യുക്രൈന്‍ റഷ്യ യുദ്ധത്തില്‍ സ്വതന്ത്ര നിലപാട് സ്വീകരിച്ച ഇന്ത്യയെ ചോദ്യം ചെയ്തുകൊണ്ട് അമേരിക്ക അടക്കം രംഗത്തെത്തിയിരുന്നു. റഷ്യന്‍ വിദേശകാര്യമന്ത്രി സര്‍ജി ലാവ്‌റോവ് ഇന്ത്യയിലെത്തിയപ്പോഴും എണ്ണ വാങ്ങുന്ന വിഷയത്തില്‍ വീണ്ടും മുന്നോട്ടു പോകാന്‍ തന്നെയായിരുന്നു ഇന്ത്യ തീരുമാനിച്ചത്. ഇതോടെ ഇന്ത്യ സ്വതന്ത്ര നിലപാടല്ല സ്വീകരിച്ചത് എന്ന വിമര്‍ശനങ്ങള്‍ ഉയര്‍ന്നു.

പക്ഷേ മറ്റൊരു രാജ്യത്തിനും അടിമപ്പെട്ട് മുന്നോട്ട് പോകുന്നൊരു രാജ്യമല്ല ഇന്ത്യ. എന്ന് ഒന്നുകൂടി ഉറക്കെ വിളിച്ചു പറയുന്ന ഇന്ത്യയെ ആണ് ഇപ്പോള്‍ കാണാന്‍ കഴിയുന്നത്. തെറ്റ് ആര് ചെയ്താലും അത് ബോധ്യമായാല്‍ മുഖത്ത് നോക്കി പറയുന്ന രാജ്യമാണ് ഇന്ത്യ ഒന്നുകൂടി തെളിയിച്ചിരിക്കുകയാണ്. റഷ്യയ്ക്ക് ഇന്ത്യയുടെ ആദ്യ അടി എന്ന് വേണമെങ്കില്‍ ഇതിനെ വിശേഷിപ്പിക്കാം.. യുക്രൈനിലെ കൂട്ടക്കൊലയിലാണ് ഇന്ത്യയുടെ റഷ്യയ്‌ക്കെതിരെയുള്ള വിമര്‍ശനം.

യുക്രൈന്‍ കൂട്ടക്കൊലയെ അപലപിച്ച് നമ്മുടെ വിദേശകാര്യമന്ത്രി എസ് ജയശങ്കറാണ് രംഗത്തുവന്നത്. രക്തചൊരിച്ചില്‍ ഒന്നിനും പരിഹാരമല്ലെന്നും പ്രശ്‌നം പരിഹരിക്കാന്‍ ചര്‍ച്ചയാണ് ആവശ്യമെന്നും ജയശങ്കര്‍ പാര്‍ലമെന്റില്‍ വ്യക്തമാക്കി. യുക്രൈന്‍ കൂട്ടക്കൊലയില്‍ സ്വതന്ത്ര അന്വേഷണം വേണം എന്ന ആവശ്യവും അദേഹം മുന്നോട്ടു വച്ചു. ഇന്ത്യ നിന്നത് സമാധാനത്തിന്റെ പക്ഷത്താണ്. ഓപ്പറേഷന്‍ ഗംഗയെ മറ്റ് ഒഴിപ്പിക്കല്‍ നടപടികളുമായി താരതമ്യം ചെയ്യാനാകില്ല. സുമിയില്‍ വലിയ പ്രതിസന്ധി നേരിട്ടു. നേരിട്ടുള്ള ഇടപെടലാണ് പ്രധാനമന്ത്രി നടത്തിയതെന്നും ജയശങ്കര്‍ വ്യക്തമാക്കി.

റഷ്യന്‍ സൈന്യം പിന്മാറിയ മേഖലകളില്‍നിന്ന് ഇതുവരെ കണ്ടെടുത്തത് 420 മൃതദേഹങ്ങള്‍ ആണ് മിക്കതും കൈകാലുകള്‍ ബന്ധിച്ച നിലയില്‍ ആയിരുന്നു. കുടുംബത്തെ ഒന്നാകെ കുഴിച്ചുമൂടിയ കൂട്ടകുഴിമാടങ്ങളും കണ്ടെത്തി.യുദ്ധകാലത്തെ എല്ലാ അന്താരാഷ്ട്ര നിയമങ്ങളും ലംഘിച്ചുളള കൊടും ക്രൂരത പുറത്തുവന്നതോടെ റഷ്യക്ക് എതിരെ പ്രതിഷേധം ഇരമ്പുകയാണ്. കൂട്ടക്കൊലയുടെ പശ്ചാത്തലത്തില്‍ അമേരിക്കയും യൂറോപ്യന്‍ യൂണിയനും റഷ്യക്കുമേല്‍ കൂടുതല്‍ ഉപരോധങ്ങള്‍ ഏര്‍പ്പെടുത്തി. ടാങ്കുവേധ മിസൈല്‍ സംവിധാനം അടക്കം കൂടുതല്‍ ആയുധ സഹായം യുക്രൈന നല്‍കുമെന്ന് അമേരിക്ക പ്രഖ്യാപിച്ചു.

അങ്ങേയറ്റം അസ്വസ്ഥപ്പെടുത്തുന്ന സംഭവത്തില്‍ സ്വതന്ത്ര അന്വേഷണം വേണമെന്ന് യുഎന്നിലെ ഇന്ത്യയുടെ പ്രതിനിധി ടി എസ് തിരുമൂര്‍ത്തി ആവശ്യപ്പെട്ടു. യുക്രൈനിലെ അതിര്‍ത്തി മേഖലകളില്‍ റഷ്യ ഇപ്പോഴും ആക്രമണം തുടരുകയാണ്. മൈക്കോലിവില്‍ മൂന്ന് ആശുപത്രികള്‍ക്ക് നേരെ മിസൈല്‍ ആക്രമണം നടന്നു. ഇത് ഈ യുദ്ധത്തിലെ റഷ്യയ്‌ക്കെതിരെയുള്ള ആദ്യ സ്വരം ഉയര്‍ത്തല്‍ കൂടിയാണ്.