ചൈനയെയും അമേരിക്കയെയും മറികടന്ന് ഇന്ത്യയ്ക്ക് ഒന്നാം സ്ഥാനം... ഇതെന്തൊരു മറിമായം... അമ്പരന്നു ലോകം... ജിഡിപി വളർച്ചയിൽ ഇന്ത്യ ഒന്നാം സ്ഥാനത്ത് എത്തിയിരിക്കുകയാണ്; ഈ അപൂർവ നേട്ടം കൈവരിച്ചതിന് പിന്നാലെ 2022 ലും ഇന്ത്യ മുന്നിലായിരിക്കും എന്ന് റിപ്പോർട്ടുകൾ പുറത്തുവരുന്നു...

2021 ലെ രാജ്യത്തിന്റെ മൊത്ത ആഭ്യന്തര ഉത്പാദനത്തിന്റെ വളർച്ച 9.5 ശതമാനമാണ്. പക്ഷേ യുഎസ്, യുകെ ഉൾപ്പെടുന്ന വികസിത രാജ്യങ്ങളുടെ ജിഡിപി വളർച്ച ഇതിലും കുറവാണ് എന്നതാണ് ശ്രദ്ധേയമായ കാര്യം. ഇൻർനാഷണൽ മോണിറ്ററി ഫണ്ടാണ്(ഐഎംഎഫ്) ഈ വിവരങ്ങൾ അടക്കമുള്ള റിപ്പോർട്ടുകൾ പ്രസിദ്ധമാക്കിയിരിക്കുന്നത്.

2021 ൽ യുകെയിലെയും യുഎസിലെയും ജിഡിപി വളർച്ച വെറും 7 ശതമാനം മാത്രമേ ഉണ്ടായിരുന്നുള്ളൂ. ഇന്ത്യ കഴിഞ്ഞാൽ ജിഡിപി വളർച്ചയിൽ മുൻപന്തിയിലുള്ളത് ചൈനയാണ്. ചൈനയിലെ നിലവിലുള്ള വളർച്ച നിരക്ക് 8.1 ശതമാനമാണ്. ജർമനി, ഇറ്റലി, ജപ്പാൻ, റഷ്യ ഉൾപ്പെടെയുള്ള രാജ്യങ്ങളും ജിഡിപി വളർച്ചയിൽ വളരെയധികം പിന്നിലാണ്.

കൊറോണ പ്രതിസന്ധി കാരണം ആഗോളതലത്തിൽ ഉണ്ടായ സാമ്പത്തിക പ്രതിസന്ധികൾ ജിഡിപിയെ വളരെയധികം മോശമായി തന്നെ സ്വാധീനിച്ചുവെന്ന വിവരങ്ങളും പുറത്തു വരികയാണ്. കൊറോണ പ്രതിരോധ വസ്തുക്കളുടെ ശേഖരണം, വിതരണം, വാക്‌സിൻ വിതരണം എന്നിവ ആഗോള സമ്പദ്ഘടനയെ വളരെയധികം തഴഞ്ഞിരുന്നു. രണ്ടാം തരംഗം ഉണ്ടാക്കിയ തിരിച്ചടിയും ഇങ്ങനെയൊരു സാഹചര്യത്തിലേക്ക് നയിച്ചു.

എന്നാൽ 2022 ൽ രാജ്യത്തിന്റെ ജിഡിപി ശതമാനം ഒരു ശതമാനം കുറയാൻ സാധ്യതയുണ്ടെന്ന ഐഎംഎഫ് റിപ്പോർട്ട്‌ സൂചിപ്പിക്കുന്നു. പക്ഷേ ഇനി വരുന്ന വർഷങ്ങളിൽ ഇന്ത്യ ഒന്നാം സ്ഥാനം എന്ന പദവി കൈവിടില്ല എന്നാണ് ഇപ്പോൾ ഉള്ള പ്രവചനങ്ങൾ.

മാത്രമല്ല യുകെയിലെ ജിഡിപി ശതമാനം 7 ൽ നിന്നും 4.8 ആയി കുറയുമെന്നുള്ള പ്രവചനങ്ങളും നടക്കുന്നുണ്ട്. അമേരിക്കയിലെ വളർച്ചാ നിരക്കിലെ ഗണ്യമായ മാറ്റങ്ങൾ ഉണ്ടാകും. 7 ൽ നിന്ന് 4.9 ലേയ്‌ക്ക് കുറയുമെന്നാണ് പറയുന്നത്. ചൈനയിലെ ജിഡിപി ശതമാനവും 5.7 ആയി കുറയുമെന്ന് ഐഎംഎഫ് കണക്കുകൾ
ചൂണ്ടിക്കാണിക്കുന്നു.