ആ കാഴ്ച കണ്ണീര്ക്കാഴ്ചയായി..... സിറിയയില് ഭൂകമ്പ അവശിഷ്ടങ്ങള്ക്കിടയില് കുഞ്ഞിന് ജന്മമേകി ആ അമ്മ എന്നെന്നേക്കുമായി വിട പറഞ്ഞു... കുഞ്ഞിന്റെ കരച്ചില് കേട്ടെത്തിയ രക്ഷാപ്രവര്ത്തകര് ഓടിയെത്തിയപ്പോള് കണ്ടത് അമ്മയുമായുള്ള പൊക്കിള്ക്കൊടി ബന്ധം അറ്റുപോകാത്ത നവജാതശിശുവിനെ.... ചുറ്റും മരണമുണ്ടായപ്പോള് അവള് ജീവിതത്തിലേക്ക് കണ്ണു തുറന്നു....
ആ കാഴ്ച കണ്ണീര്ക്കാഴ്ചയായി..... സിറിയയില് ഭൂകമ്പ അവശിഷ്ടങ്ങള്ക്കിടയില് കുഞ്ഞിന് ജന്മമേകി ആ അമ്മ എന്നെന്നേക്കുമായി വിട പറഞ്ഞു... കുഞ്ഞിന്റെ കരച്ചില് കേട്ടെത്തിയ രക്ഷാപ്രവര്ത്തകര് ഓടിയെത്തിയപ്പോള് കണ്ടത് അമ്മയുമായുള്ള പൊക്കിള്ക്കൊടി ബന്ധം അറ്റുപോകാത്ത നവജാതശിശുവിനെ.... ചുറ്റും മരണമുണ്ടായപ്പോള് അവള് ജീവിതത്തിലേക്ക് കണ്ണു തുറന്നു....
വടക്കന് സിറിയയിലാണ് പെണ്കുട്ടിയുടെ അദ്ഭുത രക്ഷപ്പെടലുണ്ടായത്. കുട്ടിയെ അഫ്രിനിലെ ആരോഗ്യ കേന്ദ്രത്തിലെ ഇന്കുേബറ്ററിലേക്കു മാറ്റിയിട്ടുണ്ട്. ഭൂകമ്പം നടന്ന സ്ഥലത്തുനിന്നു കുഞ്ഞിന്റെ കരച്ചില് കേട്ടാണ് നാട്ടുകാര് ഉള്പ്പെടെയുള്ള രക്ഷാപ്രവര്ത്തകര് ഓടി എത്തിയത്. കെട്ടിടാവശിഷ്ടങ്ങള്ക്കിടയില് കിടന്നാണ് യുവതി കുട്ടിക്ക് ജന്മം നല്കിയതെന്നു രക്ഷാപ്രവര്ത്തകര് പറഞ്ഞു. അമ്മയെ ഉള്പ്പെടെ കുട്ടിയുടെ കുടുംബത്തിലെ മറ്റാരെയും അവര്ക്ക് രക്ഷിക്കാനായില്ല. രക്ഷപ്പെട്ടത് ആ കുഞ്ഞു മാത്രം.
അതേസമയം രക്ഷാപ്രവര്ത്തനം തുടരുന്നതിനിടെ തുര്ക്കിയില് ഭൂകമ്പം നടന്ന് 33 മണിക്കൂര് പിന്നിട്ടശേഷം കെട്ടിടാവശിഷ്ടങ്ങള്ക്കിടയില്നിന്ന് നാലുവയസ്സുകാരിയെയും ജീവനോടെ കണ്ടെടുത്തു. ഹതായ് പ്രവിശ്യയിലെ മൂന്ന് നില കെട്ടിടത്തിന്റെ ഒന്നാം നിലയില്നിന്നാണ് ഗുല് ഇനാലിന് എന്ന നാലു വയസ്സുകാരിയെ കണ്ടെത്തിയത്.
അതിനിടെ, ഭൂകമ്പം തകര്ത്തുകളഞ്ഞ പത്ത് പ്രവിശ്യകളില് തുര്ക്കി പ്രസിഡന്റ് തയിപ് എര്ദോഗന് അടിയന്തരാവസ്ഥ പ്രഖ്യാപിച്ചു. മൂന്നു മാസത്തേക്കാണ് അടിയന്തരാവസ്ഥ. തുര്ക്കിയിലും സിറിയയിലുമായി ഉണ്ടായ ഭൂകമ്പത്തില് ഇതുവരെ 5,200ല് അധികം പേരുടെ മൃതദേഹങ്ങള് കണ്ടെടുത്തു.
ഭൂചലനം ഉണ്ടായി രണ്ടാം ദിവസം പിന്നിടുമ്പോള് കെട്ടിടാവശിഷ്ടങ്ങള്ക്കിടയില് ജീവനോടിരിക്കുന്ന ആളുകളെ കണ്ടെത്താനുള്ള ശ്രമങ്ങളാണ് ഊര്ജ്ജിതത്തിലാണ്.
"
https://www.facebook.com/Malayalivartha
