ യഥാർഥത്തിൽ വാക്സിന് കുത്തിവെപ്പ് സ്വീകരിച്ചിട്ടുണ്ടോ ഇല്ലേ എന്ന് ഉറപ്പു വരുത്താന്‍ ഇത് വരെ മാർഗങ്ങളൊന്നും കമ്പനി കണ്ടെത്തിയിട്ടില്ല എന്ന് റിപ്പോർട്ടുകൾ പറയുന്നു.
ലണ്ടന്‍ അടിസ്ഥാനമായി പ്രവര്‍ത്തിക്കുന്ന എലൈറ് ഡേറ്റിന്റെ കണക്ക് പ്രകാരം 60 ശതമാനം ഡേറ്റിംഗ് സൈറ്റ് ഉപയോഗിക്കുന്നവരും വാക്സിന് വിരുദ്ധരുമായി സൗഹൃദത്തില്‍ ഏര്‍പ്പെടാന്‍ താല്പര്യപ്പെടുന്നില്ല എന്നാണ് കാണിക്കുന്നത്. YouGov ന്റെ ഏറ്റവും പുതിയ സര്‍വേ പ്രകാരം 5,000 ല്‍ 28 ശതമാനം പേര് മാത്രമാണ് വാക്സിന് എടുക്കാത്തവരെ ഡേറ്റ് ചെയ്യില്ല എന്ന് പറയുന്നത്. അതേസമയം രണ്ട് ശതമാനം പേര് വാക്സിന് എടുത്തവരെ ഡേറ്റ് ചെയ്യില്ല എന്നും പറയുന്നുണ്ട്.
അമേരിക്കയില്‍ കണ്ണിറുക്കുന്ന ഇമോജിക്ക് പകരം ആളുകള്‍ സിറിഞ്ചിന്റെ ഇമോജി ഉപയോഗിക്കുന്നുവെന്ന് റിപ്പോര്‍ട്ട് പറയുന്നു. പ്രൊഫൈലില്‍ രണ്ട് ഡോസുകളും സ്വീകരിച്ച സെല്‍ഫി ചേര്‍ത്താല്‍ പതിവിനെക്കാള്‍ ഇരട്ടി സൗഹൃദങ്ങള്‍ ലഭിക്കുമത്രേ.വാക്സി൯ സ്വീകരിച്ചവരെ പങ്കാളികളായി ലഭിക്കാന് ആലുകള് താല്പര്യപ്പെടുന്നു എന്നതിന്റെ തെളിവാണിത്.
OKCupid പറയുന്നതനുസരിച്ച്‌ കോവിഡ് വാക്സിന് സ്വീകരിച്ചു എന്ന് കാണിക്കുന്ന പ്രൊഫൈലുകള്‍ക്ക് മറ്റു പ്രൊഫൈലുകളെ അപേക്ഷിച്ച രണ്ടിരട്ടി ലൈക് ലഭിച്ചുവെന്നു കാണിക്കുന്നു. ജനുവരിയില്‍ ടിന്‍ഡറില്‍ ബയോയില്‍ വാക്സിന് എന്ന് ചേര്‍ക്കുന്ന ആളുകളുടെ വളര്‍ച്ച 238 ശതമാനം ആണ് രേഖപ്പെടുത്തിയത്. ബംബിളിലും സമാനമായ വളര്‍ച്ച രേഖപ്പെടുത്തിയിട്ടുണ്ട്.
https://www.facebook.com/Malayalivartha
