ഓസ്ട്രിയന് പ്രതിപക്ഷമായ ലിബറല് പാര്ട്ടിയില് നിന്നുള്ള സെനറ്റര്മാരാണ് ചൈനീസ് ക്യാമറകളില് രാജ്യസുരക്ഷയെ ബാധിക്കുമെന്ന ആശങ്കയുമായി രംഗത്തുവന്നത്. ഓസ്ട്രേലിയന് സര്ക്കാര് ഓഫീസുകളില് 913 ചൈനീസ് നിര്മിത ഉപകരണങ്ങള് ഉപയോഗിക്കുന്നതായി താന് നടത്തിയ അന്വേഷണത്തില് കണ്ടെത്താന് കഴിഞ്ഞുവെന്ന് ലിബറല് പാര്ട്ടി സെനറ്റര് ജെയിംസ് പാറ്റേഴ്സണ് പറഞ്ഞു.
ചൈനയുടെ ചാരബലൂണുകള് ഇന്ത്യയുള്പ്പെടെയുള്ള രാജ്യങ്ങളെയും ലക്ഷ്യം വച്ചെന്നും വിവരങ്ങള് ശേഖരിച്ചെന്നും യുഎസിലെ പ്രമുഖ മാധ്യമമായ വാഷിങ്ടന് പോസ്റ്റ് റിപ്പോര്ട്ട് ചെയ്തു. ചൈനയുടെ തെക്കന്തീരത്തെ ഹൈനാന് പ്രവിശ്യയില് നിന്നാണ് ബലൂണുകള് വിക്ഷേപിച്ചിരുന്നത്.ചൈനയുടെ ചാരബലൂണുകള് നടത്തിയ രഹസ്യ ചോര്ത്തല് നടപടിയെ ചുടര്ന്ന ലോകമെങ്ങും ചൈനയ്ക്കെതിരെ കടുത്ത ജാഗ്രത പുലര്ത്തി തുടങ്ങി.അതിന്റെ ഭാഗമായി പ്രതിരോധ മന്ത്രാലയത്തിന്റെ ഓഫീസുകളില് നിന്നും ചൈനീസ് നിര്മിത ക്യാമറകള് നീക്കം ചെയ്യുമെന്ന് അറിയിച്ച് ഓസ്ട്രേലിയന് പ്രതിരോധമന്ത്രി റിച്ചാര്ഡ് മാര്ലെസും രംഗത്തെത്തി. ഈ ക്യാമറകള് ചാരവൃത്തിക്കായി ഉപയോഗിക്കുന്നുണ്ടോയെന്ന ആശങ്ക ഉയര്ന്നതിനെ തുടര്ന്നാണ് നടപടി. ചൈന അതിന് മടിക്കില്ലെന്നും ഓസ്ട്രേലിയ വിലയിരുത്തി.
ഇന്ത്യ കൂടാതെ ജപ്പാന്, വിയറ്റ്നാം, തയ്വാന്, ഫിലിപ്പീന്സ് തുടങ്ങിയ രാജ്യങ്ങളില് നിന്നും രഹസ്യങ്ങള് ചോര്ത്തി പ്രതിരോധ, രഹസ്യാന്വേഷണ ഉദ്യോഗസ്ഥരുമായി കൂടിക്കാഴ്ച നടത്തി തയാറാക്കിയ വാഷിംങ്ടണ് പോസ്റ്റിന്റെ റിപ്പോര്ട്ടില് പറയുന്നു. 5 ഭൂഖണ്ഡങ്ങളില് ചൈനയുടെ ഇത്തരം ബലൂണുകള് കണ്ടെത്തിയിട്ടുണ്ടെന്നും റിപ്പോര്ട്ടിലുണ്ട്.യുഎസിലെ തന്ത്രപ്രധാന സൈനിക മേഖലയായ മോണ്ടാന സംസ്ഥാനത്തിനു മുകളില് പ്രത്യക്ഷപ്പെട്ട ചൈനീസ് ബലൂണ് സൈന്യം വെടിവച്ചിട്ടതിന്റെ പശ്ചാത്തലത്തിലാണ് ഈ റിപ്പോര്ട്ട്.
യുഎസ് ഡപ്യൂട്ടി സ്റ്റേറ്റ് സെക്രട്ടറി വെന്ഡി ഷെര്മാന് ഇതിന്റെ വിവരങ്ങള് ഇന്ത്യയുടേതുള്പ്പെടെ 40 സുഹൃദ് രാജ്യങ്ങളുടെ എംബസികളോട് വിശദീകരിച്ചു. ഇതിനു മുന്പ് യുഎസ് പ്രദേശങ്ങളായ ഹവായ്, ഫ്ലോറിഡ, ടെക്സസ്, ഗുവാം എന്നിവിടങ്ങളിലും ഇത്തരം ബലൂണുകള് കണ്ടെത്തിയിരുന്നതായാണ് വിവരം.അതേ സമയം
ചൈനീസ് കമ്പനികളായ ഹിക്വിഷന്, ദാഹുവ എന്നീ കമ്പനികളുടെ ക്യാമറകള്, ആക്സസ് കണ്ട്രോള് സിസ്റ്റം, ഇന്ര്കോം എന്നിവയാണ് വിവിധ സര്ക്കാര് സ്ഥാപനങ്ങളില് ഉപയോഗിക്കുന്നതെന്നും, ഈ കമ്പനികള് ചൈനീസ് കമ്മ്യൂണിസ്റ്റ് പാര്ട്ടിയുമായി അടുത്ത ബന്ധം പുലര്ത്തുന്നവയാണെന്നും പാറ്റേഴ്സണ് പറഞ്ഞു.ഈ കമ്പനികള്ക്ക് ചൈനീസ് കമ്മ്യൂണിസ്റ്റ് പാര്ട്ടിയുമായി അടുത്ത ബന്ധമുണ്ട്. മാത്രമല്ല, ചൈനയുടെ ദേശീയ ഇന്റലിജന്സ് നിയമങ്ങള് പാലിക്കാന് അവര് ബാധ്യസ്ഥരാണ്. എല്ലാ ചൈനീസ് കമ്പനികളും വ്യക്തികളും ചൈനീസ് ഇന്റലിജന്സുമായി സഹകരിക്കണമെന്നാണ് ഈ നിയമത്തില് പറയുന്നത്.
