കണ്ണടച്ച് തുറക്കുമ്പോൾ കോടീശ്വരന്മാരാകാൻ പലപ്പോഴും പലരും ആഗ്രഹിക്കും. അതൊന്നും നടക്കില്ല എങ്കിലും വെറുതെ ഒന്നാഗ്രഹിക്കുന്നതിൽ തെറ്റില്ലല്ലോ? ഇതെല്ലാം കഴിഞ്ഞാൽ ലോട്ടറിയിലാകും കണ്ണ്. അടിച്ചാൽ അടിച്ചു, അങ്ങനെ കോടീശ്വരന്മാരായത് എത്രപേരാണ്. അത്തരം വാർത്തകളും ഏറെ അമ്പരപ്പോടെയാണ് ഏവരും കേൾക്കുന്നത്. ഇപ്പോഴിതാ അത്തരത്തിൽ ഒരു ഭാഗ്യം കൈവന്നിരിക്കുന്നത് ഒന്നും രണ്ടുമല്ല 500 ജീവനക്കാരെ. അതും നമ്മുടെ ഇന്ത്യക്കാരെ.

ഒരൊറ്റ ദിവസം കൊണ്ട് ജീവനക്കാരെ കോടീശ്വരന്‍മാരാക്കി ഏവരെയും ഞെട്ടിച്ചിരിക്കുകയാണ് യുഎസിലെ ഒരു ഇന്ത്യന്‍ കമ്പനി അധികൃതർ. കാലിഫോര്‍ണിയ ആസ്ഥാനമാക്കി പ്രവര്‍ത്തിക്കുന്ന ഫ്രഷ്‌വര്‍ക്കേഴ്‌സ് എന്ന ഐടി കമ്പനിയിയിലെ 500 ജീവക്കാരാണ് ഒരു ദിവസം കൊണ്ട് കോടീശ്വരന്‍മാരായി മാറിയത്.

അതേസമയം കഴിഞ്ഞ ദിവസം യുഎസ് ഓഹരിവിപണിയായ നസ്ഡാക്കില്‍ ലിസ്റ്റ് ചെയ്തതാണ് സംഭവങ്ങളുടെ തുടക്കം. ഇതേതുടര്‍ന്ന് 36 ഡോളറായിരുന്ന കമ്പനിയുടെ ഓഹരി വില 47.55 ഡോളറായി ഉയരുകയായിരുന്നു. ഇത്തരത്തില്‍ കമ്പനി ഓഹരികളുടെ മൂല്യം 32 ശതമാനത്തിലധികം വര്‍ദ്ധിച്ചതാണ് നേട്ടത്തിന് കാരണമായി മാറിയത്. ഗിരീഷ് മാതൃഭൂതവും ഷാന്‍ കൃഷ്ണമൂര്‍ത്തിയും 2011 ല്‍ ചെന്നെയില്‍ സ്ഥാപിച്ച ഐടി കമ്പനിയാണ് ഫ്രഷ്‌വര്‍ക്കേഴ്‌സ് എന്നപേരിൽ അറിയപ്പെടുന്നത്.

നിലവിൽ ആഗോളതലത്തില്‍ 43,00ലധികം ജീവനക്കാരുള്ള കമ്പനിയിലെ 73% ശതമാനം ജീവനക്കാര്‍ക്കും നിലവില്‍ കമ്പനിയില്‍ ഓഹരി നിക്ഷേപമുണ്ട് എന്നതാണ്. ഗൂഗിളിനടക്കം ഓഹരിയുള്ള ഫ്രെഷ്‌വര്‍ക്കേഴ്‌സിന്റെ പ്രധാന ഓഹരിയുടമകള്‍ ടൈഗര്‍ ഗ്ലോബല്‍, ആക്‌സല്‍ ഇന്ത്യ തുടങ്ങിയവരാണ്. എന്തായാലും സംഭവം ലോകശ്രദ്ധ നേടിയിരിക്കുകയാണ്.