വടക്കന്‍ ഇറ്റലിയിലെ എമിലിയ റൊമാഞ്ഞ സംസ്ഥാനത്തുണ്ടായ വെള്ളപ്പൊക്കത്തില്‍ മരിച്ചവരുടെ എണ്ണം 13 ആയി. 37 നഗരങ്ങളെയും പട്ടണങ്ങളെയും വെള്ളപ്പൊക്കം ബാധിച്ചു. 13,000 ലേറെ പേരെ സുരക്ഷിതസ്ഥാനങ്ങളിലേക്കു മാറ്റി.


പ്രദേശത്തെ വീടുകളും റോഡുകളും മുങ്ങിയ സ്ഥിതിയിലാണ്. പ്രദേശത്തെ എല്ലാ നദികളും കരകവിഞ്ഞൊഴുകുകയാണ്. വേനല്‍ക്കാലത്ത് ഈ നദികള്‍ വറ്റിവരണ്ടിരുന്നു. ശക്തമായ മഴ രക്ഷാപ്രവര്‍ത്തനത്തെ ബാധിക്കുന്നുണ്ട്. വെള്ളപ്പൊക്കത്തെത്തുടര്‍ന്ന് ഇറ്റാലിയന്‍ ഗ്രാന്‍പ്രി മാറ്റിവച്ചിട്ടുണ്ടായിരുന്നു.