ഞാന് സൂചിപ്പിച്ച ക്യാമറകളുടെ അപാകതകള് നേരത്തെ തന്നെ ചൂണ്ടിക്കാണിച്ചിട്ടുണ്ട്. മൂന്നാമതൊരാള്ക്ക് ഈ ക്യാമറകളുടെ മുഴുവന് നിയന്ത്രണവും ഏറ്റെടുക്കാനും അവ അതുവരെ ശേഖരിച്ച ഓഡിയോയും വീഡിയോയും ഉപയോഗിക്കാനുമാകും,' ഒരു റേഡിയോ അഭിമുഖത്തില് പാറ്റേഴ്സണ് പറഞ്ഞതായി സി.എന്.എന് റിപ്പോര്ട്ട് ചെയ്യുന്നു .പാറ്റേഴ്സന്റെ ഈ പ്രസ്താവനകളോട് മറുപടി പറയവേയാണ് ചൈനീസ് നിര്മിത കമ്പനികളുടെ ക്യാമറകള് നീക്കം ചെയ്യുമെന്ന കാര്യം പ്രതിരോധ മന്ത്രി അറിയിച്ചത്. 'സാഹചര്യങ്ങളുടെ ഗൗരവം പെരുപ്പിച്ച് കാണേണ്ടതില്ല. പക്ഷെ വളരെ പ്രധാനപ്പെട്ട ഒരു കാര്യം തന്നെയാണ് ഇവിടെ ചൂണ്ടിക്കാണിക്കപ്പെട്ടിട്ടുള്ളത്. പ്രതിരോധ വകുപ്പിന് കീഴില് വരുന്ന എല്ലാ സര്വയലന്സ് ഉപകരണങ്ങളുടെയും കണക്കെടുക്കുന്നുണ്ട്. എവിടെയാണോ ഇപ്പറഞ്ഞ കമ്പനികളുടെ ക്യാമറകളുള്ളത് അവ ഉടന് തന്നെ നീക്കം ചെയ്യും,' മാര്ലെസ് പറഞ്ഞു.
കഴിഞ്ഞ നവംബറില് ഹിക്വിഷനും ദാഹുവയുമടക്കം നിരവധി ചൈനീസ് കമ്പനികളുടെ ടെലി കമ്മ്യൂണിക്കേഷന്സ്, വീഡിയോ സര്വയലന്സ് ഉപകരണങ്ങള് അമേരിക്കന് സര്ക്കാര് നിരോധിച്ചിരുന്നു. രാജ്യത്തിന്റെ ആശയവിനിമയ സംവിധാനങ്ങളുടെ സുരക്ഷക്ക് വേണ്ടിയാണ് ഈ നടപടിയെന്നായിരുന്നു അമേരിക്ക അവകാശപ്പെട്ടിരുന്നത്. അതേ മാസം തന്നെ ബ്രിട്ടണും സര്ക്കാര് കെട്ടിടങ്ങളില് നിന്നും ഹിക്വിഷന്റെ സെക്യൂരിറ്റി ക്യാമറകള് നീക്കം ചെയ്തിരുന്നു. അതേ സമയം ചൈന വിട്ട ചാരബലൂണ് വെടിവെച്ചിടാന് അമാന്തം കാണിച്ചെന്ന ആരോപണത്തെ യു എസ് പ്രസിഡണ്റ് ജോ ബൈഡന് തള്ളി. ചൈനയോട് മര്യാദയുടെ ഭാഷയിലാണ് സംസാരിച്ചിട്ടുള്ളത്. ചൈന അതിര് വിട്ടാല് അമേരിക്കയ്ക്ക് കടുത്ത നടപടിയിലേയ്ക്ക നീങ്ങേണ്ടി വരുമെന്നും അദ്ദേഹം പ്രഖ്യാപിച്ചു.
ലോകത്തെ അറുപതോളം രാജ്യങ്ങളില് ചൈനീസ് നിര്മ്മിത ക്യാമറകളും, ഡിവൈസസും ഉപയോഗിക്കുന്നുണ്ട്. ഇവയൊക്കെ ഓരോ ര്ാജ്യവും അവരുടെ തന്ത്രപ്രധാനമായ കേന്ദ്രങ്ങളിലും സ്ഥാപിച്ചിട്ടുണ്ട്. എന്നാല് ക്യാമറകള് വഴി ചൈന ഓരോ രാജ്യത്തിന്റെയും വിവരങ്ങള് ശേഖരിക്കുന്നുവെന്ന ഓസ്ട്രീയന് കണ്ടെത്തല് ഏറെ ഞെട്ടിക്കുന്നതാണ്. ലോകത്തെ ചൈന അതീവ സംശയത്തോടെയാണ് വീക്ഷിച്ചിരിക്കുന്നത്. എന്നാല് ഇപ്പോള് ചൈനീസ് ഉല്പന്നങ്ങളുടെ മേല് ലോകരാജ്യങ്ങള്ക്കിടയില് ഉയര്ന്നിരിക്കുന്ന സംശയം ചൈനയെ സാമ്പത്തികമായും തകര്ക്കുമെന്ന കാര്യത്തില് സംശയമില്ല.
https://www.facebook.com/Malayalivartha
