ലോക്ഡൗണ് നിയന്ത്രണങ്ങള് പൂര്ണമായും പിന്വലിച്ച് ബ്രിട്ടന്.... പൊതുസ്ഥലങ്ങളില് മാസ്ക് നിര്ബന്ധമില്ല, സിനിമ തീയേറ്ററുകള് തുറക്കാം
ലോക്ഡൗണ് നിയന്ത്രണങ്ങള് പൂര്ണമായും പിന്വലിച്ച് ബ്രിട്ടന്.... പൊതുസ്ഥലങ്ങളില് മാസ്ക് നിര്ബന്ധമില്ല, സിനിമ തീയേറ്ററുകള് തുറക്കാം. പ്രതിദിന കോവിഡ് കേസുകള് 50,000 ത്തിന് മുകളില് നില്ക്കേ ലോക്ഡൗണ് നിയന്ത്രണങ്ങള് പൂര്ണമായും പിന്വലിച്ച് ബ്രിട്ടന്.
തിങ്കളാഴ്ച മുതല് പൊതുസ്ഥലങ്ങളില് മാസ്ക് നിര്ബന്ധമില്ല. എല്ലാ സ്ഥാപനങ്ങള്ക്കും തുറന്നു പ്രവര്ത്തിക്കാം. പൊതുപരിപാടികളെല്ലാം നിയന്ത്രണങ്ങളില്ലാതെ നടത്താനും സര്ക്കാര് അനുമതി നല്കി.
അതേസമയം കോവിഡ് കേസുകളില് കുറവുവരാത്ത സാഹചര്യത്തില് നിയന്ത്രണങ്ങള് പൂര്ണമായും പിന്വലിച്ച് തുറന്നുകൊടുക്കാനുള്ള സര്ക്കാര് തീരുമാനത്തെ പ്രതിപക്ഷ പാര്ട്ടികള് ശക്തമായി എതിര്ത്തു.
സര്ക്കാര് നടപടി രോഗവ്യാപനം വര്ധിച്ചേക്കാമെന്ന് ആരോഗ്യ മേഖലയിലെ വിദഗ്ധരും മുന്നറിയിപ്പ് നല്കിയിട്ടുണ്ട്. മാസ്ക് നിബന്ധന ഒഴിവാക്കിയതിനൊപ്പം വീട്ടിലിരുന്ന് ജോലി ചെയ്യാന് ഏര്പ്പെടുത്തിയ വര്ക്ക് ഫ്രം ഹോം വ്യവസ്ഥയും സര്ക്കാര് റദ്ദാക്കിയിട്ടുണ്ട്.
ഞായറാഴ്ച അര്ധരാത്രി മുതല് നഗരത്തിലെ നിശാ ക്ലബ്ബുകള് തുറക്കാന് അനുമതി നല്കി. ഇന്ഡോര് കായിക സ്റ്റേഡിയങ്ങള് ഉള്പ്പെടെയുള്ള വേദികളില് മുഴുവന് സീറ്റുകളില് ആളുകളെ പ്രവേശിപ്പിക്കാം. സിനിമ തീയേറ്ററുകള് തുറക്കാനും അനുമതിയുണ്ട്.
സര്ക്കാര് അശ്രദ്ധമായാണ് പ്രവര്ത്തിക്കുന്നതൊന്നും മുന്കരുതല് നടപടികളൊന്നും സ്വീകരിക്കാതെ നിയന്ത്രണങ്ങള് പിന്വലിച്ച തീരുമാനത്തെ ശക്തമായി എതിര്ക്കുന്നതായും ലേബര് പാര്ട്ടി ആരോഗ്യവിഭാഗം വക്താവ് ജൊനഥന് വ്യക്തമാക്കി.
"
https://www.facebook.com/Malayalivartha
