വീണ്ടും മിസൈല്‍ പരീക്ഷിച്ച് ഉത്തരകൊറിയ. ഇന്ന് പുലര്‍ച്ചെ ഉത്തരകൊറിയയുടെ കിഴക്കന്‍ തീരത്തുനിന്നാണ് പുതിയതായി വികസിപ്പിച്ച ഹ്രസ്വദൂര മിസൈല്‍ തൊടുത്തതെന്ന് ദക്ഷിണ കൊറിയന്‍ സൈന്യം .

പ്യോംഗ്യാംഗിന്റെ സ്വയം പ്രതിരോധത്തിനായി ആയുധങ്ങള്‍ പരീക്ഷിക്കുന്നതിനുള്ള അവകാശം ആര്‍ക്കും നിഷേധിക്കാനാകില്ലെന്ന് ഉത്തരകൊറിയയുടെ അംബാസിഡര്‍ യുഎന്നില്‍ പറഞ്ഞതിന് പിന്നാലെയാണ് പരീക്ഷണം നടന്നത്.

ഈ മാസം ആദ്യം പുതുതായി വികസിപ്പിച്ച ദീര്‍ഘദൂര ക്രൂയിസ് മിസൈലുകളും ഉത്തരകൊറിയ വിജയകരമായി പരീക്ഷിച്ചിരുന്നു. യുഎസുമായുള്ള ആണവചര്‍ച്ചകള്‍ പരാജയപ്പെട്ട് മാസങ്ങള്‍ക്കുശേഷമായിരുന്നു വീണ്ടും പരീക്ഷണം നടത്തിയത്.