‘വോട്ടു ചോദിച്ചോളൂ, പക്ഷേ ആലിംഗനവും കൈ കൊടുക്കലും വേണ്ട’; തെരഞ്ഞെടുപ്പ് പ്രചാരണ ചട്ടത്തില് മാറ്റവുമായി ഫിലിപ്പൈന്സ്
‘വോട്ടു ചോദിച്ചോളൂ, പക്ഷേ ആലിംഗനവും കൈ കൊടുക്കലും വേണ്ട.’ ഫിലിപ്പൈന്സില് തിരഞ്ഞെടുപ്പ് പ്രചാരണത്തിന് പുതിയ നിയമാവലിയുമായി തിരഞ്ഞെടുപ്പ് കമ്മീഷന്. 2022 ല് പ്രസിഡന്റ് തിരഞ്ഞെടുപ്പിനൊരുങ്ങുന്ന രാജ്യത്ത് കോവിഡ് രോഗ വ്യാപനത്തിന്റെ പശ്ചാത്തലത്തിലാണ് നേരത്തെ അനുവര്ത്തിച്ച് പോന്ന പ്രചാരണ രീതികള് ഒഴിവാക്കാന് ഇലക്ഷന് കമ്മീഷന് തീരുമാനിച്ചത്.
പ്രചാരണങ്ങള് നടത്തുമ്പോൾ ഷേക്ക് ഹാന്ഡ് , ആലിംഗനം , കുട്ടികള്ക്ക് ഉമ്മ കൊടുക്കുക തുടങ്ങിയവ സ്ഥാനാര്ഥികളുടെ പതിവു രീതികളാണ്. എന്നാല് ഇത്തവണ ഇതൊന്നും വേണ്ടെന്നാണ് തീരുമാനം. രാജ്യത്ത് കോവിഡ് നിയന്ത്രണ വിധേയമാകാത്തതിനാലാണ് വിലക്കുകളെന്ന് ഫിലിപ്പൈന്സ് തിരഞ്ഞെടുപ്പ് കമ്മീഷന് ‘കൊമെലെക്’ വക്താവ് ജെയിസ് ജിമെനെസ് മുന്കൂട്ടി അറിയിച്ചത്.
അതേസമയം വോട്ടര്മാരുമായി നേരിട്ട് സംവദിക്കാനുള്ള അവസരങ്ങള് വിലക്കിയിട്ടില്ല. പത്ര, ദൃശ്യ മാധ്യമങ്ങളിലൂടെ പരസ്യം ചെയ്യാന് സാധിക്കാത്ത സ്ഥാനാര്ഥികളെ കരുതിയാണ് ഈ ഇളവു നല്കുന്നതെന്നും ജിമെനെസ് വ്യക്തമാക്കി. അടുത്ത വര്ഷം മേയ് 9 നാണ് ഫിലിപ്പൈന്സില് പ്രസിഡന്റ് തിരഞ്ഞെടുപ്പ്.
https://www.facebook.com/Malayalivartha
