നേപ്പാളിലെ പ്യുതാന്‍ ജില്ലയില്‍ വിവാഹ സംഘം സഞ്ചരിച്ച വാഹനം അപകടത്തില്‍പെട്ട് 8 പേര്‍ മരിച്ചു. അഞ്ച് പേര്‍ക്ക് പരിക്കേറ്റു. ശനിയാഴ്ച പുലര്‍ച്ചെയായിരുന്നു അപകടം നടന്നത്.


മരിച്ചവരില്‍ അഞ്ച് പേര്‍ സ്ത്രീകളാണ്. വധുവരന്മാര്‍ അപകടത്തില്‍ പെട്ടോയെന്ന് പോലീസ് വ്യക്തമാക്കിയിട്ടില്ല. ന്യൂ ബഹിനി വില്ലേജില്‍ നിന്നും ഗൗമുഖിയിലെ വരന്റെ വീട്ടിലേക്ക് പോയ സംഘം സഞ്ചരിച്ച ജീപ്പാണ് പുലര്‍ച്ചെ മൂന്നു മണിയോടെ അപകടത്തില്‍പെട്ടത്.

പരിക്കേറ്റവരെ ജില്ലാ ആശുപത്രിയില്‍ പ്രവേശിപ്പിച്ചതായും പോലീസ് അറിയിച്ചു.