ജര്മനിയില് ഹോസ്റ്റല് മുറിയില് മരിച്ച വിദ്യാര്ത്ഥിനിയുടെ മൃതദേഹം നാളെ നാട്ടിലെത്തിക്കും; നികിതക്കായി കണ്ണീരോടെ നാട് കാത്തിരിക്കുന്നു!! സംസ്കാരം ശനിയാഴ്ച്ച രാവിലെ മൗണ്ട് കാര്മല് പള്ളിയില്
21 JULY 2021 05:07 PM IST
മലയാളി വാര്ത്ത
ജര്മനിയില് മരിച്ച നിലയില് കണ്ടെത്തിയ മലയാളി വിദ്യാര്ത്ഥിനി പൂഴിക്കോല് മുടക്കാംപുറം നിതിക ബെന്നിയുടെ (22) മൃതദേഹം നാളെ നാട്ടിലെത്തിക്കും. ശനിയാഴ്ച്ച രാവിലെ 11ന് കീഴൂര് മൗണ്ട് കാര്മല് പള്ളിയില് സംസ്കാരം നടത്തും.
ബെന്നി - ട്രീസദമ്പതികളുടെ മകളായ നിതികയെ ഈ മാസം ഒന്നിനാണ് ജര്മനിയിലെ ഹോസ്റ്റല് മുറിയില് മരിച്ച നിലയില് കണ്ടെത്തിയത്. കീല് സര്വകലാശാലയില് ബയോമെഡിക്കല് വിഭാഗത്തില് ബിരുദാനന്തര ബിരുദ വിദ്യാര്ത്ഥിയായിരുന്നു നിതിക.
നിതികയെ പുറത്തു കാണാതിരുന്നതിനെ തുടര്ന്ന് മലയാളി സുഹൃത്തുക്കള് നടത്തിയ അന്വേഷണത്തിലാണ് ഹോസ്റ്റലിലെ ഏഴാമത്തെ നിലയിലുള്ള മുറിയിലെ കിടക്കയില് മരിച്ച നിലയില് കണ്ടെത്തിയത്. ഉടന് എമര്ജന്സി വിഭാഗത്തിലെ ഡോക്ടറെ അറിയിക്കുകയും തുടര്ന്ന് പൊലീസ് എത്തി തുടര്നടപടികള് സ്വീകരിക്കുകയുമായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
