ശസ്ത്രക്രിയക്കിടയില്‍ ഡോക്ടറുടെ ടിക്‌ടോക്ക്... അനുവാദമില്ലാതെ ശസ്ത്രക്രിയയുടെ വീഡിയോ എടുത്തെന്ന രോഗികളുടെ പരാതിയെത്തുടര്‍ന്ന് ഡോക്ടറെ പുറത്താക്കി
ശസ്ത്രക്രിയക്കിടയില്‍ ടിക്‌ടോക്ക് വീഡിയോ എടുത്ത ഓസ്‌ട്രേലിയയിലെ പ്ലാസറ്റിക് സര്‍ജനെ പ്രാക്ടീസില്‍ നിന്നും വിലക്കി. ഇനി മേലധികാരികളുടെ മേല്‍നോട്ടമില്ലാതെ പ്രാക്ടീസ് ചെയ്യരുതെന്നും സമൂഹ മാധ്യമങ്ങളില്‍ പോസ്റ്റ് ചെയ്ത ശസ്ത്രക്രിയയുമായി ബന്ധപ്പെട്ട വീഡിയോകള്‍ എല്ലാം നീക്കം ചെയ്യാനും ഏജന്‍സി ഉത്തരവിട്ടു.
ടിക് ടോക്കിലെ 13 ദശലക്ഷത്തിലധികം ഫോളോംവേഴ്‌സുളള ഡോ.ഡാനിയല്‍ അരോനോവിന്റെ അമിതമായ ടിക് ടോക്ക് ഉപയോഗമാണ് ഇയൊരും നടപടിക്ക് കാരണം. ആശുപത്രിയിലെ നിരവധി രോഗികളുടെ പരാതിയെത്തുടര്‍ന്ന് ആണ് ഓസ്‌ട്രേലിയന്‍ ഹെല്‍ത്ത് പ്രാക്ടീഷനര്‍ റെഗുലേഷന്‍ ഏജന്‍സി ഇയാള്‍ക്ക് എതിരെ നടപടിയെടുത്തത്.
ടിക് ടോക് വീഡിയോ ചെയ്യാനായി ഇദ്ദേഹം ശസ്ത്രക്രിയ നിര്‍ത്തിവച്ചെന്നാണ് ആരോപണം. കൂടാതെ താന്‍ ചെയ്യുന്ന ശാസ്ത്രക്രിയ ദൃശ്യങ്ങളെ ടിക് ടോക്കിലൂടെ പുറത്തുവിടാറുണ്ട്. താടിയിലെ മുഴ നീക്കം ചെയ്യാനെത്തിയ രോഗി വേദന കൊണ്ടു പുളയുമ്പോഴും ഡാനിയല്‍ ശാസ്ത്രക്രിയ നിര്‍ത്തി ടിക് ടോക് ചെയ്യാന്‍ പോയെന്നു ആരോപണമുണ്ട്.
ഇതിനോടൊപ്പം ഫോണില്‍ തന്റെ വീഡിയോ കാണുകയും, ഇഷ്ടപ്പെടാത്ത ഭാഗങ്ങള്‍ കട്ട് ചെയ്ത മാറ്റാന്‍ ആര്‍ക്കോ നിര്‍ദേശം നല്‍കുകയും ചെയ്യാറുണ്ടെന്നും രോഗികള്‍ പറഞ്ഞു. തന്റെ അനുവാദമില്ലാതെ ശസ്ത്രക്രിയയുടെ ദൃശ്യങ്ങള്‍ പോസറ്റ് ചെയ്‌തെന്നാണ് മറ്റൊരും രോഗിയുടെ പരാതി. ഇങ്ങനെ പരാതികളുടെ എണ്ണം വര്‍ധിച്ചതോടെ ഡാനിയേലിനെ ശസ്ത്രക്രിയ നടത്തുന്നതില്‍ വിലക്ക ഏര്‍പ്പെടുത്തിയത്.
https://www.facebook.com/Malayalivartha
