ട്വിറ്ററിന്റെ പുതിയ സിഇഒയായി എന്ബിസി യൂണിവേഴ്സലിന്റെ ലിന്ഡ യാക്കാരിനോയെ പ്രഖ്യാപിച്ചു
ട്വിറ്ററിന്റെ പുതിയ സിഇഒയായി എന്ബിസി യൂണിവേഴ്സലിന്റെ ലിന്ഡ യാക്കാരിനോയെ പ്രഖ്യാപിച്ചു. പുതിയ ട്വിറ്റര് സിഇഒയുടെ പേര് ഇലോണ് മസ്ക് ട്വിറ്ററിലൂടെയാണ് അറിയിച്ചത്.
കോംകാസ്റ്റ് എന്റര്ടൈന്മെന്റ്, മീഡിയ ഡിവിഷന്റെ പരസ്യ ബിസിനസ്സ് നവീകരിച്ച എന്ബിസി യൂണിവേഴ്സല് പരസ്യ മേധാവിയാണ് ലിന്ഡ. ആറാഴ്ചയ്ക്കുള്ളില് നിയമനമുണ്ടാകുമെന്നാണ് അറിയുന്നത്.
സിഇഒ സ്ഥാനമൊഴിയുന്ന മസ്ക് സ്ഥാപനത്തിന്റെ ചെയര്മാനായും ചീഫ് ടെക്നോളജി ഓഫീസറായും തുടര്ന്നേക്കും. കമ്പനിയുടെ പ്രവര്ത്തനങ്ങളുടെയും സിസ്റ്റം ഓപ്പറേഷനുകളുടെയും മേല്നോട്ടം താന്തന്നെ നിര്വഹിക്കുമെന്നും മസ്ക് വ്യക്തമാക്കി. നിലവില് ട്വിറ്ററിനെ നിയന്ത്രിക്കുന്ന എക്സ് കോര്പ്പറേഷന്റെയു സിഇഒയായും ലിന്ഡ പ്രവര്ത്തിക്കും.
കഴിഞ്ഞ ഒക്ടോബറിലാണ് മസ്ക് ട്വിറ്റര് ഏറ്റെടുത്തത്. ഇതിനുശേഷം കമ്പനിയിലെ ഏകദേശം 80 ശതമാനം ജീവനക്കാരെ പിരിച്ചുവിട്ടിരുന്നു. ഇതിനിടെ ട്വിറ്ററില് പരസ്യം നല്കിയിരുന്ന മിക്ക ബ്രാന്ഡുകളും പിന്മാറുകയും ചെയ്തതോടെ പരസ്യവരുമാനം കുത്തനെ ഇടിഞ്ഞതോടെ കമ്പനി വന് സാമ്പത്തിക പ്രതിസന്ധിയിലായി. പരസ്യവരുമാനം തിരിച്ചുപിടിച്ച് കമ്പനിയെ രക്ഷപ്പെടുത്താനായിരിക്കാം പരസ്യ മേഖലയില് പ്രവര്ത്തിച്ച ലിന്ഡയെ ട്വിറ്ററിന്റെ സിഇഒയായി നിയമിക്കുന്നതെന്നും സൂചനയുണ്ട്.
" fr
https://www.facebook.com/Malayalivartha
