കഴിഞ്ഞ ദിവസം പ്രധാനമന്ത്രി ജപ്പാനിലെ ഹിരോഷിമയിലേക്ക് പോയിരുന്നു. ജപ്പാനിലെ ഹിരോഷിമയിൽ മഹാത്മാഗാന്ധിയുടെ പ്രതിമ അദ്ദേഹം അനാച്ഛാദനം ചെയ്തിരുന്നു. പ്രധാനമന്ത്രി നരേന്ദ്രമോദി. മഹാത്മാഗാന്ധി മുന്നോട്ട് വെയ്‌ക്കുന്ന അഹിംസയുടെ ആശയവുമായി നാം മുന്നോട്ട് പോകണം പ്രതിമ അനാച്ഛാദനം ചെയ്തുകൊണ്ട് പ്രധാനമന്ത്രി വ്യക്തമാക്കി . ജി 7 ഉച്ചകോടിയിൽ പങ്കെടുക്കാനായി എത്തിയതായിരുന്നു അദ്ദേഹം.

ജപ്പാൻ പ്രധാനമന്ത്രിയ്‌ക്ക് സമ്മാനിച്ച ബോധിവൃക്ഷം ഹിരോഷിമയിൽ നട്ടുപിടിപ്പിച്ചിരിക്കുന്നു എന്നറിയുന്നത് സന്തോഷം നൽകുന്നു.മഹാത്മാ ഗാന്ധിയോടുള്ള ജപ്പാൻ ജനതയുടെ ആദരവ് ഇവിടെ പ്രകടമാണ്’ പ്രധാനമന്ത്രി വ്യക്തമാക്കി. ജപ്പാൻ പ്രധാനമന്ത്രി ഫ്യൂമിയോ കിഷിദയുടെ ക്ഷണപ്രകാരമായിരുന്നു പ്രധാനമന്ത്രി ഹിരോഷിമയിലേക്ക് വന്നത് .

ഹിരോഷ്മയിൽ മെയ് 19 മുതൽ 21 വരെയാണ് ജി 7 ഉച്ചകോടി നടക്കുന്നത്. ഫ്രാൻസ്, യുഎസ്, ബ്രിട്ടൺ, ജർമ്മനി, ജപ്പാൻ , ഇറ്റലി, കാനഡ എന്നീ അംഗരാജ്യങ്ങളാണ് ജി 7-ഉച്ചകോടിയിൽ പങ്കെടുക്കുന്നത്. ആണവ നിരായുധീകരണം, സാമ്പത്തിക പ്രതിരോധം, സാമ്പത്തിക സുരക്ഷ, പ്രാദേശിക പ്രശ്‌നങ്ങൾ, കാലാവസ്ഥ, ഊർജ്ജം, ഭക്ഷണം, ആരോഗ്യം, വികസനം എന്നീ വിഷയങ്ങളാണ് പ്രധാനമായും ഉച്ചകോടിയിൽ ചർച്ച ചെയ്യുന്നത് .