ലോക ബാങ്കിന്റെ പ്രസിഡന്റായി ഇന്ത്യന് വംശജന് അജയ് ബാംഗയെ തെരഞ്ഞെടുത്തു.... ജൂണ് രണ്ടിന് ഡേവിഡ് മാല്പാസില് നിന്ന് ചുമതല ഏറ്റെടുക്കും, അഞ്ചുവര്ഷത്തേക്കാണ് കാലാവധി
ഇന്ത്യന് വംശജന് അജയ് ബാംഗയെ ലോക ബാങ്കിന്റെ പ്രസിഡന്റായി തെരഞ്ഞെടുത്തു. അഞ്ചുവര്ഷത്തേക്കാണ് കാലാവധി. മാസ്റ്റര് കാര്ഡിന്റെ മുന് സിഇഒ ആയ അജയ് ബാംഗ, നിലവില് അമേരിക്കന് കമ്പനിയായ ജനറല് അറ്റ്ലാന്ഡികിന്റെ വൈസ് ചെയര്മാനാണ്. യുഎസ് പ്രസിഡന്റ് ജോ ബൈഡന് അജയ് ബാംഗയെ ലോകബാങ്ക് പ്രസിഡന്റ് സ്ഥാനത്തേക്ക് നാമനിര്ദേശം ചെയ്തിരുന്നു. ബാംഗ മാത്രമായിരുന്നു മത്സരരംഗത്തുണ്ടായിരുന്നത്.
25 അംഗ എക്സിക്യുട്ടീവ് ബോര്ഡ് വോട്ടെടുപ്പിലൂടെയാണ് അജയ് ബാംഗയെ അടുത്ത പ്രസിഡന്റായി തെരഞ്ഞെടുത്തത്. 2007 മുതല് ബാംഗ യു.എസ് പൗരനാണ്. ഇതാദ്യമായാണ് ഒരു ഇന്ത്യന് - അമേരിക്കന് നോമിനിയെ ലോകബാങ്ക് പ്രസിഡന്റ് സ്ഥാനത്തേക്ക് എത്തുന്നത്.
അജയ് ബംഗ എന്നറിയപ്പെടുന്ന അജയ്പാല് സിംഗ് ബംഗ 1959 നവംബര് 10 ന് പൂനെയിലാണ് ജനിച്ചത്. ഷിംലയിലെ സെന്റ് എഡ്വേര്ഡ് സ്കൂളിലും ഹൈദരാബാദിലെ ഹൈദരാബാദ് പബ്ലിക് സ്കൂളിലും സ്കൂള് വിദ്യാഭ്യാസം പൂര്ത്തിയാക്കിയ ശേഷം അജയ് ബംഗ സെന്റ് സ്റ്റീഫന്സ് കോളേജില് സാമ്പത്തിക ശാസ്ത്രത്തില് ബിരുദമെടുത്തു. പിന്നീട് അഹമ്മദാബാദിലെ ഇന്ത്യന് ഇന്സ്റ്റിറ്റ്യൂട്ട് ഓഫ് മാനേജ്മെന്റില് (ഐഐഎം-എ) എംബിഎ പൂര്ത്തിയാക്കി.
പൂനെയിലെ ഒരു സിഖ് കുടുംബത്തില് ജനിച്ച ബാംഗയുടേ വേരുകള് പഞ്ചാബിലാണ്. അദ്ദേഹത്തിന്റെ പിതാവ് ഇന്ത്യന് ആര്മി ഉദ്യോഗസ്ഥനായിരുന്നു. ഡല്ഹി സെന്റ് സ്റ്റീഫന്സ് കോളേജ്, അഹമ്മദാബാദ് ഇന്ത്യന് ഇന്സ്റ്റിറ്റ്യൂട്ട് ഒഫ് മാനേജ്മെന്റ് എന്നിവിടങ്ങളില് നിന്ന് ഉന്നത വിദ്യാഭ്യാസം നേടിയ അദ്ദേഹം 1981ല് നെസ്ലെയിലൂടെയാണ് ഔദ്യോഗിക ജീവിതം ആരംഭിച്ചത്. 13 വര്ഷം കമ്പനിയുടെ സെയില്സ്, മാര്ക്കറ്റിംഗ്, ജനറല് മാനേജ്മെന്റ് വിഭാഗങ്ങളില് ജോലി ചെയ്തു.
പിന്നീട് പെപ്സികോയില് പ്രവര്ത്തിച്ചു. 2016ല് അജയ് ബാംഗയെ പത്മ ശ്രീ നല്കി ഇന്ത്യ ആദരിച്ചു. മൂന്ന് പതിറ്റാണ്ടിലേറെയായി ബിസിനസ് ലോകത്ത് സജീവമായ ബാംഗ മാസ്റ്റര്കാര്ഡ്, ബോര്ഡ് ഒഫ് ദ അമേരിക്കന് റെഡ് ക്രോസ്, ക്രാഫ്റ്റ് ഫുഡ്സ് തുടങ്ങിയവയില് വിവിധ പദവികള് വഹിച്ചിട്ടുണ്ട്. 2010 മുതല് 2020 വരെയാണ് ബാംഗ മാസ്റ്റര്കാര്ഡിന്റെ സി.ഇ.ഒ പദവിയില് തുടര്ന്നത്.2022 ജനുവരി 1-ന് ജനറല് അറ്റ്ലാന്റിക് വൈസ് ചെയര്മാനായി അദ്ദേഹം ചുമതലയേറ്റു.
2020-2022 വരെ ചെയര്മാനായി സേവനമനുഷ്ഠിക്കുന്ന ബംഗ ഇന്റര്നാഷണല് ചേംബര് ഓഫ് കൊമേഴ്സിന്റെ ഓണററി ചെയര്മാനാണ്. എക്സോറിന്റെ ചെയര്മാനും ടെമാസെക്കിന്റെ സ്വതന്ത്ര ഡയറക്ടറുമാണ് അദ്ദേഹം.
"
https://www.facebook.com/Malayalivartha
