കഴിഞ്ഞയാഴ്ചയാണ് ഒരു ചൈനീസ് ചാര വനിത ഡല്‍ഹിയില്‍ പൊലീസ് അറസ്റ്റ് ചെയ്യുന്നത്. വടക്കന്‍ ഡല്‍ഹിയിലെ ടിബറ്റന്‍ അഭയാര്‍ഥി കോളനിയായ മജ്‌നു കാടില്ലയില്‍ നിന്നായിരുന്നു അറസ്റ്റ്. നേപ്പാളി വനിതയെന്ന വ്യാജേനെയാണ് ഇവര്‍ വ്യാജ ഐഡി ഉപയോഗിച്ച് തലസ്ഥാനത്ത് താമസിച്ച് പോന്നിരുന്നത്. ലാമകള്‍ക്കൊപ്പം തന്നെയായിരുന്നു ഇവരുടെ സഹവാസവും. ഇവരുടെ പ്രവര്‍ത്തികളില്‍ അസ്വഭാവികത തോന്നിയ ലാമമാരാണ് ഈ വിവരം പൊലീസിനെ അറിയിച്ചത്. ഉടന്‍ തന്നെ ഇവരെ പൊലീസ് തൂക്കുകയായിരുന്നു. ആദ്യം ഇവര്‍ ഇന്ത്യയുടെ വിവരങ്ങള്‍ ചോര്‍ത്താനാണ് എത്തിയത് എന്ന നിഗമനത്തിലായിരുന്നു. ആ ഒരു ധാരണയില്‍ തന്നെയായിരുന്നു ചോദ്യം ചെയ്യല്‍ തുടര്‍ന്നത്. എന്നാല്‍ വിശദമായ ചോദ്യം ചെയ്യലില്‍ ഇവര്‍ ലക്ഷ്യമിട്ടത് ദലൈലാമയുടെ പിന്‍ഗാമിയുടെ വിവരങ്ങള്‍ ചോര്‍ത്താനെന്ന് കണ്ടെത്തുകയായിരുന്നു.

ചൈനീസ് ചാരവനിതകളില്‍ നിന്ന് കിട്ടിയത് അതീവ ഗൗരവമുള്ള വിവരങ്ങളാണെന്നാണ് രഹസ്യാന്വേഷണ വിഭാഗം വ്യക്തമാക്കിയത്. ചാരവനിതകള്‍ ലക്ഷ്യമിട്ടത് ദലൈലാമയുടെ പിന്‍ഗാമിയുടെ വിവരങ്ങള്‍ ചോര്‍ത്താനാണന്നും. ഹിമാചലില്‍ അറസ്റ്റിലായ മറ്റൊരു ചൈനീസ് ചാരയുമായി ഇവര്‍ത്ത് ബന്ധമുണ്ടെന്നും രഹസ്യാന്വേഷണ വിഭാഗം കണ്ടെത്തി. ടിബറ്റന്‍ ബുദ്ധസന്ന്യാസിയുടെ വേഷത്തിലാണ് ഇവര്‍ രണ്ടുപേരും രണ്ട് വര്‍ഷമായി ദില്ലിയിലും ഹിമാചലിലുമായി കഴിഞ്ഞിരുന്നത്. ബുദ്ധ വിഹാരത്തില്‍ മതപഠന ക്ലാസുകള്‍ എടുത്തിരുന്ന യുവതിയാണ് ഹിമാചലില്‍ പിടിയിലാകുന്നത്.

നേപ്പാളി വനിതയെന്ന വ്യാജേന കഴിയുകയായിരുന്ന കായ് റുവോ ആണ് ഡല്‍ഹിയില്‍ അറസ്റ്റിലായത്. ദോല്‍മ ലാമ എന്ന പേരില്‍ കാഠ്മണ്ഡു സ്വദേശിനിയെന്ന വ്യാജേനയാണ് ഇവര്‍ കഴിഞ്ഞുവന്നിരുന്നത്. ഈ പേരിലുള്ള നേപ്പാളി പൗരത്വ സര്‍ട്ടിഫിക്കറ്റ് ഇവരില്‍ നിന്ന് കണ്ടെടുത്തതായി പൊലീസ് അറിയിച്ചു.

രാജ്യവിരുദ്ധ പ്രവര്‍ത്തനങ്ങളില്‍ ഏര്‍പ്പെട്ടുവെന്നാരോപിച്ചാണ് അറസ്റ്റ്. ഇവര്‍ ചൈനീസ് ചാര വനിതയാണെന്ന് സംശയിക്കുന്നതായി പൊലീസ് പറയുന്നു. മുടി വെട്ടി ചെറുതാക്കി പരമ്പരാഗത കടുംചുവപ്പ് വസ്ത്രം ധരിച്ച് ബുദ്ധ സന്യാസിനിയുടെ വേഷത്തിലായിരുന്നു ഇവരുടെ വാസം. ഫോറിനേഴ്‌സ് റീജിയണല്‍ രജിസ്‌ട്രേഷന്‍ ഓഫീസര്‍ ഇവരുടെ രേഖകള്‍ പരിശോധിച്ചതായും 2019ല്‍ ചൈനീസ് പാസ്‌പോര്‍ട്ട് ഉപയോഗിച്ചാണ് കായ് റുവോ ഇന്ത്യയിലെത്തിയതെന്ന് കണ്ടെത്തിയതായും പൊലീസ് അറിയിച്ചു.

ചോദ്യം ചെയ്യലില്‍, ചൈനയിലെ കമ്യൂണിസ്റ്റ് പാര്‍ട്ടിയിലെ ചില നേതാക്കള്‍ തന്നെ കൊല്ലാന്‍ പദ്ധതിയിട്ടിരുന്നെന്നും അതിനാലാണ് ഇന്ത്യയിലേക്ക് വന്നതെന്നുമാണ് അവര്‍ പറഞ്ഞതെന്ന് പൊലീസ് പറഞ്ഞു. ഇം?ഗ്ലീഷ്, മാന്‍ഡറിന്‍, നേപ്പാളി ഭാഷകളും സ്ത്രീ സംസാരിക്കുമെന്ന് പൊലീസ് പറഞ്ഞു. കായ് റുവോയെ അറസ്റ്റ് ചെയ്ത ഡല്‍ഹി പൊലീസ് സ്‌പെഷ്യല്‍ സെല്‍ സംഭവത്തില്‍ അന്വേഷണം ഊര്‍ജിതമാക്കിയിട്ടുണ്ട്.

രഹസ്യ വിവരത്തെ തുടര്‍ന്നു നടത്തിയ തെരച്ചിലിലാണ് സ്ത്രീകള്‍ പിടിയിലായത്. ഇവര്‍ക്കെതിരെ ഐ.പി.സി 120 ബി (കുറ്റകരമായ ?ഗൂഡാലോചന), ആര്‍ഡബ്ല്യു 417, 420, 467, 474, ഫോറിനേഴ്‌സ് ആക്ട് 14 എന്നീ വകുപ്പുകള്‍ ചുമത്തിയാണ് കേസെടുത്തിരിക്കുന്നത്. കോടതിയില്‍ ഹാജരാക്കിയ ഇവരെ 14 ദിവസത്തേക്ക് പൊലീസ് കസ്റ്റഡിയില്‍ വിട്ടു.